| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.1 | 3 | 1 | 10225 | כִּי֩ הִנֵּ֨ה הָאָד֜וֹן יְהוָ֣ה צְבָא֗וֹת מֵסִ֤יר מִירוּשָׁלִַ֙ם֙ וּמִ֣יהוּדָ֔ה מַשְׁעֵ֖ן וּמַשְׁעֵנָ֑ה כֹּ֚ל מִשְׁעַן־לֶ֔חֶם וְכֹ֖ל מִשְׁעַן־מָֽיִם׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.2 | 3 | 2 | 10226 | גִּבּ֖וֹר וְאִ֣ישׁ מִלְחָמָ֑ה שׁוֹפֵ֥ט וְנָבִ֖יא וְקֹסֵ֥ם וְזָקֵֽן׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.3 | 3 | 3 | 10227 | שַׂר־חֲמִשִּׁ֖ים וּנְשׂ֣וּא פָנִ֑ים וְיוֹעֵ֛ץ וַחֲכַ֥ם חֲרָשִׁ֖ים וּנְב֥וֹן לָֽחַשׁ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.4 | 3 | 4 | 10228 | וְנָתַתִּ֥י נְעָרִ֖ים שָׂרֵיהֶ֑ם וְתַעֲלוּלִ֖ים יִמְשְׁלוּ־בָֽם׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.5 | 3 | 5 | 10229 | וְנִגַּ֣שׂ הָעָ֔ם אִ֥ישׁ בְּאִ֖ישׁ וְאִ֣ישׁ בְּרֵעֵ֑הוּ יִרְהֲב֗וּ הַנַּ֙עַר֙ בַּזָּקֵ֔ן וְהַנִּקְלֶ֖ה בַּנִּכְבָּֽד׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.6 | 3 | 6 | 10230 | כִּֽי־יִתְפֹּ֨שׂ אִ֤ישׁ בְּאָחִיו֙ בֵּ֣ית אָבִ֔יו שִׂמְלָ֣ה לְכָ֔ה קָצִ֖ין תִּֽהְיֶה־לָּ֑נוּ וְהַמַּכְשֵׁלָ֥ה הַזֹּ֖את תַּ֥חַת יָדֶֽךָ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.7 | 3 | 7 | 10231 | יִשָּׂא֩ בַיּ֨וֹם הַה֤וּא ׀ לֵאמֹר֙ לֹא־אֶהְיֶ֣ה חֹבֵ֔שׁ וּבְבֵיתִ֕י אֵ֥ין לֶ֖חֶם וְאֵ֣ין שִׂמְלָ֑ה לֹ֥א תְשִׂימֻ֖נִי קְצִ֥ין עָֽם׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.8 | 3 | 8 | 10232 | כִּ֤י כָשְׁלָה֙ יְר֣וּשָׁלִַ֔ם וִיהוּדָ֖ה נָפָ֑ל כִּֽי־לְשׁוֹנָ֤ם וּמַֽעַלְלֵיהֶם֙ אֶל־יְהוָ֔ה לַמְר֖וֹת עֵנֵ֥י כְבוֹדֽוֹ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.9 | 3 | 9 | 10233 | הַכָּרַ֤ת פְּנֵיהֶם֙ עָ֣נְתָה בָּ֔ם וְחַטָּאתָ֛ם כִּסְדֹ֥ם הִגִּ֖ידוּ לֹ֣א כִחֵ֑דוּ א֣וֹי לְנַפְשָׁ֔ם כִּֽי־גָמְל֥וּ לָהֶ֖ם רָעָֽה׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.10 | 3 | 10 | 10234 | אִמְר֥וּ צַדִּ֖יק כִּי־ט֑וֹב כִּֽי־פְרִ֥י מַעַלְלֵיהֶ֖ם יֹאכֵֽלוּ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.11 | 3 | 11 | 10235 | א֖וֹי לְרָשָׁ֣ע רָ֑ע כִּֽי־גְמ֥וּל יָדָ֖יו יֵעָ֥שֶׂה לּֽוֹ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.12 | 3 | 12 | 10236 | עַמִּי֙ נֹגְשָׂ֣יו מְעוֹלֵ֔ל וְנָשִׁ֖ים מָ֣שְׁלוּ ב֑וֹ עַמִּי֙ מְאַשְּׁרֶ֣יךָ מַתְעִ֔ים וְדֶ֥רֶךְ אֹֽרְחֹתֶ֖יךָ בִּלֵּֽעוּ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.13 | 3 | 13 | 10237 | נִצָּ֥ב לָרִ֖יב יְהוָ֑ה וְעֹמֵ֖ד לָדִ֥ין עַמִּֽים׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.14 | 3 | 14 | 10238 | יְהוָה֙ בְּמִשְׁפָּ֣ט יָב֔וֹא עִם־זִקְנֵ֥י עַמּ֖וֹ וְשָׂרָ֑יו וְאַתֶּם֙ בִּֽעַרְתֶּ֣ם הַכֶּ֔רֶם גְּזֵלַ֥ת הֶֽעָנִ֖י בְּבָתֵּיכֶֽם׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.15 | 3 | 15 | 10239 | מַה לָּכֶם֙ תְּדַכְּא֣וּ עַמִּ֔י וּפְנֵ֥י עֲנִיִּ֖ים תִּטְחָ֑נוּ נְאֻם־אֲדֹנָ֥י יְהוִ֖ה צְבָאֽוֹת׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.16 | 3 | 16 | 10240 | וַיֹּ֣אמֶר יְהוָ֗ה יַ֚עַן כִּ֤י גָֽבְהוּ֙ בְּנ֣וֹת צִיּ֔וֹן וַתֵּלַ֙כְנָה֙ נְטוּי֣וֹת גָּר֔וֹן וּֽמְשַׂקְּר֖וֹת עֵינָ֑יִם הָל֤וֹךְ וְטָפֹף֙ תֵּלַ֔כְנָה וּבְרַגְלֵיהֶ֖ם תְּעַכַּֽסְנָה׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.17 | 3 | 17 | 10241 | וְשִׂפַּ֣ח אֲדֹנָ֔י קָדְקֹ֖ד בְּנ֣וֹת צִיּ֑וֹן וַיהוָ֖ה פָּתְהֵ֥ן יְעָרֶֽה׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.18 | 3 | 18 | 10242 | בַּיּ֨וֹם הַה֜וּא יָסִ֣יר אֲדֹנָ֗י אֵ֣ת תִּפְאֶ֧רֶת הָעֲכָסִ֛ים וְהַשְּׁבִיסִ֖ים וְהַשַּׂהֲרֹנִֽים׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.19 | 3 | 19 | 10243 | הַנְּטִיפ֥וֹת וְהַשֵּׁיר֖וֹת וְהָֽרְעָלֽוֹת׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.20 | 3 | 20 | 10244 | הַפְּאֵרִ֤ים וְהַצְּעָדוֹת֙ וְהַקִּשֻּׁרִ֔ים וּבָתֵּ֥י הַנֶּ֖פֶשׁ וְהַלְּחָשִֽׁים׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.21 | 3 | 21 | 10245 | הַטַּבָּע֖וֹת וְנִזְמֵ֥י הָאָֽף׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.22 | 3 | 22 | 10246 | הַמַּֽחֲלָצוֹת֙ וְהַמַּ֣עֲטָפ֔וֹת וְהַמִּטְפָּח֖וֹת וְהָחֲרִיטִֽים׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.23 | 3 | 23 | 10247 | וְהַגִּלְיֹנִים֙ וְהַסְּדִינִ֔ים וְהַצְּנִיפ֖וֹת וְהָרְדִידִֽים׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.24 | 3 | 24 | 10248 | וְהָיָה֩ תַ֨חַת בֹּ֜שֶׂם מַ֣ק יִֽהְיֶ֗ה וְתַ֨חַת חֲגוֹרָ֤ה נִקְפָּה֙ וְתַ֨חַת מַעֲשֶׂ֤ה מִקְשֶׁה֙ קָרְחָ֔ה וְתַ֥חַת פְּתִיגִ֖יל מַחֲגֹ֣רֶת שָׂ֑ק כִּי־תַ֖חַת יֹֽפִי׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.25 | 3 | 25 | 10249 | מְתַ֖יִךְ בַּחֶ֣רֶב יִפֹּ֑לוּ וּגְבוּרָתֵ֖ךְ בַּמִּלְחָמָֽה׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 3 | Ch.3:V.26 | 3 | 26 | 10250 | וְאָנ֥וּ וְאָבְל֖וּ פְּתָחֶ֑יהָ וְנִקָּ֖תָה לָאָ֥רֶץ תֵּשֵֽׁב׃ | |