| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.1 | 8 | 1 | 20949 | וְאֵ֛לֶּה רָאשֵׁ֥י אֲבֹתֵיהֶ֖ם וְהִתְיַחְשָׂ֑ם הָעֹלִ֣ים עִמִּ֗י בְּמַלְכ֛וּת אַרְתַּחְשַׁ֥סְתְּא הַמֶּ֖לֶךְ מִבָּבֶֽל׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.2 | 8 | 2 | 20950 | מִבְּנֵ֤י פִֽינְחָס֙ גֵּֽרְשֹׁ֔ם מִבְּנֵ֥י אִיתָמָ֖ר דָּנִיֵּ֑אל מִבְּנֵ֥י דָוִ֖יד חַטּֽוּשׁ׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.3 | 8 | 3 | 20951 | מִבְּנֵ֣י שְׁכַנְיָ֔ה מִבְּנֵ֥י פַרְעֹ֖שׁ זְכַרְיָ֑ה וְעִמּ֛וֹ הִתְיַחֵ֥שׂ לִזְכָרִ֖ים מֵאָ֥ה וַחֲמִשִּֽׁים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.4 | 8 | 4 | 20952 | מִבְּנֵי֙ פַּחַ֣ת מוֹאָ֔ב אֶלְיְהֽוֹעֵינַ֖י בֶּן־זְרַֽחְיָ֑ה וְעִמּ֖וֹ מָאתַ֥יִם הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.5 | 8 | 5 | 20953 | מִבְּנֵ֥י שְׁכַנְיָ֖ה בֶּן־יַחֲזִיאֵ֑ל וְעִמּ֕וֹ שְׁלֹ֥שׁ מֵא֖וֹת הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.6 | 8 | 6 | 20954 | וּמִבְּנֵ֣י עָדִ֔ין עֶ֖בֶד בֶּן־יוֹנָתָ֑ן וְעִמּ֖וֹ חֲמִשִּׁ֥ים הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.7 | 8 | 7 | 20955 | וּמִבְּנֵ֣י עֵילָ֔ם יְשַֽׁעְיָ֖ה בֶּן־עֲתַלְיָ֑ה וְעִמּ֖וֹ שִׁבְעִ֥ים הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.8 | 8 | 8 | 20956 | וּמִבְּנֵ֣י שְׁפַטְיָ֔ה זְבַדְיָ֖ה בֶּן־מִֽיכָאֵ֑ל וְעִמּ֖וֹ שְׁמֹנִ֥ים הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.9 | 8 | 9 | 20957 | מִבְּנֵ֣י יוֹאָ֔ב עֹבַדְיָ֖ה בֶּן־יְחִיאֵ֑ל וְעִמּ֕וֹ מָאתַ֛יִם וּשְׁמֹנָ֥ה עָשָׂ֖ר הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.10 | 8 | 10 | 20958 | וּמִבְּנֵ֥י שְׁלוֹמִ֖ית בֶּן־יוֹסִפְיָ֑ה וְעִמּ֕וֹ מֵאָ֥ה וְשִׁשִּׁ֖ים הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.11 | 8 | 11 | 20959 | וּמִבְּנֵ֣י בֵבַ֔י זְכַרְיָ֖ה בֶּן־בֵּבָ֑י וְעִמּ֕וֹ עֶשְׂרִ֥ים וּשְׁמֹנָ֖ה הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.12 | 8 | 12 | 20960 | וּמִבְּנֵ֣י עַזְגָּ֔ד יוֹחָנָ֖ן בֶּן־הַקָּטָ֑ן וְעִמּ֕וֹ מֵאָ֥ה וַעֲשָׂרָ֖ה הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.13 | 8 | 13 | 20961 | וּמִבְּנֵ֣י אֲדֹנִיקָם֮ אַחֲרֹנִים֒ וְאֵ֣לֶּה שְׁמוֹתָ֔ם אֱלִיפֶ֖לֶט יְעִיאֵ֣ל וּֽשְׁמַעְיָ֑ה וְעִמָּהֶ֖ם שִׁשִּׁ֥ים הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.14 | 8 | 14 | 20962 | וּמִבְּנֵ֥י בִגְוַ֖י עוּתַ֣י וְזַכּ֑וּר וְעִמּ֖וֹ שִׁבְעִ֥ים הַזְּכָרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.15 | 8 | 15 | 20963 | וָֽאֶקְבְּצֵ֗ם אֶל־הַנָּהָר֙ הַבָּ֣א אֶֽל־אַהֲוָ֔א וַנַּחֲנֶ֥ה שָׁ֖ם יָמִ֣ים שְׁלֹשָׁ֑ה וָאָבִ֤ינָה בָעָם֙ וּבַכֹּ֣הֲנִ֔ים וּמִבְּנֵ֥י לֵוִ֖י לֹא־מָצָ֥אתִי שָֽׁם׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.16 | 8 | 16 | 20964 | וָאֶשְׁלְחָ֡ה לֶאֱלִיעֶ֡זֶר לַאֲרִיאֵ֡ל לִֽ֠שְׁמַעְיָה וּלְאֶלְנָתָ֨ן וּלְיָרִ֜יב וּלְאֶלְנָתָ֧ן וּלְנָתָ֛ן וְלִזְכַרְיָ֥ה וְלִמְשֻׁלָּ֖ם רָאשִׁ֑ים וּלְיוֹיָרִ֥יב וּלְאֶלְנָתָ֖ן מְבִינִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.17 | 8 | 17 | 20965 | וָאֲצַוֶּ֤ה אוֹתָם֙ עַל־אִדּ֣וֹ הָרֹ֔אשׁ בְּכָסִפְיָ֖א הַמָּק֑וֹם וָאָשִׂימָה֩ בְּפִיהֶ֨ם דְּבָרִ֜ים לְ֠דַבֵּר אֶל־אִדּ֨וֹ אָחִ֤יו הַנְּתִינִים֙ בְּכָסִפְיָ֣א הַמָּק֔וֹם לְהָֽבִיא־לָ֥נוּ מְשָׁרְתִ֖ים לְבֵ֥ית אֱלֹהֵֽינוּ׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.18 | 8 | 18 | 20966 | וַיָּבִ֨יאּוּ לָ֜נוּ כְּיַד־אֱלֹהֵ֨ינוּ הַטּוֹבָ֤ה עָלֵ֙ינוּ֙ אִ֣ישׁ שֶׂ֔כֶל מִבְּנֵ֣י מַחְלִ֔י בֶּן־לֵוִ֖י בֶּן־יִשְׂרָאֵ֑ל וְשֵׁרֵֽבְיָ֛ה וּבָנָ֥יו וְאֶחָ֖יו שְׁמֹנָ֥ה עָשָֽׂר׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.19 | 8 | 19 | 20967 | וְאֶת־חֲשַׁבְיָ֔ה וְאִתּ֥וֹ יְשַֽׁעְיָ֖ה מִבְּנֵ֣י מְרָרִ֑י אֶחָ֥יו וּבְנֵיהֶ֖ם עֶשְׂרִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.20 | 8 | 20 | 20968 | וּמִן־הַנְּתִינִ֗ים שֶׁנָּתַ֨ן דָּוִ֤יד וְהַשָּׂרִים֙ לַעֲבֹדַ֣ת הַלְוִיִּ֔ם נְתִינִ֖ים מָאתַ֣יִם וְעֶשְׂרִ֑ים כֻּלָּ֖ם נִקְּב֥וּ בְשֵׁמֽוֹת׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.21 | 8 | 21 | 20969 | וָאֶקְרָ֨א שָׁ֥ם צוֹם֙ עַל־הַנָּהָ֣ר אַהֲוָ֔א לְהִתְעַנּ֖וֹת לִפְנֵ֣י אֱלֹהֵ֑ינוּ לְבַקֵּ֤שׁ מִמֶּ֙נּוּ֙ דֶּ֣רֶךְ יְשָׁרָ֔ה לָ֥נוּ וּלְטַפֵּ֖נוּ וּלְכָל־רְכוּשֵֽׁנוּ׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.22 | 8 | 22 | 20970 | כִּ֣י בֹ֗שְׁתִּי לִשְׁא֤וֹל מִן־הַמֶּ֙לֶךְ֙ חַ֣יִל וּפָרָשִׁ֔ים לְעָזְרֵ֥נוּ מֵאוֹיֵ֖ב בַּדָּ֑רֶךְ כִּֽי־אָמַ֨רְנוּ לַמֶּ֜לֶךְ לֵאמֹ֗ר יַד־אֱלֹהֵ֤ינוּ עַל־כָּל־מְבַקְשָׁיו֙ לְטוֹבָ֔ה וְעֻזּ֣וֹ וְאַפּ֔וֹ עַ֖ל כָּל־עֹזְבָֽיו׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.23 | 8 | 23 | 20971 | וַנָּצ֛וּמָה וַנְּבַקְשָׁ֥ה מֵאֱלֹהֵ֖ינוּ עַל־זֹ֑את וַיֵּעָתֵ֖ר לָֽנוּ׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.24 | 8 | 24 | 20972 | וָאַבְדִּ֛ילָה מִשָּׂרֵ֥י הַכֹּהֲנִ֖ים שְׁנֵ֣ים עָשָׂ֑ר לְשֵׁרֵֽבְיָ֣ה חֲשַׁבְיָ֔ה וְעִמָּהֶ֥ם מֵאֲחֵיהֶ֖ם עֲשָׂרָֽה׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.25 | 8 | 25 | 20973 | וָאֶשְׁקֳלָ֣ה לָהֶ֔ם אֶת־הַכֶּ֥סֶף וְאֶת־הַזָּהָ֖ב וְאֶת־הַכֵּלִ֑ים תְּרוּמַ֣ת בֵּית־אֱלֹהֵ֗ינוּ הַהֵרִ֙ימוּ֙ הַמֶּ֙לֶךְ֙ וְיֹעֲצָ֣יו וְשָׂרָ֔יו וְכָל־יִשְׂרָאֵ֖ל הַנִּמְצָאִֽים׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.26 | 8 | 26 | 20974 | וָאֶשְׁקֲלָ֨ה עַל־יָדָ֜ם כֶּ֗סֶף כִּכָּרִים֙ שֵֽׁשׁ־מֵא֣וֹת וַחֲמִשִׁ֔ים וּכְלֵי־כֶ֥סֶף מֵאָ֖ה לְכִכָּרִ֑ים זָהָ֖ב מֵאָ֥ה כִכָּֽר׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.27 | 8 | 27 | 20975 | וּכְפֹרֵ֤י זָהָב֙ עֶשְׂרִ֔ים לַאֲדַרְכֹנִ֖ים אָ֑לֶף וּכְלֵ֨י נְחֹ֜שֶׁת מֻצְהָ֤ב טוֹבָה֙ שְׁנַ֔יִם חֲמוּדֹ֖ת כַּזָּהָֽב׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.28 | 8 | 28 | 20976 | וָאֹמְרָ֣ה אֲלֵהֶ֗ם אַתֶּ֥ם קֹ֙דֶשׁ֙ לַיהוָ֔ה וְהַכֵּלִ֖ים קֹ֑דֶשׁ וְהַכֶּ֤סֶף וְהַזָּהָב֙ נְדָבָ֔ה לַיהוָ֖ה אֱלֹהֵ֥י אֲבֹתֵיכֶֽם׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.29 | 8 | 29 | 20977 | שִׁקְד֣וּ וְשִׁמְר֗וּ עַֽד־תִּשְׁקְל֡וּ לִפְנֵי֩ שָׂרֵ֨י הַכֹּהֲנִ֧ים וְהַלְוִיִּ֛ם וְשָׂרֵֽי־הָאָב֥וֹת לְיִשְׂרָאֵ֖ל בִּירוּשָׁלָ֑͏ִם הַלִּשְׁכ֖וֹת בֵּ֥ית יְהוָֽה׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.30 | 8 | 30 | 20978 | וְקִבְּלוּ֙ הַכֹּהֲנִ֣ים וְהַלְוִיִּ֔ם מִשְׁקַ֛ל הַכֶּ֥סֶף וְהַזָּהָ֖ב וְהַכֵּלִ֑ים לְהָבִ֥יא לִירוּשָׁלַ֖͏ִם לְבֵ֥ית אֱלֹהֵֽינוּ׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.31 | 8 | 31 | 20979 | וַֽנִּסְּעָ֞ה מִנְּהַ֣ר אֽ͏ַהֲוָ֗א בִּשְׁנֵ֤ים עָשָׂר֙ לַחֹ֣דֶשׁ הָרִאשׁ֔וֹן לָלֶ֖כֶת יְרוּשָׁלָ֑͏ִם וְיַד־אֱלֹהֵ֙ינוּ֙ הָיְתָ֣ה עָלֵ֔ינוּ וַיַּ֨צִּילֵ֔נוּ מִכַּ֥ף אוֹיֵ֛ב וְאוֹרֵ֖ב עַל־הַדָּֽרֶךְ׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.32 | 8 | 32 | 20980 | וַנָּב֖וֹא יְרוּשָׁלָ֑͏ִם וַנֵּ֥שֶׁב שָׁ֖ם יָמִ֥ים שְׁלֹשָֽׁה׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.33 | 8 | 33 | 20981 | וּבַיּ֣וֹם הָרְבִיעִ֡י נִשְׁקַ֣ל הַכֶּסֶף֩ וְהַזָּהָ֨ב וְהַכֵּלִ֜ים בְּבֵ֣ית אֱלֹהֵ֗ינוּ עַ֠ל יַד־מְרֵמ֤וֹת בֶּן־אֽוּרִיָּה֙ הַכֹּהֵ֔ן וְעִמּ֖וֹ אֶלְעָזָ֣ר בֶּן־פִּֽינְחָ֑ס וְעִמָּהֶ֞ם יוֹזָבָ֧ד בֶּן־יֵשׁ֛וּעַ וְנֽוֹעַדְיָ֥ה בֶן־בִּנּ֖וּי הַלְוִיִּֽם׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.34 | 8 | 34 | 20982 | בְּמִסְפָּ֥ר בְּמִשְׁקָ֖ל לַכֹּ֑ל וַיִּכָּתֵ֥ב כָּֽל־הַמִּשְׁקָ֖ל בָּעֵ֥ת הַהִֽיא׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.35 | 8 | 35 | 20983 | הַ֠בָּאִים מֵֽהַשְּׁבִ֨י בְנֵֽי־הַגּוֹלָ֜ה הִקְרִ֥יבוּ עֹל֣וֹת ׀ לֵאלֹהֵ֣י יִשְׂרָאֵ֗ל פָּרִ֨ים שְׁנֵים־עָשָׂ֤ר עַל־כָּל־יִשְׂרָאֵל֙ אֵילִ֣ים ׀ תִּשְׁעִ֣ים וְשִׁשָּׁ֗ה כְּבָשִׂים֙ שִׁבְעִ֣ים וְשִׁבְעָ֔ה צְפִירֵ֥י חַטָּ֖את שְׁנֵ֣ים עָשָׂ֑ר הַכֹּ֖ל עוֹלָ֥ה לַיהוָֽה׃ | |
| Hebrew Bible (Tanakh) | Ketuvim (Writings) | Ketuvim – Ezra | Ketuvim – Ezra 8 | Ch.8:V.36 | 8 | 36 | 20984 | וַֽיִּתְּנ֣וּ ׀ אֶת־דָּתֵ֣י הַמֶּ֗לֶךְ לַאֲחַשְׁדַּרְפְּנֵי֙ הַמֶּ֔לֶךְ וּפַחֲו֖וֹת עֵ֣בֶר הַנָּהָ֑ר וְנִשְּׂא֥וּ אֶת־הָעָ֖ם וְאֶת־בֵּֽית־הָאֱלֹהִֽים׃ | |