| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.1 | 10 | 1 | 5189 | בָּעֵ֨ת הַהִ֜וא אָמַ֧ר יְהוָ֣ה אֵלַ֗י פְּסָל־לְךָ֞ שְׁנֵֽי־לֻוחֹ֤ת אֲבָנִים֙ כָּרִ֣אשֹׁנִ֔ים וַעֲלֵ֥ה אֵלַ֖י הָהָ֑רָה וְעָשִׂ֥יתָ לְּךָ֖ אֲר֥וֹן עֵֽץ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.2 | 10 | 2 | 5190 | וְאֶכְתֹּב֙ עַל־הַלֻּחֹ֔ת אֶת־הַדְּבָרִ֔ים אֲשֶׁ֥ר הָי֛וּ עַל־הַלֻּחֹ֥ת הָרִאשֹׁנִ֖ים אֲשֶׁ֣ר שִׁבַּ֑רְתָּ וְשַׂמְתָּ֖ם בָּאָרֽוֹן׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.3 | 10 | 3 | 5191 | וָאַ֤עַשׂ אֲרוֹן֙ עֲצֵ֣י שִׁטִּ֔ים וָאֶפְסֹ֛ל שְׁנֵי־לֻחֹ֥ת אֲבָנִ֖ים כָּרִאשֹׁנִ֑ים וָאַ֣עַל הָהָ֔רָה וּשְׁנֵ֥י הַלֻּחֹ֖ת בְּיָדִֽי׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.4 | 10 | 4 | 5192 | וַיִּכְתֹּ֨ב עַֽל־הַלֻּחֹ֜ת כַּמִּכְתָּ֣ב הָרִאשׁ֗וֹן אֵ֚ת עֲשֶׂ֣רֶת הַדְּבָרִ֔ים אֲשֶׁ֣ר דִּבֶּר֩ יְהוָ֨ה אֲלֵיכֶ֥ם בָּהָ֛ר מִתּ֥וֹךְ הָאֵ֖שׁ בְּי֣וֹם הַקָּהָ֑ל וַיִּתְּנֵ֥ם יְהוָ֖ה אֵלָֽי׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.5 | 10 | 5 | 5193 | וָאֵ֗פֶן וָֽאֵרֵד֙ מִן־הָהָ֔ר וָֽאָשִׂם֙ אֶת־הַלֻּחֹ֔ת בָּאָר֖וֹן אֲשֶׁ֣ר עָשִׂ֑יתִי וַיִּ֣הְיוּ שָׁ֔ם כַּאֲשֶׁ֥ר צִוַּ֖נִי יְהוָֽה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.6 | 10 | 6 | 5194 | וּבְנֵ֣י יִשְׂרָאֵ֗ל נָֽסְע֛וּ מִבְּאֵרֹ֥ת בְּנֵי־יַעֲקָ֖ן מוֹסֵרָ֑ה שָׁ֣ם מֵ֤ת אַהֲרֹן֙ וַיִּקָּבֵ֣ר שָׁ֔ם וַיְכַהֵ֛ן אֶלְעָזָ֥ר בְּנ֖וֹ תַּחְתָּֽיו׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.7 | 10 | 7 | 5195 | מִשָּׁ֥ם נָסְע֖וּ הַגֻּדְגֹּ֑דָה וּמִן־הַגֻּדְגֹּ֣דָה יָטְבָ֔תָה אֶ֖רֶץ נַ֥חֲלֵי מָֽיִם׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.8 | 10 | 8 | 5196 | בָּעֵ֣ת הַהִ֗וא הִבְדִּ֤יל יְהוָה֙ אֶת־שֵׁ֣בֶט הַלֵּוִ֔י לָשֵׂ֖את אֶת־אֲר֣וֹן בְּרִית־יְהוָ֑ה לַעֲמֹד֩ לִפְנֵ֨י יְהוָ֤ה לְשָֽׁרְתוֹ֙ וּלְבָרֵ֣ךְ בִּשְׁמ֔וֹ עַ֖ד הַיּ֥וֹם הַזֶּֽה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.9 | 10 | 9 | 5197 | עַל־כֵּ֞ן לֹֽא־הָיָ֧ה לְלֵוִ֛י חֵ֥לֶק וְנַחֲלָ֖ה עִם־אֶחָ֑יו יְהוָה֙ ה֣וּא נַחֲלָת֔וֹ כַּאֲשֶׁ֥ר דִּבֶּ֛ר יְהוָ֥ה אֱלֹהֶ֖יךָ לֽוֹ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.10 | 10 | 10 | 5198 | וְאָנֹכִ֞י עָמַ֣דְתִּי בָהָ֗ר כַּיָּמִים֙ הָרִ֣אשֹׁנִ֔ים אַרְבָּעִ֣ים י֔וֹם וְאַרְבָּעִ֖ים לָ֑יְלָה וַיִּשְׁמַ֨ע יְהוָ֜ה אֵלַ֗י גַּ֚ם בַּפַּ֣עַם הַהִ֔וא לֹא־אָבָ֥ה יְהוָ֖ה הַשְׁחִיתֶֽךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.11 | 10 | 11 | 5199 | וַיֹּ֤אמֶר יְהוָה֙ אֵלַ֔י ק֛וּם לֵ֥ךְ לְמַסַּ֖ע לִפְנֵ֣י הָעָ֑ם וְיָבֹ֙אוּ֙ וְיִֽרְשׁ֣וּ אֶת־הָאָ֔רֶץ אֲשֶׁר־נִשְׁבַּ֥עְתִּי לַאֲבֹתָ֖ם לָתֵ֥ת לָהֶֽם׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.12 | 10 | 12 | 5200 | וְעַתָּה֙ יִשְׂרָאֵ֔ל מָ֚ה יְהוָ֣ה אֱלֹהֶ֔יךָ שֹׁאֵ֖ל מֵעִמָּ֑ךְ כִּ֣י אִם־לְ֠יִרְאָה אֶת־יְהוָ֨ה אֱלֹהֶ֜יךָ לָלֶ֤כֶת בְּכָל־דְּרָכָיו֙ וּלְאַהֲבָ֣ה אֹת֔וֹ וְלַֽעֲבֹד֙ אֶת־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.13 | 10 | 13 | 5201 | לִשְׁמֹ֞ר אֶת־מִצְוֺ֤ת יְהוָה֙ וְאֶת־חֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיּ֑וֹם לְט֖וֹב לָֽךְ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.14 | 10 | 14 | 5202 | הֵ֚ן לַיהוָ֣ה אֱלֹהֶ֔יךָ הַשָּׁמַ֖יִם וּשְׁמֵ֣י הַשָּׁמָ֑יִם הָאָ֖רֶץ וְכָל־אֲשֶׁר־בָּֽהּ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.15 | 10 | 15 | 5203 | רַ֧ק בַּאֲבֹתֶ֛יךָ חָשַׁ֥ק יְהוָ֖ה לְאַהֲבָ֣ה אוֹתָ֑ם וַיִּבְחַ֞ר בְּזַרְעָ֣ם אַחֲרֵיהֶ֗ם בָּכֶ֛ם מִכָּל־הָעַמִּ֖ים כַּיּ֥וֹם הַזֶּה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.16 | 10 | 16 | 5204 | וּמַלְתֶּ֕ם אֵ֖ת עָרְלַ֣ת לְבַבְכֶ֑ם וְעָ֨רְפְּכֶ֔ם לֹ֥א תַקְשׁ֖וּ עֽוֹד׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.17 | 10 | 17 | 5205 | כִּ֚י יְהוָ֣ה אֱלֹֽהֵיכֶ֔ם ה֚וּא אֱלֹהֵ֣י הָֽאֱלֹהִ֔ים וַאֲדֹנֵ֖י הָאֲדֹנִ֑ים הָאֵ֨ל הַגָּדֹ֤ל הַגִּבֹּר֙ וְהַנּוֹרָ֔א אֲשֶׁר֙ לֹא־יִשָּׂ֣א פָנִ֔ים וְלֹ֥א יִקַּ֖ח שֹֽׁחַד׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.18 | 10 | 18 | 5206 | עֹשֶׂ֛ה מִשְׁפַּ֥ט יָת֖וֹם וְאַלְמָנָ֑ה וְאֹהֵ֣ב גֵּ֔ר לָ֥תֶת ל֖וֹ לֶ֥חֶם וְשִׂמְלָֽה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.19 | 10 | 19 | 5207 | וַאֲהַבְתֶּ֖ם אֶת־הַגֵּ֑ר כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.20 | 10 | 20 | 5208 | אֶת־יְהוָ֧ה אֱלֹהֶ֛יךָ תִּירָ֖א אֹת֣וֹ תַעֲבֹ֑ד וּב֣וֹ תִדְבָּ֔ק וּבִשְׁמ֖וֹ תִּשָּׁבֵֽעַ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.21 | 10 | 21 | 5209 | ה֥וּא תְהִלָּתְךָ֖ וְה֣וּא אֱלֹהֶ֑יךָ אֲשֶׁר־עָשָׂ֣ה אִתְּךָ֗ אֶת־הַגְּדֹלֹ֤ת וְאֶת־הַנּֽוֹרָאֹת֙ הָאֵ֔לֶּה אֲשֶׁ֥ר רָא֖וּ עֵינֶֽיךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 10 | Ch.10:V.22 | 10 | 22 | 5210 | בְּשִׁבְעִ֣ים נֶ֔פֶשׁ יָרְד֥וּ אֲבֹתֶ֖יךָ מִצְרָ֑יְמָהּ וְעַתָּ֗ה שָֽׂמְךָ֙ יְהוָ֣ה אֱלֹהֶ֔יךָ כְּכוֹכְבֵ֥י הַשָּׁמַ֖יִם לָרֹֽב׃ | |