| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.1 | 8 | 1 | 20631 | בִּשְׁנַ֣ת שָׁל֔וֹשׁ לְמַלְכ֖וּת בֵּלְאשַׁצַּ֣ר הַמֶּ֑לֶךְ חָז֞וֹן נִרְאָ֤ה אֵלַי֙ אֲנִ֣י דָנִיֵּ֔אל אַחֲרֵ֛י הַנִּרְאָ֥ה אֵלַ֖י בַּתְּחִלָּֽה׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.2 | 8 | 2 | 20632 | וָֽאֶרְאֶה֮ בֶּחָזוֹן֒ וַיְהִי֙ בִּרְאֹתִ֔י וַאֲנִי֙ בְּשׁוּשַׁ֣ן הַבִּירָ֔ה אֲשֶׁ֖ר בְּעֵילָ֣ם הַמְּדִינָ֑ה וָאֶרְאֶה֙ בֶּֽחָז֔וֹן וַאֲנִ֥י הָיִ֖יתִי עַל־אוּבַ֥ל אוּלָֽי׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.3 | 8 | 3 | 20633 | וָאֶשָּׂ֤א עֵינַי֙ וָאֶרְאֶ֔ה וְהִנֵּ֣ה ׀ אַ֣יִל אֶחָ֗ד עֹמֵ֛ד לִפְנֵ֥י הָאֻבָ֖ל וְל֣וֹ קְרָנָ֑יִם וְהַקְּרָנַ֣יִם גְּבֹה֗וֹת וְהָאַחַת֙ גְּבֹהָ֣ה מִן־הַשֵּׁנִ֔ית וְהַ֨גְּבֹהָ֔ה עֹלָ֖ה בָּאַחֲרֹנָֽה׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.4 | 8 | 4 | 20634 | רָאִ֣יתִי אֶת־הָאַ֡יִל מְנַגֵּחַ֩ יָ֨מָּה וְצָפ֜וֹנָה וָנֶ֗גְבָּה וְכָל־חַיּוֹת֙ לֹֽא־יַֽעַמְד֣וּ לְפָנָ֔יו וְאֵ֥ין מַצִּ֖יל מִיָּד֑וֹ וְעָשָׂ֥ה כִרְצֹנ֖וֹ וְהִגְדִּֽיל׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.5 | 8 | 5 | 20635 | וַאֲנִ֣י ׀ הָיִ֣יתִי מֵבִ֗ין וְהִנֵּ֤ה צְפִיר־הָֽעִזִּים֙ בָּ֤א מִן־הַֽמַּעֲרָב֙ עַל־פְּנֵ֣י כָל־הָאָ֔רֶץ וְאֵ֥ין נוֹגֵ֖עַ בָּאָ֑רֶץ וְהַ֨צָּפִ֔יר קֶ֥רֶן חָז֖וּת בֵּ֥ין עֵינָֽיו׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.6 | 8 | 6 | 20636 | וַיָּבֹ֗א עַד־הָאַ֙יִל֙ בַּ֣עַל הַקְּרָנַ֔יִם אֲשֶׁ֣ר רָאִ֔יתִי עֹמֵ֖ד לִפְנֵ֣י הָאֻבָ֑ל וַיָּ֥רָץ אֵלָ֖יו בַּחֲמַ֥ת כֹּחֽוֹ׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.7 | 8 | 7 | 20637 | וּרְאִיתִ֞יו מַגִּ֣יעַ ׀ אֵ֣צֶל הָאַ֗יְל וַיִּתְמַרְמַ֤ר אֵלָיו֙ וַיַּ֣ךְ אֶת־הָאַ֗יִל וַיְשַׁבֵּר֙ אֶת־שְׁתֵּ֣י קְרָנָ֔יו וְלֹא־הָ֥יָה כֹ֛חַ בָּאַ֖יִל לַעֲמֹ֣ד לְפָנָ֑יו וַיַּשְׁלִיכֵ֤הוּ אַ֙רְצָה֙ וַֽיִּרְמְסֵ֔הוּ וְלֹא־הָיָ֥ה מַצִּ֛יל לָאַ֖יִל מִיָּדֽוֹ׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.8 | 8 | 8 | 20638 | וּצְפִ֥יר הָעִזִּ֖ים הִגְדִּ֣יל עַד־מְאֹ֑ד וּכְעָצְמ֗וֹ נִשְׁבְּרָה֙ הַקֶּ֣רֶן הַגְּדוֹלָ֔ה וַֽתַּעֲלֶ֜נָה חָז֤וּת אַרְבַּע֙ תַּחְתֶּ֔יהָ לְאַרְבַּ֖ע רוּח֥וֹת הַשָּׁמָֽיִם׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.9 | 8 | 9 | 20639 | וּמִן־הָאַחַ֣ת מֵהֶ֔ם יָצָ֥א קֶֽרֶן־אַחַ֖ת מִצְּעִירָ֑ה וַתִּגְדַּל־יֶ֛תֶר אֶל־הַנֶּ֥גֶב וְאֶל־הַמִּזְרָ֖ח וְאֶל־הַצֶּֽבִי׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.10 | 8 | 10 | 20640 | וַתִּגְדַּ֖ל עַד־צְבָ֣א הַשָּׁמָ֑יִם וַתַּפֵּ֥ל אַ֛רְצָה מִן־הַצָּבָ֥א וּמִן־הַכּוֹכָבִ֖ים וַֽתִּרְמְסֵֽם׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.11 | 8 | 11 | 20641 | וְעַ֥ד שַֽׂר־הַצָּבָ֖א הִגְדִּ֑יל וּמִמֶּ֙נּוּ֙ הוּרַ֣ם הַתָּמִ֔יד וְהֻשְׁלַ֖ךְ מְכ֥וֹן מִקְדָּשֽׁוֹ׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.12 | 8 | 12 | 20642 | וְצָבָ֛א תִּנָּתֵ֥ן עַל־הַתָּמִ֖יד בְּפָ֑שַׁע וְתַשְׁלֵ֤ךְ אֱמֶת֙ אַ֔רְצָה וְעָשְׂתָ֖ה וְהִצְלִֽיחָה׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.13 | 8 | 13 | 20643 | וָאֶשְׁמְעָ֥ה אֶֽחָד־קָד֖וֹשׁ מְדַבֵּ֑ר וַיֹּאמֶר֩ אֶחָ֨ד קָד֜וֹשׁ לַפַּֽלְמוֹנִ֣י הַֽמְדַבֵּ֗ר עַד־מָתַ֞י הֶחָז֤וֹן הַתָּמִיד֙ וְהַפֶּ֣שַׁע שֹׁמֵ֔ם תֵּ֛ת וְקֹ֥דֶשׁ וְצָבָ֖א מִרְמָֽס׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.14 | 8 | 14 | 20644 | וַיֹּ֣אמֶר אֵלַ֔י עַ֚ד עֶ֣רֶב בֹּ֔קֶר אַלְפַּ֖יִם וּשְׁלֹ֣שׁ מֵא֑וֹת וְנִצְדַּ֖ק קֹֽדֶשׁ׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.15 | 8 | 15 | 20645 | וַיְהִ֗י בִּרְאֹתִ֛י אֲנִ֥י דָנִיֵּ֖אל אֶת־הֶחָז֑וֹן וָאֲבַקְשָׁ֣ה בִינָ֔ה וְהִנֵּ֛ה עֹמֵ֥ד לְנֶגְדִּ֖י כְּמַרְאֵה־גָֽבֶר׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.16 | 8 | 16 | 20646 | וָאֶשְׁמַ֥ע קוֹל־אָדָ֖ם בֵּ֣ין אוּלָ֑י וַיִּקְרָא֙ וַיֹּאמַ֔ר גַּבְרִיאֵ֕ל הָבֵ֥ן לְהַלָּ֖ז אֶת־הַמַּרְאֶֽה׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.17 | 8 | 17 | 20647 | וַיָּבֹא֙ אֵ֣צֶל עָמְדִ֔י וּבְבֹא֣וֹ נִבְעַ֔תִּי וָאֶפְּלָ֖ה עַל־פָּנָ֑י וַיֹּ֤אמֶר אֵלַי֙ הָבֵ֣ן בֶּן־אָדָ֔ם כִּ֖י לְעֶת־קֵ֥ץ הֶחָזֽוֹן׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.18 | 8 | 18 | 20648 | וּבְדַבְּר֣וֹ עִמִּ֔י נִרְדַּ֥מְתִּי עַל־פָּנַ֖י אָ֑רְצָה וַיִּ֨גַּע־בִּ֔י וַיַּֽעֲמִידֵ֖נִי עַל־עָמְדִֽי׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.19 | 8 | 19 | 20649 | וַיֹּ֙אמֶר֙ הִנְנִ֣י מוֹדִֽיעֲךָ֔ אֵ֥ת אֲשֶׁר־יִהְיֶ֖ה בְּאַחֲרִ֣ית הַזָּ֑עַם כִּ֖י לְמוֹעֵ֥ד קֵֽץ׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.20 | 8 | 20 | 20650 | הָאַ֥יִל אֲשֶׁר־רָאִ֖יתָ בַּ֣עַל הַקְּרָנָ֑יִם מַלְכֵ֖י מָדַ֥י וּפָרָֽס׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.21 | 8 | 21 | 20651 | וְהַצָּפִ֥יר הַשָּׂעִ֖יר מֶ֣לֶךְ יָוָ֑ן וְהַקֶּ֤רֶן הַגְּדוֹלָה֙ אֲשֶׁ֣ר בֵּין־עֵינָ֔יו ה֖וּא הַמֶּ֥לֶךְ הָרִאשֽׁוֹן׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.22 | 8 | 22 | 20652 | וְהַ֨נִּשְׁבֶּ֔רֶת וַתַּֽעֲמֹ֥דְנָה אַרְבַּ֖ע תַּחְתֶּ֑יהָ אַרְבַּ֧ע מַלְכֻי֛וֹת מִגּ֥וֹי יַעֲמֹ֖דְנָה וְלֹ֥א בְכֹחֽוֹ׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.23 | 8 | 23 | 20653 | וּֽבְאַחֲרִית֙ מַלְכוּתָ֔ם כְּהָתֵ֖ם הַפֹּשְׁעִ֑ים יַעֲמֹ֛ד מֶ֥לֶךְ עַז־פָּנִ֖ים וּמֵבִ֥ין חִידֽוֹת׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.24 | 8 | 24 | 20654 | וְעָצַ֤ם כֹּחוֹ֙ וְלֹ֣א בְכֹח֔וֹ וְנִפְלָא֥וֹת יַשְׁחִ֖ית וְהִצְלִ֣יחַ וְעָשָׂ֑ה וְהִשְׁחִ֥ית עֲצוּמִ֖ים וְעַם־קְדֹשִֽׁים׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.25 | 8 | 25 | 20655 | וְעַל־שִׂכְל֗וֹ וְהִצְלִ֤יחַ מִרְמָה֙ בְּיָד֔וֹ וּבִלְבָב֣וֹ יַגְדִּ֔יל וּבְשַׁלְוָ֖ה יַשְׁחִ֣ית רַבִּ֑ים וְעַ֤ל שַׂר־שָׂרִים֙ יַעֲמֹ֔ד וּבְאֶ֥פֶס יָ֖ד יִשָּׁבֵֽר׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.26 | 8 | 26 | 20656 | וּמַרְאֵ֨ה הָעֶ֧רֶב וְהַבֹּ֛קֶר אֲשֶׁ֥ר נֶאֱמַ֖ר אֱמֶ֣ת ה֑וּא וְאַתָּה֙ סְתֹ֣ם הֶֽחָז֔וֹן כִּ֖י לְיָמִ֥ים רַבִּֽים׃ | |
| Hebrew Bible (Tanakh) | Ketuvim (Writings) | Ketuvim – Daniel | Ketuvim – Daniel 8 | Ch.8:V.27 | 8 | 27 | 20657 | וַאֲנִ֣י דָנִיֵּ֗אל נִהְיֵ֤יתִי וְנֽ͏ֶחֱלֵ֙יתִי֙ יָמִ֔ים וָאָק֕וּם וָאֶֽעֱשֶׂ֖ה אֶת־מְלֶ֣אכֶת הַמֶּ֑לֶךְ וָאֶשְׁתּוֹמֵ֥ם עַל־הַמַּרְאֶ֖ה וְאֵ֥ין מֵבִֽין׃ | |