Nevi’im – Isaiah 37

Hebrew Bible (Tanakh)
	Nevi’im (Prophets)
		Nevi’im – Isaiah
Nevi’im – Isaiah 1	Nevi’im – Isaiah 12	Nevi’im – Isaiah 23	Nevi’im – Isaiah 34	Nevi’im – Isaiah 45	Nevi’im – Isaiah 56
Nevi’im – Isaiah 2	Nevi’im – Isaiah 13	Nevi’im – Isaiah 24	Nevi’im – Isaiah 35	Nevi’im – Isaiah 46	Nevi’im – Isaiah 57
Nevi’im – Isaiah 3	Nevi’im – Isaiah 14	Nevi’im – Isaiah 25	Nevi’im – Isaiah 36	Nevi’im – Isaiah 47	Nevi’im – Isaiah 58
Nevi’im – Isaiah 4	Nevi’im – Isaiah 15	Nevi’im – Isaiah 26	Nevi’im – Isaiah 37	Nevi’im – Isaiah 48	Nevi’im – Isaiah 59
Nevi’im – Isaiah 5	Nevi’im – Isaiah 16	Nevi’im – Isaiah 27	Nevi’im – Isaiah 38	Nevi’im – Isaiah 49	Nevi’im – Isaiah 60
Nevi’im – Isaiah 6	Nevi’im – Isaiah 17	Nevi’im – Isaiah 28	Nevi’im – Isaiah 39	Nevi’im – Isaiah 50	Nevi’im – Isaiah 61
Nevi’im – Isaiah 7	Nevi’im – Isaiah 18	Nevi’im – Isaiah 29	Nevi’im – Isaiah 40	Nevi’im – Isaiah 51	Nevi’im – Isaiah 62
Nevi’im – Isaiah 8	Nevi’im – Isaiah 19	Nevi’im – Isaiah 30	Nevi’im – Isaiah 41	Nevi’im – Isaiah 52	Nevi’im – Isaiah 63
Nevi’im – Isaiah 9	Nevi’im – Isaiah 20	Nevi’im – Isaiah 31	Nevi’im – Isaiah 42	Nevi’im – Isaiah 53	Nevi’im – Isaiah 64
Nevi’im – Isaiah 10	Nevi’im – Isaiah 21	Nevi’im – Isaiah 32	Nevi’im – Isaiah 43	Nevi’im – Isaiah 54	Nevi’im – Isaiah 65
Nevi’im – Isaiah 11	Nevi’im – Isaiah 22	Nevi’im – Isaiah 33	Nevi’im – Isaiah 44	Nevi’im – Isaiah 55	Nevi’im – Isaiah 66

Scripture	Section	Book	Chapter Link	Chapter and Verse	ch	v	Rank	Hebrew	English Translation
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.1	37	1	10870	וַיְהִ֗י כִּשְׁמֹ֙עַ֙ הַמֶּ֣לֶךְ חִזְקִיָּ֔הוּ וַיִּקְרַ֖ע אֶת־בְּגָדָ֑יו וַיִּתְכַּ֣ס בַּשָּׂ֔ק וַיָּבֹ֖א בֵּ֥ית יְהוָֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.2	37	2	10871	וַ֠יִּשְׁלַח אֶת־אֶלְיָקִ֨ים אֲשֶׁר־עַל־הַבַּ֜יִת וְאֵ֣ת ׀ שֶׁבְנָ֣א הַסּוֹפֵ֗ר וְאֵת֙ זִקְנֵ֣י הַכֹּהֲנִ֔ים מִתְכַּסִּ֖ים בַּשַּׂקִּ֑ים אֶל־יְשַֽׁעְיָ֥הוּ בֶן־אָמ֖וֹץ הַנָּבִֽיא׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.3	37	3	10872	וַיֹּאמְר֣וּ אֵלָ֗יו כֹּ֚ה אָמַ֣ר חִזְקִיָּ֔הוּ יוֹם־צָרָ֧ה וְתוֹכֵחָ֛ה וּנְאָצָ֖ה הַיּ֣וֹם הַזֶּ֑ה כִּ֣י בָ֤אוּ בָנִים֙ עַד־מַשְׁבֵּ֔ר וְכֹ֥חַ אַ֖יִן לְלֵדָֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.4	37	4	10873	אוּלַ֡י יִשְׁמַע֩ יְהוָ֨ה אֱלֹהֶ֜יךָ אֵ֣ת ׀ דִּבְרֵ֣י רַב־שָׁקֵ֗ה אֲשֶׁר֩ שְׁלָח֨וֹ מֶֽלֶךְ־אַשּׁ֤וּר ׀ אֲדֹנָיו֙ לְחָרֵף֙ אֱלֹהִ֣ים חַ֔י וְהוֹכִ֙יחַ֙ בַּדְּבָרִ֔ים אֲשֶׁ֥ר שָׁמַ֖ע יְהוָ֣ה אֱלֹהֶ֑יךָ וְנָשָׂ֣אתָ תְפִלָּ֔ה בְּעַ֥ד הַשְּׁאֵרִ֖ית הַנִּמְצָאָֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.5	37	5	10874	וַיָּבֹ֗אוּ עַבְדֵ֛י הַמֶּ֥לֶךְ חִזְקִיָּ֖הוּ אֶל־יְשַׁעְיָֽהוּ׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.6	37	6	10875	וַיֹּ֤אמֶר אֲלֵיהֶם֙ יְשַֽׁעְיָ֔הוּ כֹּ֥ה תֹאמְר֖וּן אֶל־אֲדֹנֵיכֶ֑ם כֹּ֣ה ׀ אָמַ֣ר יְהוָ֗ה אַל־תִּירָא֙ מִפְּנֵ֤י הַדְּבָרִים֙ אֲשֶׁ֣ר שָׁמַ֔עְתָּ אֲשֶׁ֧ר גִּדְּפ֛וּ נַעֲרֵ֥י מֶלֶךְ־אַשּׁ֖וּר אוֹתִֽי׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.7	37	7	10876	הִנְנִ֨י נוֹתֵ֥ן בּוֹ֙ ר֔וּחַ וְשָׁמַ֥ע שְׁמוּעָ֖ה וְשָׁ֣ב אֶל־אַרְצ֑וֹ וְהִפַּלְתִּ֥יו בַּחֶ֖רֶב בְּאַרְצֽוֹ׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.8	37	8	10877	וַיָּ֙שָׁב֙ רַב־שָׁקֵ֔ה וַיִּמְצָא֙ אֶת־מֶ֣לֶךְ אַשּׁ֔וּר נִלְחָ֖ם עַל־לִבְנָ֑ה כִּ֣י שָׁמַ֔ע כִּ֥י נָסַ֖ע מִלָּכִֽישׁ׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.9	37	9	10878	וַיִּשְׁמַ֗ע עַל־תִּרְהָ֤קָה מֶֽלֶךְ־כּוּשׁ֙ לֵאמֹ֔ר יָצָ֖א לְהִלָּחֵ֣ם אִתָּ֑ךְ וַיִּשְׁמַע֙ וַיִּשְׁלַ֣ח מַלְאָכִ֔ים אֶל־חִזְקִיָּ֖הוּ לֵאמֹֽר׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.10	37	10	10879	כֹּ֣ה תֹאמְר֗וּן אֶל־חִזְקִיָּ֤הוּ מֶֽלֶךְ־יְהוּדָה֙ לֵאמֹ֔ר אַל־יַשִּֽׁאֲךָ֣ אֱלֹהֶ֔יךָ אֲשֶׁ֥ר אַתָּ֛ה בּוֹטֵ֥חַ בּ֖וֹ לֵאמֹ֑ר לֹ֤א תִנָּתֵן֙ יְר֣וּשָׁלִַ֔ם בְּיַ֖ד מֶ֥לֶךְ אַשּֽׁוּר׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.11	37	11	10880	הִנֵּ֣ה ׀ אַתָּ֣ה שָׁמַ֗עְתָּ אֲשֶׁ֨ר עָשׂ֜וּ מַלְכֵ֥י אַשּׁ֛וּר לְכָל־הָאֲרָצ֖וֹת לְהַחֲרִימָ֑ם וְאַתָּ֖ה תִּנָּצֵֽל׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.12	37	12	10881	הַהִצִּ֨ילוּ אוֹתָ֜ם אֱלֹהֵ֤י הַגּוֹיִם֙ אֲשֶׁ֣ר הִשְׁחִ֣יתוּ אֲבוֹתַ֔י אֶת־גּוֹזָ֖ן וְאֶת־חָרָ֑ן וְרֶ֥צֶף וּבְנֵי־עֶ֖דֶן אֲשֶׁ֥ר בִּתְלַשָּֽׂר׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.13	37	13	10882	אַיֵּ֤ה מֶֽלֶךְ־חֲמָת֙ וּמֶ֣לֶךְ אַרְפָּ֔ד וּמֶ֖לֶךְ לָעִ֣יר סְפַרְוָ֑יִם הֵנַ֖ע וְעִוָּֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.14	37	14	10883	וַיִּקַּ֨ח חִזְקִיָּ֧הוּ אֶת־הַסְּפָרִ֛ים מִיַּ֥ד הַמַּלְאָכִ֖ים וַיִּקְרָאֵ֑הוּ וַיַּ֙עַל֙ בֵּ֣ית יְהוָ֔ה וַיִּפְרְשֵׂ֥הוּ חִזְקִיָּ֖הוּ לִפְנֵ֥י יְהוָֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.15	37	15	10884	וַיִּתְפַּלֵּל֙ חִזְקִיָּ֔הוּ אֶל־יְהוָ֖ה לֵאמֹֽר׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.16	37	16	10885	יְהוָ֨ה צְבָא֜וֹת אֱלֹהֵ֤י יִשְׂרָאֵל֙ יֹשֵׁ֣ב הַכְּרֻבִ֔ים אַתָּה־ה֤וּא הָֽאֱלֹהִים֙ לְבַדְּךָ֔ לְכֹ֖ל מַמְלְכ֣וֹת הָאָ֑רֶץ אַתָּ֣ה עָשִׂ֔יתָ אֶת־הַשָּׁמַ֖יִם וְאֶת־הָאָֽרֶץ׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.17	37	17	10886	הַטֵּ֨ה יְהוָ֤ה ׀ אָזְנְךָ֙ וּֽשְׁמָ֔ע פְּקַ֧ח יְהוָ֛ה עֵינֶ֖ךָ וּרְאֵ֑ה וּשְׁמַ֗ע אֵ֚ת כָּל־דִּבְרֵ֣י סַנְחֵרִ֔יב אֲשֶׁ֣ר שָׁלַ֔ח לְחָרֵ֖ף אֱלֹהִ֥ים חָֽי׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.18	37	18	10887	אָמְנָ֖ם יְהוָ֑ה הֶחֱרִ֜יבוּ מַלְכֵ֥י אַשּׁ֛וּר אֶת־כָּל־הָאֲרָצ֖וֹת וְאֶת־אַרְצָֽם׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.19	37	19	10888	וְנָתֹ֥ן אֶת־אֱלֹהֵיהֶ֖ם בָּאֵ֑שׁ כִּי֩ לֹ֨א אֱלֹהִ֜ים הֵ֗מָּה כִּ֣י אִם־מַעֲשֵׂ֧ה יְדֵֽי־אָדָ֛ם עֵ֥ץ וָאֶ֖בֶן וַֽיְאַבְּדֽוּם׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.20	37	20	10889	וְעַתָּה֙ יְהוָ֣ה אֱלֹהֵ֔ינוּ הוֹשִׁיעֵ֖נוּ מִיָד֑וֹ וְיֵֽדְעוּ֙ כָּל־מַמְלְכ֣וֹת הָאָ֔רֶץ כִּֽי־אַתָּ֥ה יְהוָ֖ה לְבַדֶּֽךָ׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.21	37	21	10890	וַיִּשְׁלַח֙ יְשַֽׁעְיָ֣הוּ בֶן־אָמ֔וֹץ אֶל־חִזְקִיָּ֖הוּ לֵאמֹ֑ר כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ הִתְפַּלַּ֣לְתָּ אֵלַ֔י אֶל־סַנְחֵרִ֖יב מֶ֥לֶךְ אַשּֽׁוּר׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.22	37	22	10891	זֶ֣ה הַדָּבָ֔ר אֲשֶׁר־דִּבֶּ֥ר יְהוָ֖ה עָלָ֑יו בָּזָ֨ה לְךָ֜ לָעֲגָ֣ה לְךָ֗ בְּתוּלַת֙ בַּת־צִיּ֔וֹן אַחֲרֶ֙יךָ֙ רֹ֣אשׁ הֵנִ֔יעָה בַּ֖ת יְרוּשָׁלָֽ͏ִם׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.23	37	23	10892	אֶת־מִ֤י חֵרַ֙פְתָּ֙ וְגִדַּ֔פְתָּ וְעַל־מִ֖י הֲרִימ֣וֹתָה קּ֑וֹל וַתִּשָּׂ֥א מָר֛וֹם עֵינֶ֖יךָ אֶל־קְד֥וֹשׁ יִשְׂרָאֵֽל׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.24	37	24	10893	בְּיַ֣ד עֲבָדֶיךָ֮ חֵרַ֣פְתָּ ׀ אֲדֹנָי֒ וַתֹּ֗אמֶר בְּרֹ֥ב רִכְבִּ֛י אֲנִ֥י עָלִ֛יתִי מְר֥וֹם הָרִ֖ים יַרְכְּתֵ֣י לְבָנ֑וֹן וְאֶכְרֹ֞ת קוֹמַ֤ת אֲרָזָיו֙ מִבְחַ֣ר בְּרֹשָׁ֔יו וְאָבוֹא֙ מְר֣וֹם קִצּ֔וֹ יַ֖עַר כַּרְמִלּֽוֹ׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.25	37	25	10894	אֲנִ֥י קַ֖רְתִּי וְשָׁתִ֣יתִי מָ֑יִם וְאַחְרִב֙ בְּכַף־פְּעָמַ֔י כֹּ֖ל יְאֹרֵ֥י מָצֽוֹר׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.26	37	26	10895	הֲלֽוֹא־שָׁמַ֤עְתָּ לְמֵֽרָחוֹק֙ אוֹתָ֣הּ עָשִׂ֔יתִי מִ֥ימֵי קֶ֖דֶם וִיצַרְתִּ֑יהָ עַתָּ֣ה הֲבֵאתִ֔יהָ וּתְהִ֗י לְהַשְׁא֛וֹת גַּלִּ֥ים נִצִּ֖ים עָרִ֥ים בְּצֻרֽוֹת׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.27	37	27	10896	וְיֹֽשְׁבֵיהֶן֙ קִצְרֵי־יָ֔ד חַ֖תּוּ וָבֹ֑שׁוּ הָי֞וּ עֵ֤שֶׂב שָׂדֶה֙ וִ֣ירַק דֶּ֔שֶׁא חֲצִ֣יר גַּגּ֔וֹת וּשְׁדֵמָ֖ה לִפְנֵ֥י קָמָֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.28	37	28	10897	וְשִׁבְתְּךָ֛ וְצֵאתְךָ֥ וּבוֹאֲךָ֖ יָדָ֑עְתִּי וְאֵ֖ת הִֽתְרַגֶּזְךָ֥ אֵלָֽי׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.29	37	29	10898	יַ֚עַן הִתְרַגֶּזְךָ֣ אֵלַ֔י וְשַׁאֲנַנְךָ֖ עָלָ֣ה בְאָזְנָ֑י וְשַׂמְתִּ֨י חַחִ֜י בְּאַפֶּ֗ךָ וּמִתְגִּי֙ בִּשְׂפָתֶ֔יךָ וַהֲשִׁ֣יבֹתִ֔יךָ בַּדֶּ֖רֶךְ אֲשֶׁר־בָּ֥אתָ בָּֽהּ׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.30	37	30	10899	וְזֶה־לְּךָ֣ הָא֔וֹת אָכ֤וֹל הַשָּׁנָה֙ סָפִ֔יחַ וּבַשָּׁנָ֥ה הַשֵּׁנִ֖ית שָׁחִ֑יס וּבַשָּׁנָ֣ה הַשְּׁלִישִׁ֗ית זִרְע֧וּ וְקִצְר֛וּ וְנִטְע֥וּ כְרָמִ֖ים וְאִכְל֥וּ פִרְיָֽם׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.31	37	31	10900	וְיָ֨סְפָ֜ה פְּלֵיטַ֧ת בֵּית־יְהוּדָ֛ה הַנִּשְׁאָרָ֖ה שֹׁ֣רֶשׁ לְמָ֑טָּה וְעָשָׂ֥ה פְרִ֖י לְמָֽעְלָה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.32	37	32	10901	כִּ֤י מִירֽוּשָׁלִַ֙ם֙ תֵּצֵ֣א שְׁאֵרִ֔ית וּפְלֵיטָ֖ה מֵהַ֣ר צִיּ֑וֹן קִנְאַ֛ת יְהוָ֥ה צְבָא֖וֹת תַּֽעֲשֶׂה־זֹּֽאת׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.33	37	33	10902	לָכֵ֗ן כֹּֽה־אָמַ֤ר יְהוָה֙ אֶל־מֶ֣לֶךְ אַשּׁ֔וּר לֹ֤א יָבוֹא֙ אֶל־הָעִ֣יר הַזֹּ֔את וְלֹֽא־יוֹרֶ֥ה שָׁ֖ם חֵ֑ץ וְלֹֽא־יְקַדְּמֶ֣נָּה מָגֵ֔ן וְלֹֽא־יִשְׁפֹּ֥ךְ עֳלֶ֖יהָ סֹלְלָֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.34	37	34	10903	בַּדֶּ֥רֶךְ אֲשֶׁר־בָּ֖א בָּ֣הּ יָשׁ֑וּב וְאֶל־הָעִ֥יר הַזֹּ֛את לֹ֥א יָב֖וֹא נְאֻם־יְהוָֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.35	37	35	10904	וְגַנּוֹתִ֛י עַל־הָעִ֥יר הַזֹּ֖את לְהֽוֹשִׁיעָ֑הּ לְמַֽעֲנִ֔י וּלְמַ֖עַן דָּוִ֥ד עַבְדִּֽי׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.36	37	36	10905	וַיֵּצֵ֣א ׀ מַלְאַ֣ךְ יְהוָ֗ה וַיַּכֶּה֙ בְּמַחֲנֵ֣ה אַשּׁ֔וּר מֵאָ֛ה וּשְׁמֹנִ֥ים וַחֲמִשָּׁ֖ה אָ֑לֶף וַיַּשְׁכִּ֣ימוּ בַבֹּ֔קֶר וְהִנֵּ֥ה כֻלָּ֖ם פְּגָרִ֥ים מֵתִֽים׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.37	37	37	10906	וַיִּסַּ֣ע וַיֵּ֔לֶךְ וַיָּ֖שָׁב סַנְחֵרִ֣יב מֶֽלֶךְ־אַשּׁ֑וּר וַיֵּ֖שֶׁב בְּנִֽינְוֵֽה׃
Hebrew Bible (Tanakh)	Nevi’im (Prophets)	Nevi’im – Isaiah	Nevi’im – Isaiah 37	Ch.37:V.38	37	38	10907	וַיְהִי֩ ה֨וּא מִֽשְׁתַּחֲוֶ֜ה בֵּ֣ית ׀ נִסְרֹ֣ךְ אֱלֹהָ֗יו וְֽאַדְרַמֶּ֨לֶךְ וְשַׂרְאֶ֤צֶר בָּנָיו֙ הִכֻּ֣הוּ בַחֶ֔רֶב וְהֵ֥מָּה נִמְלְט֖וּ אֶ֣רֶץ אֲרָרָ֑ט וַיִּמְלֹ֛ךְ אֵֽסַר־חַדֹּ֥ן בְּנ֖וֹ תַּחְתָּֽיו׃