| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.1 | 23 | 1 | 10595 | מַשָּׂ֖א צֹ֑ר הֵילִ֣ילוּ ׀ אֳנִיּ֣וֹת תַּרְשִׁ֗ישׁ כִּֽי־שֻׁדַּ֤ד מִבַּ֙יִת֙ מִבּ֔וֹא מֵאֶ֥רֶץ כִּתִּ֖ים נִגְלָה־לָֽמוֹ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.2 | 23 | 2 | 10596 | דֹּ֖מּוּ יֹ֣שְׁבֵי אִ֑י סֹחֵ֥ר צִיד֛וֹן עֹבֵ֥ר יָ֖ם מִלְאֽוּךְ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.3 | 23 | 3 | 10597 | וּבְמַ֤יִם רַבִּים֙ זֶ֣רַע שִׁחֹ֔ר קְצִ֥יר יְא֖וֹר תְּבֽוּאָתָ֑הּ וַתְּהִ֖י סְחַ֥ר גּוֹיִֽם׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.4 | 23 | 4 | 10598 | בּ֣וֹשִׁי צִיד֔וֹן כִּֽי־אָמַ֣ר יָ֔ם מָע֥וֹז הַיָּ֖ם לֵאמֹ֑ר לֹֽא־חַ֣לְתִּי וְלֹֽא־יָלַ֗דְתִּי וְלֹ֥א גִדַּ֛לְתִּי בַּחוּרִ֖ים רוֹמַ֥מְתִּי בְתוּלֽוֹת׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.5 | 23 | 5 | 10599 | כַּֽאֲשֶׁר־שֵׁ֖מַע לְמִצְרָ֑יִם יָחִ֖ילוּ כְּשֵׁ֥מַע צֹֽר׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.6 | 23 | 6 | 10600 | עִבְר֖וּ תַּרְשִׁ֑ישָׁה הֵילִ֖ילוּ יֹ֥שְׁבֵי אִֽי׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.7 | 23 | 7 | 10601 | הֲזֹ֥את לָכֶ֖ם עַלִּיזָ֑ה מִֽימֵי־קֶ֤דֶם קַדְמָתָהּ֙ יֹבִל֣וּהָ רַגְלֶ֔יהָ מֵֽרָח֖וֹק לָגֽוּר׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.8 | 23 | 8 | 10602 | מִ֚י יָעַ֣ץ זֹ֔את עַל־צֹ֖ר הַמַּֽעֲטִירָ֑ה אֲשֶׁ֤ר סֹחֲרֶ֙יה֙ שָׂרִ֔ים כִּנְעָנֶ֖יהָ נִכְבַדֵּי־אָֽרֶץ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.9 | 23 | 9 | 10603 | יְהוָ֥ה צְבָא֖וֹת יְעָצָ֑הּ לְחַלֵּל֙ גְּא֣וֹן כָּל־צְבִ֔י לְהָקֵ֖ל כָּל־נִכְבַּדֵּי־אָֽרֶץ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.10 | 23 | 10 | 10604 | עִבְרִ֥י אַרְצֵ֖ךְ כַּיְאֹ֑ר בַּת־תַּרְשִׁ֕ישׁ אֵ֖ין מֵ֥זַח עֽוֹד׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.11 | 23 | 11 | 10605 | יָדוֹ֙ נָטָ֣ה עַל־הַיָּ֔ם הִרְגִּ֖יז מַמְלָכ֑וֹת יְהוָה֙ צִוָּ֣ה אֶל־כְּנַ֔עַן לַשְׁמִ֖ד מָעֻזְנֶֽיהָ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.12 | 23 | 12 | 10606 | וַיֹּ֕אמֶר לֹֽא־תוֹסִ֥יפִי ע֖וֹד לַעְל֑וֹז הַֽמְעֻשָּׁקָ֞ה בְּתוּלַ֣ת בַּת־צִיד֗וֹן כִּתִּים֙ ק֣וּמִי עֲבֹ֔רִי גַּם־שָׁ֖ם לֹא־יָנ֥וּחַֽ לָֽךְ׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.13 | 23 | 13 | 10607 | הֵ֣ן ׀ אֶ֣רֶץ כַּשְׂדִּ֗ים זֶ֤ה הָעָם֙ לֹ֣א הָיָ֔ה אַשּׁ֖וּר יְסָדָ֣הּ לְצִיִּ֑ים הֵקִ֣ימוּ בַחוּנָ֗יו עֹרְרוּ֙ אַרְמְנוֹתֶ֔יהָ שָׂמָ֖הּ לְמַפֵּלָֽה׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.14 | 23 | 14 | 10608 | הֵילִ֖ילוּ אֳנִיּ֣וֹת תַּרְשִׁ֑ישׁ כִּ֥י שֻׁדַּ֖ד מָעֻזְּכֶֽן׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.15 | 23 | 15 | 10609 | וְהָיָה֙ בַּיּ֣וֹם הַה֔וּא וְנִשְׁכַּ֤חַת צֹר֙ שִׁבְעִ֣ים שָׁנָ֔ה כִּימֵ֖י מֶ֣לֶךְ אֶחָ֑ד מִקֵּ֞ץ שִׁבְעִ֤ים שָׁנָה֙ יִהְיֶ֣ה לְצֹ֔ר כְּשִׁירַ֖ת הַזּוֹנָֽה׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.16 | 23 | 16 | 10610 | קְחִ֥י כִנּ֛וֹר סֹ֥בִּי עִ֖יר זוֹנָ֣ה נִשְׁכָּחָ֑ה הֵיטִ֤יבִי נַגֵּן֙ הַרְבִּי־שִׁ֔יר לְמַ֖עַן תִּזָּכֵֽרִי׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.17 | 23 | 17 | 10611 | וְהָיָ֞ה מִקֵּ֣ץ ׀ שִׁבְעִ֣ים שָׁנָ֗ה יִפְקֹ֤ד יְהוָה֙ אֶת־צֹ֔ר וְשָׁבָ֖ה לְאֶתְנַנָּ֑ה וְזָֽנְתָ֛ה אֶת־כָּל־מַמְלְכ֥וֹת הָאָ֖רֶץ עַל־פְּנֵ֥י הָאֲדָמָֽה׃ | |
| Hebrew Bible (Tanakh) | Nevi’im (Prophets) | Nevi’im – Isaiah | Nevi’im – Isaiah 23 | Ch.23:V.18 | 23 | 18 | 10612 | וְהָיָ֨ה סַחְרָ֜הּ וְאֶתְנַנָּ֗הּ קֹ֚דֶשׁ לַֽיהוָ֔ה לֹ֥א יֵֽאָצֵ֖ר וְלֹ֣א יֵֽחָסֵ֑ן כִּ֣י לַיֹּשְׁבִ֞ים לִפְנֵ֤י יְהוָה֙ יִֽהְיֶ֣ה סַחְרָ֔הּ לֶאֱכֹ֥ל לְשָׂבְעָ֖ה וְלִמְכַסֶּ֥ה עָתִֽיק׃ | |