| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.1 | 19 | 1 | 22774 | וַ֠יָּשָׁב יְהוֹשָׁפָ֨ט מֶֽלֶךְ־יְהוּדָ֧ה אֶל־בֵּית֛וֹ בְּשָׁל֖וֹם לִֽירוּשָׁלָֽ͏ִם׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.2 | 19 | 2 | 22775 | וַיֵּצֵ֣א אֶל־פָּנָ֗יו יֵה֣וּא בֶן־חֲנָ֘נִי֮ הַחֹזֶה֒ וַיֹּ֙אמֶר֙ אֶל־הַמֶּ֣לֶךְ יְהוֹשָׁפָ֔ט הֲלָרָשָׁ֣ע לַעְזֹ֔ר וּלְשֹׂנְאֵ֥י יְהוָ֖ה תֶּאֱהָ֑ב וּבָזֹאת֙ עָלֶ֣יךָ קֶּ֔צֶף מִלִּפְנֵ֖י יְהוָֽה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.3 | 19 | 3 | 22776 | אֲבָ֕ל דְּבָרִ֥ים טוֹבִ֖ים נִמְצְא֣וּ עִמָּ֑ךְ כִּֽי־בִעַ֤רְתָּ הָאֲשֵׁרוֹת֙ מִן־הָאָ֔רֶץ וַהֲכִינ֥וֹתָ לְבָבְךָ֖ לִדְרֹ֥שׁ הָֽאֱלֹהִֽים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.4 | 19 | 4 | 22777 | וַיֵּ֥שֶׁב יְהוֹשָׁפָ֖ט בִּירוּשָׁלָ֑͏ִם וַיָּ֜שָׁב וַיֵּצֵ֣א בָעָ֗ם מִבְּאֵ֥ר שֶׁ֙בַע֙ עַד־הַ֣ר אֶפְרַ֔יִם וַיְשִׁיבֵ֕ם אֶל־יְהוָ֖ה אֱלֹהֵ֥י אֲבוֹתֵיהֶֽם׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.5 | 19 | 5 | 22778 | וַיַּעֲמֵ֨ד שֹֽׁפְטִ֜ים בָּאָ֗רֶץ בְּכָל־עָרֵ֧י יְהוּדָ֛ה הַבְּצֻר֖וֹת לְעִ֥יר וָעִֽיר׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.6 | 19 | 6 | 22779 | וַיֹּ֣אמֶר אֶל־הַשֹּֽׁפְטִ֗ים רְאוּ֙ מָֽה־אַתֶּ֣ם עֹשִׂ֔ים כִּ֣י לֹ֧א לְאָדָ֛ם תִּשְׁפְּט֖וּ כִּ֣י לַיהוָ֑ה וְעִמָּכֶ֖ם בִּדְבַ֥ר מִשְׁפָּֽט׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.7 | 19 | 7 | 22780 | וְעַתָּ֕ה יְהִ֥י פַֽחַד־יְהוָ֖ה עֲלֵיכֶ֑ם שִׁמְר֣וּ וַעֲשׂ֔וּ כִּֽי־אֵ֞ין עִם־יְהוָ֣ה אֱלֹהֵ֗ינוּ עַוְלָ֛ה וּמַשֹּׂ֥א פָנִ֖ים וּמִקַּח־שֹֽׁחַד׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.8 | 19 | 8 | 22781 | וְגַ֣ם בִּ֠ירוּשָׁלִַם הֶעֱמִ֨יד יְהוֹשָׁפָ֜ט מִן־הַלְוִיִּ֣ם וְהַכֹּהֲנִ֗ים וּמֵרָאשֵׁ֤י הָאָבוֹת֙ לְיִשְׂרָאֵ֔ל לְמִשְׁפַּ֥ט יְהוָ֖ה וְלָרִ֑יב וַיָּשֻׁ֖בוּ יְרוּשָׁלָֽ͏ִם׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.9 | 19 | 9 | 22782 | וַיְצַ֥ו עֲלֵיהֶ֖ם לֵאמֹ֑ר כֹּ֤ה תַעֲשׂוּן֙ בְּיִרְאַ֣ת יְהוָ֔ה בֶּאֱמוּנָ֖ה וּבְלֵבָ֥ב שָׁלֵֽם׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.10 | 19 | 10 | 22783 | וְכָל־רִיב֩ אֲשֶׁר־יָב֨וֹא עֲלֵיכֶ֜ם מֵאֲחֵיכֶ֣ם ׀ הַיֹּשְׁבִ֣ים בְּעָרֵיהֶ֗ם בֵּֽין־דָּ֣ם ׀ לְדָם֮ בֵּין־תּוֹרָ֣ה לְמִצְוָה֮ לְחֻקִּ֣ים וּלְמִשְׁפָּטִים֒ וְהִזְהַרְתֶּ֣ם אֹתָ֔ם וְלֹ֤א יֶאְשְׁמוּ֙ לַיהוָ֔ה וְהָֽיָה־קֶ֥צֶף עֲלֵיכֶ֖ם וְעַל־אֲחֵיכֶ֑ם כֹּ֥ה תַעֲשׂ֖וּן וְלֹ֥א תֶאְשָֽׁמוּ׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 19 | Ch.19:V.11 | 19 | 11 | 22784 | וְהִנֵּ֡ה אֲמַרְיָ֣הוּ כֹהֵן֩ הָרֹ֨אשׁ עֲלֵיכֶ֜ם לְכֹ֣ל דְּבַר־יְהוָ֗ה וּזְבַדְיָ֨הוּ בֶן־יִשְׁמָעֵא֜ל הַנָּגִ֤יד לְבֵית־יְהוּדָה֙ לְכֹ֣ל דְּבַר־הַמֶּ֔לֶךְ וְשֹׁטְרִ֥ים הַלְוִיִּ֖ם לִפְנֵיכֶ֑ם חִזְק֣וּ וַעֲשׂ֔וּ וִיהִ֥י יְהוָ֖ה עִם־הַטּֽוֹב׃ | |