| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.1 | 25 | 1 | 5550 | כִּֽי־יִהְיֶ֥ה רִיב֙ בֵּ֣ין אֲנָשִׁ֔ים וְנִגְּשׁ֥וּ אֶל־הַמִּשְׁפָּ֖ט וּשְׁפָט֑וּם וְהִצְדִּ֙יקוּ֙ אֶת־הַצַּדִּ֔יק וְהִרְשִׁ֖יעוּ אֶת־הָרָשָֽׁע׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.2 | 25 | 2 | 5551 | וְהָיָ֛ה אִם־בִּ֥ן הַכּ֖וֹת הָרָשָׁ֑ע וְהִפִּיל֤וֹ הַשֹּׁפֵט֙ וְהִכָּ֣הוּ לְפָנָ֔יו כְּדֵ֥י רִשְׁעָת֖וֹ בְּמִסְפָּֽר׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.3 | 25 | 3 | 5552 | אַרְבָּעִ֥ים יַכֶּ֖נּוּ לֹ֣א יֹסִ֑יף פֶּן־יֹסִ֨יף לְהַכֹּת֤וֹ עַל־אֵ֙לֶּה֙ מַכָּ֣ה רַבָּ֔ה וְנִקְלָ֥ה אָחִ֖יךָ לְעֵינֶֽיךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.4 | 25 | 4 | 5553 | לֹא־תַחְסֹ֥ם שׁ֖וֹר בְּדִישֽׁוֹ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.5 | 25 | 5 | 5554 | כִּֽי־יֵשְׁב֨וּ אַחִ֜ים יַחְדָּ֗ו וּמֵ֨ת אַחַ֤ד מֵהֶם֙ וּבֵ֣ן אֵֽין־ל֔וֹ לֹֽא־תִהְיֶ֧ה אֵֽשֶׁת־הַמֵּ֛ת הַח֖וּצָה לְאִ֣ישׁ זָ֑ר יְבָמָהּ֙ יָבֹ֣א עָלֶ֔יהָ וּלְקָחָ֥הּ ל֛וֹ לְאִשָּׁ֖ה וְיִבְּמָֽהּ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.6 | 25 | 6 | 5555 | וְהָיָ֗ה הַבְּכוֹר֙ אֲשֶׁ֣ר תֵּלֵ֔ד יָק֕וּם עַל־שֵׁ֥ם אָחִ֖יו הַמֵּ֑ת וְלֹֽא־יִמָּחֶ֥ה שְׁמ֖וֹ מִיִּשְׂרָאֵֽל׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.7 | 25 | 7 | 5556 | וְאִם־לֹ֤א יַחְפֹּץ֙ הָאִ֔ישׁ לָקַ֖חַת אֶת־יְבִמְתּ֑וֹ וְעָלְתָה֩ יְבִמְתּ֨וֹ הַשַּׁ֜עְרָה אֶל־הַזְּקֵנִ֗ים וְאָֽמְרָה֙ מֵאֵ֨ין יְבָמִ֜י לְהָקִ֨ים לְאָחִ֥יו שֵׁם֙ בְּיִשְׂרָאֵ֔ל לֹ֥א אָבָ֖ה יַבְּמִֽי׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.8 | 25 | 8 | 5557 | וְקָֽרְאוּ־ל֥וֹ זִקְנֵי־עִיר֖וֹ וְדִבְּר֣וּ אֵלָ֑יו וְעָמַ֣ד וְאָמַ֔ר לֹ֥א חָפַ֖צְתִּי לְקַחְתָּֽהּ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.9 | 25 | 9 | 5558 | וְנִגְּשָׁ֨ה יְבִמְתּ֣וֹ אֵלָיו֮ לְעֵינֵ֣י הַזְּקֵנִים֒ וְחָלְצָ֤ה נַעֲלוֹ֙ מֵעַ֣ל רַגְל֔וֹ וְיָרְקָ֖ה בְּפָנָ֑יו וְעָֽנְתָה֙ וְאָ֣מְרָ֔ה כָּ֚כָה יֵעָשֶׂ֣ה לָאִ֔ישׁ אֲשֶׁ֥ר לֹא־יִבְנֶ֖ה אֶת־בֵּ֥ית אָחִֽיו | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.10 | 25 | 10 | 5559 | וְנִקְרָ֥א שְׁמ֖וֹ בְּיִשְׂרָאֵ֑ל בֵּ֖ית חֲל֥וּץ הַנָּֽעַל׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.11 | 25 | 11 | 5560 | כִּֽי־יִנָּצ֨וּ אֲנָשִׁ֤ים יַחְדָּו֙ אִ֣ישׁ וְאָחִ֔יו וְקֽ͏ָרְבָה֙ אֵ֣שֶׁת הָֽאֶחָ֔ד לְהַצִּ֥יל אֶת־אִישָׁ֖הּ מִיַּ֣ד מַכֵּ֑הוּ וְשָׁלְחָ֣ה יָדָ֔הּ וְהֶחֱזִ֖יקָה בִּמְבֻשָֽׁיו׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.12 | 25 | 12 | 5561 | וְקַצֹּתָ֖ה אֶת־כַּפָּ֑הּ לֹ֥א תָח֖וֹס עֵינֶֽךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.13 | 25 | 13 | 5562 | לֹֽא־יִהְיֶ֥ה לְךָ֛ בְּכִֽיסְךָ֖ אֶ֣בֶן וָאָ֑בֶן גְּדוֹלָ֖ה וּקְטַנָּֽה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.14 | 25 | 14 | 5563 | לֹא־יִהְיֶ֥ה לְךָ֛ בְּבֵיתְךָ֖ אֵיפָ֣ה וְאֵיפָ֑ה גְּדוֹלָ֖ה וּקְטַנָּֽה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.15 | 25 | 15 | 5564 | אֶ֣בֶן שְׁלֵמָ֤ה וָצֶ֙דֶק֙ יִֽהְיֶה־לָּ֔ךְ אֵיפָ֧ה שְׁלֵמָ֛ה וָצֶ֖דֶק יִֽהְיֶה־לָּ֑ךְ לְמַ֙עַן֙ יַאֲרִ֣יכוּ יָמֶ֔יךָ עַ֚ל הֽ͏ָאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.16 | 25 | 16 | 5565 | כִּ֧י תוֹעֲבַ֛ת יְהוָ֥ה אֱלֹהֶ֖יךָ כָּל־עֹ֣שֵׂה אֵ֑לֶּה כֹּ֖ל עֹ֥שֵׂה עָֽוֶל׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.17 | 25 | 17 | 5566 | זָכ֕וֹר אֵ֛ת אֲשֶׁר־עָשָׂ֥ה לְךָ֖ עֲמָלֵ֑ק בַּדֶּ֖רֶךְ בְּצֵאתְכֶ֥ם מִמִּצְרָֽיִם׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.18 | 25 | 18 | 5567 | אֲשֶׁ֨ר קָֽרְךָ֜ בַּדֶּ֗רֶךְ וַיְזַנֵּ֤ב בְּךָ֙ כָּל־הַנֶּחֱשָׁלִ֣ים אַֽחַרֶ֔יךָ וְאַתָּ֖ה עָיֵ֣ף וְיָגֵ֑עַ וְלֹ֥א יָרֵ֖א אֱלֹהִֽים׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 25 | Ch.25:V.19 | 25 | 19 | 5568 | וְהָיָ֡ה בְּהָנִ֣יחַ יְהוָ֣ה אֱלֹהֶ֣יךָ ׀ לְ֠ךָ מִכָּל־אֹ֨יְבֶ֜יךָ מִסָּבִ֗יב בָּאָ֙רֶץ֙ אֲשֶׁ֣ר יְהוָֽה־אֱ֠לֹהֶיךָ נֹתֵ֨ן לְךָ֤ נַחֲלָה֙ לְרִשְׁתָּ֔הּ תִּמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָ֑יִם לֹ֖א תִּשְׁכָּֽח׃ | |