| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.1 | 20 | 1 | 2053 | וַיְדַבֵּ֣ר אֱלֹהִ֔ים אֵ֛ת כָּל־הַדְּבָרִ֥ים הָאֵ֖לֶּה לֵאמֹֽר׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.2 | 20 | 2 | 2054 | אָֽנֹכִ֖י֙ יְהוָ֣ה אֱלֹהֶ֑֔יךָ אֲשֶׁ֧ר הוֹצֵאתִ֛יךָ מֵאֶ֥רֶץ מִצְרַ֖יִם מִבֵּ֣֥ית עֲבָדִ֑͏ֽים׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.3 | 20 | 3 | 2055 | לֹֽ֣א יִהְיֶֽה־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ͏ַ֗י | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.4 | 20 | 4 | 2056 | לֹֽ֣א תֽ͏ַעֲשֶׂ֨ה־לְךָ֥֣ פֶ֣֙סֶל֙ ׀ וְכָל־תְּמוּנָ֡֔ה אֲשֶׁ֤֣ר בַּשָּׁמַ֣֙יִם֙ ׀ מִמַּ֡֔עַל וֽ͏ַאֲשֶׁ֥ר֩ בָּאָ֖֨רֶץ מִתָּ֑͏ַ֜חַת וַאֲשֶׁ֥֣ר בַּמַּ֖֣יִם ׀ מִתַּ֥֣חַת לָאָֽ֗רֶץ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.5 | 20 | 5 | 2057 | לֹֽא־תִשְׁתַּחְוֶ֥֣ה לָהֶ֖ם֮ וְלֹ֣א תָעָבְדֵ֑ם֒ כִּ֣י אֽ͏ָנֹכִ֞י יְהוָ֤ה אֱלֹהֶ֙יךָ֙ אֵ֣ל קַנָּ֔א פֹּ֠קֵד עֲוֺ֨ן אָבֹ֧ת עַל־בָּנִ֛ים עַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽ֑י׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.6 | 20 | 6 | 2058 | וְעֹ֥֤שֶׂה חֶ֖֙סֶד֙ לַאֲלָפִ֑֔ים לְאֹהֲבַ֖י וּלְשֹׁמְרֵ֥י מִצְוֺתָֽי׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.7 | 20 | 7 | 2059 | לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמ֖וֹ לַשָּֽׁוְא׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.8 | 20 | 8 | 2060 | זָכ֛וֹר֩ אֶת־י֥֨וֹם הַשַׁבָּ֖֜ת לְקַדְּשֽׁ֗וֹ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.9 | 20 | 9 | 2061 | שֵׁ֤֣שֶׁת יָמִ֣ים֙ תּֽ͏ַעֲבֹ֔ד֮ וְעָשִׂ֖֣יתָ כָּל־מְלַאכְתֶּֽךָ֒ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.10 | 20 | 10 | 2062 | וְי֨וֹם֙ הַשְּׁבִיעִ֔֜י שַׁבָּ֖֣ת ׀ לַיהוָ֣ה אֱלֹהֶ֑֗יךָ לֹֽ֣א־תַעֲשֶׂ֣֨ה כָל־מְלָאכָ֡֜ה אַתָּ֣ה ׀ וּבִנְךָֽ֣־וּ֠בִתֶּ֗ךָ עַבְדְּךָ֤֨ וַאֲמָֽתְךָ֜֙ וּבְהֶמְתֶּ֔֗ךָ וְגֵרְךָ֖֙ אֲשֶׁ֥֣ר בִּשְׁעָרֶֽ֔יךָ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.11 | 20 | 11 | 2063 | כִּ֣י שֵֽׁשֶׁת־יָמִים֩ עָשָׂ֨ה יְהוָ֜ה אֶת־הַשָּׁמַ֣יִם וְאֶת־הָאָ֗רֶץ אֶת־הַיָּם֙ וְאֶת־כָּל־אֲשֶׁר־בָּ֔ם וַיָּ֖נַח בַּיּ֣וֹם הַשְּׁבִיעִ֑י עַל־כֵּ֗ן בֵּרַ֧ךְ יְהוָ֛ה אֶת־י֥וֹם הַשַׁבָּ֖ת וַֽיְקַדְּשֵֽׁהוּ׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.12 | 20 | 12 | 2064 | כַּבֵּ֥ד אֶת־אָבִ֖יךָ וְאֶת־אִמֶּ֑ךָ לְמַ֙עַן֙ יַאֲרִכ֣וּן יָמֶ֔יךָ עַ֚ל הָאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.13 | 20 | 13 | 2065 | לֹ֥֖א תִּֿרְצָ֖͏ֽח׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.14 | 20 | 14 | 2066 | לֹ֣֖א תִּֿנְאָ֑͏ֽף׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.15 | 20 | 15 | 2067 | לֹ֣֖א תִּֿגְנֹֽ֔ב׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.16 | 20 | 16 | 2068 | לֹֽא־תַעֲנֶ֥ה בְרֵעֲךָ֖ עֵ֥ד שָֽׁקֶר׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.17 | 20 | 17 | 2069 | לֹ֥א תַחְמֹ֖ד בֵּ֣ית רֵעֶ֑ךָ לֹֽא־תַחְמֹ֞ד אֵ֣שֶׁת רֵעֶ֗ךָ וְעַבְדּ֤וֹ וַאֲמָתוֹ֙ וְשׁוֹר֣וֹ וַחֲמֹר֔וֹ וְכֹ֖ל אֲשֶׁ֥ר לְרֵעֶֽךָ׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.18 | 20 | 18 | 2070 | וְכָל־הָעָם֩ רֹאִ֨ים אֶת־הַקּוֹלֹ֜ת וְאֶת־הַלַּפִּידִ֗ם וְאֵת֙ ק֣וֹל הַשֹּׁפָ֔ר וְאֶת־הָהָ֖ר עָשֵׁ֑ן וַיַּ֤רְא הָעָם֙ וַיָּנֻ֔עוּ וַיּֽ͏ַעַמְד֖וּ מֵֽרָחֹֽק׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.19 | 20 | 19 | 2071 | וַיֹּֽאמְרוּ֙ אֶל־מֹשֶׁ֔ה דַּבֵּר־אַתָּ֥ה עִמָּ֖נוּ וְנִשְׁמָ֑עָה וְאַל־יְדַבֵּ֥ר עִמָּ֛נוּ אֱלֹהִ֖ים פֶּן־נָמֽוּת׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.20 | 20 | 20 | 2072 | וַיֹּ֨אמֶר מֹשֶׁ֣ה אֶל־הָעָם֮ אַל־תִּירָאוּ֒ כִּ֗י לְבַֽעֲבוּר֙ נַסּ֣וֹת אֶתְכֶ֔ם בָּ֖א הָאֱלֹהִ֑ים וּבַעֲב֗וּר תִּהְיֶ֧ה יִרְאָת֛וֹ עַל־פְּנֵיכֶ֖ם לְבִלְתִּ֥י תֶחֱטָֽאוּ׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.21 | 20 | 21 | 2073 | וַיַּעֲמֹ֥ד הָעָ֖ם מֵרָחֹ֑ק וּמֹשֶׁה֙ נִגַּ֣שׁ אֶל־הָֽעֲרָפֶ֔ל אֲשֶׁר־שָׁ֖ם הָאֱלֹהִֽים׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.22 | 20 | 22 | 2074 | וַיֹּ֤אמֶר יְהוָה֙ אֶל־מֹשֶׁ֔ה כֹּ֥ה תֹאמַ֖ר אֶל־בְּנֵ֣י יִשְׂרָאֵ֑ל אַתֶּ֣ם רְאִיתֶ֔ם כִּ֚י מִן־הַשָּׁמַ֔יִם דִּבַּ֖רְתִּי עִמָּכֶֽם׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.23 | 20 | 23 | 2075 | לֹ֥א תַעֲשׂ֖וּן אִתִּ֑י אֱלֹ֤הֵי כֶ֙סֶף֙ וֵאלֹהֵ֣י זָהָ֔ב לֹ֥א תַעֲשׂ֖וּ לָכֶֽם׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.24 | 20 | 24 | 2076 | מִזְבַּ֣ח אֲדָמָה֮ תַּעֲשֶׂה־לִּי֒ וְזָבַחְתָּ֣ עָלָ֗יו אֶת־עֹלֹתֶ֙יךָ֙ וְאֶת־שְׁלָמֶ֔יךָ אֶת־צֹֽאנְךָ֖ וְאֶת־בְּקָרֶ֑ךָ בְּכָל־הַמָּקוֹם֙ אֲשֶׁ֣ר אַזְכִּ֣יר אֶת־שְׁמִ֔י אָב֥וֹא אֵלֶ֖יךָ וּבֵרַכְתִּֽיךָ׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.25 | 20 | 25 | 2077 | וְאִם־מִזְבַּ֤ח אֲבָנִים֙ תַּֽעֲשֶׂה־לִּ֔י לֹֽא־תִבְנֶ֥ה אֶתְהֶ֖ן גָּזִ֑ית כִּ֧י חַרְבְּךָ֛ הֵנַ֥פְתָּ עָלֶ֖יהָ וַתְּחַֽלְלֶֽהָ׃ | |
| Hebrew Bible (Tanakh) | Torah (Pentateuch) | Torah Exodus | Torah Exodus 20 | Ch.20:V.26 | 20 | 26 | 2078 | וְלֹֽא־תַעֲלֶ֥ה בְמַעֲלֹ֖ת עַֽל־מִזְבְּחִ֑י אֲשֶׁ֛ר לֹֽא־תִגָּלֶ֥ה עֶרְוָתְךָ֖ עָלָֽיו׃ | |