| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.1 | 33 | 1 | 5813 | וְזֹ֣את הַבְּרָכָ֗ה אֲשֶׁ֨ר בֵּרַ֥ךְ מֹשֶׁ֛ה אִ֥ישׁ הָאֱלֹהִ֖ים אֶת־בְּנֵ֣י יִשְׂרָאֵ֑ל לִפְנֵ֖י מוֹתֽוֹ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.2 | 33 | 2 | 5814 | וַיֹּאמַ֗ר יְהוָ֞ה מִסִּינַ֥י בָּא֙ וְזָרַ֤ח מִשֵּׂעִיר֙ לָ֔מוֹ הוֹפִ֙יעַ֙ מֵהַ֣ר פָּארָ֔ן וְאָתָ֖ה מֵרִבְבֹ֣ת קֹ֑דֶשׁ מִֽימִינ֕וֹ אֵ֥שׁ דָּ֖ת לָֽמוֹ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.3 | 33 | 3 | 5815 | אַ֚ף חֹבֵ֣ב עַמִּ֔ים כָּל־קְדֹשָׁ֖יו בְּיָדֶ֑ךָ וְהֵם֙ תֻּכּ֣וּ לְרַגְלֶ֔ךָ יִשָּׂ֖א מִדַּבְּרֹתֶֽיךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.4 | 33 | 4 | 5816 | תּוֹרָ֥ה צִוָּה־לָ֖נוּ מֹשֶׁ֑ה מוֹרָשָׁ֖ה קְהִלַּ֥ת יַעֲקֹֽב׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.5 | 33 | 5 | 5817 | וַיְהִ֥י בִישֻׁר֖וּן מֶ֑לֶךְ בְּהִתְאַסֵּף֙ רָ֣אשֵׁי עָ֔ם יַ֖חַד שִׁבְטֵ֥י יִשְׂרָאֵֽל׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.6 | 33 | 6 | 5818 | יְחִ֥י רְאוּבֵ֖ן וְאַל־יָמֹ֑ת וִיהִ֥י מְתָ֖יו מִסְפָּֽר׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.7 | 33 | 7 | 5819 | וְזֹ֣את לִֽיהוּדָה֮ וַיֹּאמַר֒ שְׁמַ֤ע יְהוָה֙ ק֣וֹל יְהוּדָ֔ה וְאֶל־עַמּ֖וֹ תְּבִיאֶ֑נּוּ יָדָיו֙ רָ֣ב ל֔וֹ וְעֵ֥זֶר מִצָּרָ֖יו תִּהְיֶֽה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.8 | 33 | 8 | 5820 | וּלְלֵוִ֣י אָמַ֔ר תֻּמֶּ֥יךָ וְאוּרֶ֖יךָ לְאִ֣ישׁ חֲסִידֶ֑ךָ אֲשֶׁ֤ר נִסִּיתוֹ֙ בְּמַסָּ֔ה תְּרִיבֵ֖הוּ עַל־מֵ֥י מְרִיבָֽה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.9 | 33 | 9 | 5821 | הָאֹמֵ֞ר לְאָבִ֤יו וּלְאִמּוֹ֙ לֹ֣א רְאִיתִ֔יו וְאֶת־אֶחָיו֙ לֹ֣א הִכִּ֔יר וְאֶת־בָּנָ֖יו לֹ֣א יָדָ֑ע כִּ֤י שָֽׁמְרוּ֙ אִמְרָתֶ֔ךָ וּבְרִֽיתְךָ֖ יִנְצֹֽרוּ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.10 | 33 | 10 | 5822 | יוֹר֤וּ מִשְׁפָּטֶ֙יךָ֙ לְיַעֲקֹ֔ב וְתוֹרָתְךָ֖ לְיִשְׂרָאֵ֑ל יָשִׂ֤ימוּ קְטוֹרָה֙ בְּאַפֶּ֔ךָ וְכָלִ֖יל עַֽל־מִזְבְּחֶֽךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.11 | 33 | 11 | 5823 | בָּרֵ֤ךְ יְהוָה֙ חֵיל֔וֹ וּפֹ֥עַל יָדָ֖יו תִּרְצֶ֑ה מְחַ֨ץ מָתְנַ֧יִם קָמָ֛יו וּמְשַׂנְאָ֖יו מִן־יְקוּמֽוּן׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.12 | 33 | 12 | 5824 | לְבִנְיָמִ֣ן אָמַ֔ר יְדִ֣יד יְהֹוָ֔ה יִשְׁכֹּ֥ן לָבֶ֖טַח עָלָ֑יו חֹפֵ֤ף עָלָיו֙ כָּל־הַיּ֔וֹם וּבֵ֥ין כְּתֵיפָ֖יו שָׁכֵֽן׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.13 | 33 | 13 | 5825 | וּלְיוֹסֵ֣ף אָמַ֔ר מְבֹרֶ֥כֶת יְהֹוָ֖ה אַרְצ֑וֹ מִמֶּ֤גֶד שָׁמַ֙יִם֙ מִטָּ֔ל וּמִתְּה֖וֹם רֹבֶ֥צֶת תָּֽחַת׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.14 | 33 | 14 | 5826 | וּמִמֶּ֖גֶד תְּבוּאֹ֣ת שָׁ֑מֶשׁ וּמִמֶּ֖גֶד גֶּ֥רֶשׁ יְרָחִֽים׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.15 | 33 | 15 | 5827 | וּמֵרֹ֖אשׁ הַרְרֵי־קֶ֑דֶם וּמִמֶּ֖גֶד גִּבְע֥וֹת עוֹלָֽם׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.16 | 33 | 16 | 5828 | וּמִמֶּ֗גֶד אֶ֚רֶץ וּמְלֹאָ֔הּ וּרְצ֥וֹן שֹׁכְנִ֖י סְנֶ֑ה תָּב֙וֹאתָה֙ לְרֹ֣אשׁ יוֹסֵ֔ף וּלְקָדְקֹ֖ד נְזִ֥יר אֶחָֽיו׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.17 | 33 | 17 | 5829 | בְּכ֨וֹר שׁוֹר֜וֹ הָדָ֣ר ל֗וֹ וְקַרְנֵ֤י רְאֵם֙ קַרְנָ֔יו בָּהֶ֗ם עַמִּ֛ים יְנַגַּ֥ח יַחְדָּ֖ו אַפְסֵי־אָ֑רֶץ וְהֵם֙ רִבְב֣וֹת אֶפְרַ֔יִם וְהֵ֖ם אַלְפֵ֥י מְנַשֶּֽׁה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.18 | 33 | 18 | 5830 | וְלִזְבוּלֻ֣ן אָמַ֔ר שְׂמַ֥ח זְבוּלֻ֖ן בְּצֵאתֶ֑ךָ וְיִשָּׂשכָ֖ר בְּאֹהָלֶֽיךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.19 | 33 | 19 | 5831 | עַמִּים֙ הַר־יִקְרָ֔אוּ שָׁ֖ם יִזְבְּח֣וּ זִבְחֵי־צֶ֑דֶק כִּ֣י שֶׁ֤פַע יַמִּים֙ יִינָ֔קוּ וּשְׂפוּנֵ֖י טְמ֥וּנֵי חֽוֹל׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.20 | 33 | 20 | 5832 | וּלְגָ֣ד אָמַ֔ר בָּר֖וּךְ מַרְחִ֣יב גָּ֑ד כְּלָבִ֣יא שָׁכֵ֔ן וְטָרַ֥ף זְר֖וֹעַ אַף־קָדְקֹֽד׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.21 | 33 | 21 | 5833 | וַיַּ֤רְא רֵאשִׁית֙ ל֔וֹ כִּי־שָׁ֛ם חֶלְקַ֥ת מְחֹקֵ֖ק סָפ֑וּן וַיֵּתֵא֙ רָ֣אשֵׁי עָ֔ם צִדְקַ֤ת יְהוָה֙ עָשָׂ֔ה וּמִשְׁפָּטָ֖יו עִם־יִשְׂרָאֵֽל׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.22 | 33 | 22 | 5834 | וּלְדָ֣ן אָמַ֔ר דָּ֖ן גּ֣וּר אַרְיֵ֑ה יְזַנֵּ֖ק מִן־הַבָּשָֽׁן׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.23 | 33 | 23 | 5835 | וּלְנַפְתָּלִ֣י אָמַ֔ר נַפְתָּלִי֙ שְׂבַ֣ע רָצ֔וֹן וּמָלֵ֖א בִּרְכַּ֣ת יְהוָ֑ה יָ֥ם וְדָר֖וֹם יְרָֽשָׁה׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.24 | 33 | 24 | 5836 | וּלְאָשֵׁ֣ר אָמַ֔ר בָּר֥וּךְ מִבָּנִ֖ים אָשֵׁ֑ר יְהִ֤י רְצוּי֙ אֶחָ֔יו וְטֹבֵ֥ל בַּשֶּׁ֖מֶן רַגְלֽוֹ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.25 | 33 | 25 | 5837 | בַּרְזֶ֥ל וּנְחֹ֖שֶׁת מִנְעָלֶ֑יךָ וּכְיָמֶ֖יךָ דָּבְאֶֽךָ׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.26 | 33 | 26 | 5838 | אֵ֥ין כָּאֵ֖ל יְשֻׁר֑וּן רֹכֵ֤ב שָׁמַ֙יִם֙ בְעֶזְרֶ֔ךָ וּבְגַאֲוָת֖וֹ שְׁחָקִֽים׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.27 | 33 | 27 | 5839 | מְעֹנָה֙ אֱלֹ֣הֵי קֶ֔דֶם וּמִתַּ֖חַת זְרֹעֹ֣ת עוֹלָ֑ם וַיְגָ֧רֶשׁ מִפָּנֶ֛יךָ אוֹיֵ֖ב וַיֹּ֥אמֶר הַשְׁמֵֽד׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.28 | 33 | 28 | 5840 | וַיִּשְׁכֹּן֩ יִשְׂרָאֵ֨ל בֶּ֤טַח בָּדָד֙ עֵ֣ין יַעֲקֹ֔ב אֶל־אֶ֖רֶץ דָּגָ֣ן וְתִיר֑וֹשׁ אַף־שָׁמָ֖יו יַֽעַרְפוּ טָֽל׃ | |
| Hebrew Bible (Tanakh) | Torah (Pentateuch) | Torah Deuteronomy | Torah Deuteronomy 33 | Ch.33:V.29 | 33 | 29 | 5841 | אַשְׁרֶ֨יךָ יִשְׂרָאֵ֜ל מִ֣י כָמ֗וֹךָ עַ֚ם נוֹשַׁ֣ע בַּֽיהוָ֔ה מָגֵ֣ן עֶזְרֶ֔ךָ וַאֲשֶׁר־חֶ֖רֶב גַּאֲוָתֶ֑ךָ וְיִכָּֽחֲשׁ֤וּ אֹיְבֶ֙יךָ֙ לָ֔ךְ וְאַתָּ֖ה עַל־בָּמוֹתֵ֥ימוֹ תִדְרֹֽךְ׃ | |