| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.1 | 4 | 1 | 22444 | וַיַּ֙עַשׂ֙ מִזְבַּ֣ח נְחֹ֔שֶׁת עֶשְׂרִ֤ים אַמָּה֙ אָרְכּ֔וֹ וְעֶשְׂרִ֥ים אַמָּ֖ה רָחְבּ֑וֹ וְעֶ֥שֶׂר אַמּ֖וֹת קוֹמָתֽוֹ׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.2 | 4 | 2 | 22445 | וַיַּ֥עַשׂ אֶת־הַיָּ֖ם מוּצָ֑ק עֶ֣שֶׂר בָּֽ֠אַמָּה מִשְּׂפָת֨וֹ אֶל־שְׂפָת֜וֹ עָג֣וֹל ׀ סָבִ֗יב וְחָמֵ֤שׁ בָּֽאַמָּה֙ קֽוֹמָת֔וֹ וְקָו֙ שְׁלֹשִׁ֣ים בָּֽאַמָּ֔ה יָסֹ֥ב אֹת֖וֹ סָבִֽיב׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.3 | 4 | 3 | 22446 | וּדְמ֣וּת בְּקָרִים֩ תַּ֨חַת ל֜וֹ סָבִ֤יב ׀ סָבִיב֙ סוֹבְבִ֣ים אֹת֔וֹ עֶ֚שֶׂר בָּֽאַמָּ֔ה מַקִּיפִ֥ים אֶת־הַיָּ֖ם סָבִ֑יב שְׁנַ֤יִם טוּרִים֙ הַבָּקָ֔ר יְצוּקִ֖ים בְּמֻֽצַקְתּֽוֹ׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.4 | 4 | 4 | 22447 | עוֹמֵ֞ד עַל־שְׁנֵ֧ים עָשָׂ֣ר בָּקָ֗ר שְׁלֹשָׁ֣ה פֹנִ֣ים ׀ צָפ֡וֹנָה וּשְׁלוֹשָׁה֩ פֹנִ֨ים ׀ יָ֜מָּה וּשְׁלֹשָׁ֣ה ׀ פֹּנִ֣ים נֶ֗גְבָּה וּשְׁלֹשָׁה֙ פֹּנִ֣ים מִזְרָ֔חָה וְהַיָּ֥ם עֲלֵיהֶ֖ם מִלְמָ֑עְלָה וְכָל־אֲחֹרֵיהֶ֖ם בָּֽיְתָה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.5 | 4 | 5 | 22448 | וְעָבְי֣וֹ טֶ֔פַח וּשְׂפָתוֹ֙ כְּמַעֲשֵׂ֣ה שְׂפַת־כּ֔וֹס פֶּ֖רַח שֽׁוֹשַׁנָּ֑ה מַחֲזִ֣יק בַּתִּ֔ים שְׁלֹ֥שֶׁת אֲלָפִ֖ים יָכִֽיל׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.6 | 4 | 6 | 22449 | וַיַּ֣עַשׂ כִּיּוֹרִים֮ עֲשָׂרָה֒ וַ֠יִּתֵּן חֲמִשָּׁ֨ה מִיָּמִ֜ין וַחֲמִשָּׁ֤ה מִשְּׂמֹאול֙ לְרָחְצָ֣ה בָהֶ֔ם אֶת־מַעֲשֵׂ֥ה הָעוֹלָ֖ה יָדִ֣יחוּ בָ֑ם וְהַיָּ֕ם לְרָחְצָ֥ה לַכֹּהֲנִ֖ים בּֽוֹ׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.7 | 4 | 7 | 22450 | וַ֠יַּעַשׂ אֶת־מְנֹר֧וֹת הַזָּהָ֛ב עֶ֖שֶׂר כְּמִשְׁפָּטָ֑ם וַיִּתֵּן֙ בַּֽהֵיכָ֔ל חָמֵ֥שׁ מִיָּמִ֖ין וְחָמֵ֥שׁ מִשְּׂמֹֽאול׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.8 | 4 | 8 | 22451 | וַיַּ֣עַשׂ שֻׁלְחָנוֹת֮ עֲשָׂרָה֒ וַיַּנַּח֙ בַּֽהֵיכָ֔ל חֲמִשָּׁ֥ה מִיָּמִ֖ין וַחֲמִשָּׁ֣ה מִשְּׂמֹ֑אול וַיַּ֛עַשׂ מִזְרְקֵ֥י זָהָ֖ב מֵאָֽה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.9 | 4 | 9 | 22452 | וַיַּ֙עַשׂ֙ חֲצַ֣ר הַכֹּהֲנִ֔ים וְהָעֲזָרָ֖ה הַגְּדוֹלָ֑ה וּדְלָת֧וֹת לָעֲזָרָ֛ה וְדַלְתוֹתֵיהֶ֖ם צִפָּ֥ה נְחֹֽשֶׁת׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.10 | 4 | 10 | 22453 | וְאֶת־הַיָּ֗ם נָתַ֞ן מִכֶּ֧תֶף הַיְמָנִ֛ית קֵ֖דְמָה מִמּ֥וּל נֶֽגְבָּה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.11 | 4 | 11 | 22454 | וַיַּ֣עַשׂ חוּרָ֔ם אֶת־הַ֨סִּיר֔וֹת וְאֶת־הַיָּעִ֖ים וְאֶת־הַמִּזְרָק֑וֹת וַיְכַ֣ל חוּרָ֗ם לַעֲשׂוֹת֙ אֶת־הַמְּלָאכָ֔ה אֲשֶׁ֥ר עָשָׂ֛ה לַמֶּ֥לֶךְ שְׁלֹמֹ֖ה בְּבֵ֥ית הָאֱלֹהִֽים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.12 | 4 | 12 | 22455 | עַמּוּדִ֣ים שְׁנַ֔יִם וְהַגֻּלּ֧וֹת וְהַכֹּתָר֛וֹת עַל־רֹ֥אשׁ הָעַמּוּדִ֖ים שְׁתָּ֑יִם וְהַשְּׂבָכ֣וֹת שְׁתַּ֔יִם לְכַסּ֗וֹת אֶת־שְׁתֵּי֙ גֻּלּ֣וֹת הַכֹּֽתָר֔וֹת אֲשֶׁ֖ר עַל־רֹ֥אשׁ הָֽעַמּוּדִֽים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.13 | 4 | 13 | 22456 | וְאֶת־הָֽרִמּוֹנִ֛ים אַרְבַּ֥ע מֵא֖וֹת לִשְׁתֵּ֣י הַשְּׂבָכ֑וֹת שְׁנַ֨יִם טוּרִ֤ים רִמּוֹנִים֙ לַשְּׂבָכָ֣ה הָאֶחָ֔ת לְכַסּ֗וֹת אֶת־שְׁתֵּי֙ גֻּלּ֣וֹת הַכֹּֽתָר֔וֹת אֲשֶׁ֖ר עַל־פְּנֵ֥י הָעַמּוּדִֽים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.14 | 4 | 14 | 22457 | וְאֶת־הַמְּכֹנ֖וֹת עָשָׂ֑ה וְאֶת־הַכִּיֹּר֥וֹת עָשָׂ֖ה עַל־הַמְּכֹנֽוֹת׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.15 | 4 | 15 | 22458 | אֶת־הַיָּ֖ם אֶחָ֑ד וְאֶת־הַבָּקָ֥ר שְׁנֵים־עָשָׂ֖ר תַּחְתָּֽיו׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.16 | 4 | 16 | 22459 | וְאֶת־הַ֠סִּירוֹת וְאֶת־הַיָּעִ֤ים וְאֶת־הַמִּזְלָגוֹת֙ וְאֶת־כָּל־כְּלֵיהֶ֔ם עָשָׂ֞ה חוּרָ֥ם אָבִ֛יו לַמֶּ֥לֶךְ שְׁלֹמֹ֖ה לְבֵ֣ית יְהוָ֑ה נְחֹ֖שֶׁת מָרֽוּק׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.17 | 4 | 17 | 22460 | בְּכִכַּ֤ר הַיַּרְדֵּן֙ יְצָקָ֣ם הַמֶּ֔לֶךְ בַּעֲבִ֖י הָאֲדָמָ֑ה בֵּ֥ין סֻכּ֖וֹת וּבֵ֥ין צְרֵדָֽתָה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.18 | 4 | 18 | 22461 | וַיַּ֧עַשׂ שְׁלֹמֹ֛ה כָּל־הַכֵּלִ֥ים הָאֵ֖לֶּה לָרֹ֣ב מְאֹ֑ד כִּ֛י לֹ֥א נֶחְקַ֖ר מִשְׁקַ֥ל הַנְּחֹֽשֶׁת׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.19 | 4 | 19 | 22462 | וַיַּ֣עַשׂ שְׁלֹמֹ֔ה אֵ֚ת כָּל־הַכֵּלִ֔ים אֲשֶׁ֖ר בֵּ֣ית הָאֱלֹהִ֑ים וְאֵת֙ מִזְבַּ֣ח הַזָּהָ֔ב וְאֶת־הַשֻּׁלְחָנ֔וֹת וַעֲלֵיהֶ֖ם לֶ֥חֶם הַפָּנִֽים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.20 | 4 | 20 | 22463 | וְאֶת־הַמְּנֹר֞וֹת וְנֵרֹתֵיהֶ֗ם לְבַעֲרָ֧ם כַּמִּשְׁפָּ֛ט לִפְנֵ֥י הַדְּבִ֖יר זָהָ֥ב סָגֽוּר׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.21 | 4 | 21 | 22464 | וְהַפֶּ֧רַח וְהַנֵּר֛וֹת וְהַמֶּלְקַחַ֖יִם זָהָ֑ב ה֖וּא מִכְל֥וֹת זָהָֽב׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 4 | Ch.4:V.22 | 4 | 22 | 22465 | וְהַֽמְזַמְּר֧וֹת וְהַמִּזְרָק֛וֹת וְהַכַּפּ֥וֹת וְהַמַּחְתּ֖וֹת זָהָ֣ב סָג֑וּר וּפֶ֣תַח הַ֠בַּיִת דַּלְתוֹתָ֨יו הַפְּנִימִיּ֜וֹת לְקֹ֣דֶשׁ הַקֳּדָשִׁ֗ים וְדַלְתֵ֥י הַבַּ֛יִת לַהֵיכָ֖ל זָהָֽב׃ | |