| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.1 | 21 | 1 | 22822 | וַיִּשְׁכַּ֤ב יְהֽוֹשָׁפָט֙ עִם־אֲבֹתָ֔יו וַיִּקָּבֵ֥ר עִם־אֲבֹתָ֖יו בְּעִ֣יר דָּוִ֑יד וַיִּמְלֹ֛ךְ יְהוֹרָ֥ם בְּנ֖וֹ תַּחְתָּֽיו׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.2 | 21 | 2 | 22823 | וְלֽוֹ־אַחִ֞ים בְּנֵ֣י יְהוֹשָׁפָ֗ט עֲזַרְיָ֤ה וִֽיחִיאֵל֙ וּזְכַרְיָ֣הוּ וַעֲזַרְיָ֔הוּ וּמִיכָאֵ֖ל וּשְׁפַטְיָ֑הוּ כָּל־אֵ֕לֶּה בְּנֵ֖י יְהוֹשָׁפָ֥ט מֶֽלֶךְ־יִשְׂרָאֵֽל׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.3 | 21 | 3 | 22824 | וַיִּתֵּ֣ן לָהֶ֣ם ׀ אֲ֠בִיהֶם מַתָּנ֨וֹת רַבּ֜וֹת לְכֶ֤סֶף וּלְזָהָב֙ וּלְמִגְדָּנ֔וֹת עִם־עָרֵ֥י מְצֻר֖וֹת בִּֽיהוּדָ֑ה וְאֶת־הַמַּמְלָכָ֛ה נָתַ֥ן לִֽיהוֹרָ֖ם כִּי־ה֥וּא הַבְּכֽוֹר׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.4 | 21 | 4 | 22825 | וַיָּ֨קָם יְהוֹרָ֜ם עַל־מַמְלֶ֤כַת אָבִיו֙ וַיִּתְחַזַּ֔ק וַיַּהֲרֹ֥ג אֶת־כָּל־אֶחָ֖יו בֶּחָ֑רֶב וְגַ֖ם מִשָּׂרֵ֥י יִשְׂרָאֵֽל׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.5 | 21 | 5 | 22826 | בֶּן־שְׁלֹשִׁ֥ים וּשְׁתַּ֛יִם שָׁנָ֖ה יְהוֹרָ֣ם בְּמָלְכ֑וֹ וּשְׁמוֹנֶ֣ה שָׁנִ֔ים מָלַ֖ךְ בִּירוּשָׁלָֽ͏ִם׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.6 | 21 | 6 | 22827 | וַיֵּ֜לֶךְ בְּדֶ֣רֶךְ ׀ מַלְכֵ֣י יִשְׂרָאֵ֗ל כַּאֲשֶׁ֤ר עָשׂוּ֙ בֵּ֣ית אַחְאָ֔ב כִּ֚י בַּת־אַחְאָ֔ב הָ֥יְתָה לּ֖וֹ אִשָּׁ֑ה וַיַּ֥עַשׂ הָרַ֖ע בְּעֵינֵ֥י יְהוָֽה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.7 | 21 | 7 | 22828 | וְלֹא־אָבָ֣ה יְהוָ֗ה לְהַשְׁחִית֙ אֶת־בֵּ֣ית דָּוִ֔יד לְמַ֣עַן הַבְּרִ֔ית אֲשֶׁ֥ר כָּרַ֖ת לְדָוִ֑יד וְכַאֲשֶׁ֣ר אָמַ֗ר לָתֵ֨ת ל֥וֹ נִ֛יר וּלְבָנָ֖יו כָּל־הַיָּמִֽים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.8 | 21 | 8 | 22829 | בְּיָמָיו֙ פָּשַׁ֣ע אֱד֔וֹם מִתַּ֖חַת יַד־יְהוּדָ֑ה וַיַּמְלִ֥יכוּ עֲלֵיהֶ֖ם מֶֽלֶךְ׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.9 | 21 | 9 | 22830 | וַיַּֽעֲבֹ֤ר יְהוֹרָם֙ עִם־שָׂרָ֔יו וְכָל־הָרֶ֖כֶב עִמּ֑וֹ וַיְהִי֙ קָ֣ם לַ֔יְלָה וַיַּ֗ךְ אֶת־אֱדוֹם֙ הַסּוֹבֵ֣ב אֵלָ֔יו וְאֵ֖ת שָׂרֵ֥י הָרָֽכֶב׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.10 | 21 | 10 | 22831 | וַיִּפְשַׁ֨ע אֱד֜וֹם מִתַּ֣חַת יַד־יְהוּדָ֗ה עַ֚ד הַיּ֣וֹם הַזֶּ֔ה אָ֣ז תִּפְשַׁ֥ע לִבְנָ֛ה בָּעֵ֥ת הַהִ֖יא מִתַּ֣חַת יָד֑וֹ כִּ֣י עָזַ֔ב אֶת־יְהוָ֖ה אֱלֹהֵ֥י אֲבֹתָֽיו׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.11 | 21 | 11 | 22832 | גַּם־ה֥וּא עָשָֽׂה־בָמ֖וֹת בְּהָרֵ֣י יְהוּדָ֑ה וַיֶּ֙זֶן֙ אֶת־יֹשְׁבֵ֣י יְרוּשָׁלִַ֔ם וַיַּדַּ֖ח אֶת־יְהוּדָֽה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.12 | 21 | 12 | 22833 | וַיָּבֹ֤א אֵלָיו֙ מִכְתָּ֔ב מֵֽאֵלִיָּ֥הוּ הַנָּבִ֖יא לֵאמֹ֑ר כֹּ֣ה ׀ אָמַ֣ר יְהוָ֗ה אֱלֹהֵי֙ דָּוִ֣יד אָבִ֔יךָ תַּ֗חַת אֲשֶׁ֤ר לֹֽא־הָלַ֙כְתָּ֙ בְּדַרְכֵי֙ יְהוֹשָׁפָ֣ט אָבִ֔יךָ וּבְדַרְכֵ֖י אָסָ֥א מֶֽלֶךְ־יְהוּדָֽה׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.13 | 21 | 13 | 22834 | וַתֵּ֗לֶךְ בְּדֶ֙רֶךְ֙ מַלְכֵ֣י יִשְׂרָאֵ֔ל וַתַּזְנֶ֤ה אֶת־יְהוּדָה֙ וְאֶת־יֹשְׁבֵ֣י יְרוּשָׁלִַ֔ם כְּהַזְנ֖וֹת בֵּ֣ית אַחְאָ֑ב וְגַ֨ם אֶת־אַחֶ֧יךָ בֵית־אָבִ֛יךָ הַטּוֹבִ֥ים מִמְּךָ֖ הָרָֽגְתָּ׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.14 | 21 | 14 | 22835 | הִנֵּ֣ה יְהוָ֗ה נֹגֵ֛ף מַגֵּפָ֥ה גְדוֹלָ֖ה בְּעַמֶּ֑ךָ וּבְבָנֶ֥יךָ וּבְנָשֶׁ֖יךָ וּבְכָל־רְכוּשֶֽׁךָ׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.15 | 21 | 15 | 22836 | וְאַתָּ֛ה בָּחֳלָיִ֥ים רַבִּ֖ים בְּמַחֲלֵ֣ה מֵעֶ֑יךָ עַד־יֵצְא֤וּ מֵעֶ֙יךָ֙ מִן־הַחֹ֔לִי יָמִ֖ים עַל־יָמִֽים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.16 | 21 | 16 | 22837 | וַיָּ֨עַר יְהוָ֜ה עַל־יְהוֹרָ֗ם אֵ֣ת ר֤וּחַ הַפְּלִשְׁתִּים֙ וְהָ֣עַרְבִ֔ים אֲשֶׁ֖ר עַל־יַ֥ד כּוּשִֽׁים׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.17 | 21 | 17 | 22838 | וַיַּעֲל֤וּ בִֽיהוּדָה֙ וַיִּבְקָע֔וּהָ וַיִּשְׁבּ֗וּ אֵ֤ת כָּל־הָרְכוּשׁ֙ הַנִּמְצָ֣א לְבֵית־הַמֶּ֔לֶךְ וְגַם־בָּנָ֖יו וְנָשָׁ֑יו וְלֹ֤א נִשְׁאַר־לוֹ֙ בֵּ֔ן כִּ֥י אִם־יְהוֹאָחָ֖ז קְטֹ֥ן בָּנָֽיו׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.18 | 21 | 18 | 22839 | וְאַחֲרֵ֖י כָּל־זֹ֑את נְגָפ֨וֹ יְהוָ֧ה ׀ בְּמֵעָ֛יו לָחֳלִ֖י לְאֵ֥ין מַרְפֵּֽא׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.19 | 21 | 19 | 22840 | וַיְהִ֣י לְיָמִ֣ים ׀ מִיָּמִ֡ים וּכְעֵת֩ צֵ֨את הַקֵּ֜ץ לְיָמִ֣ים שְׁנַ֗יִם יָצְא֤וּ מֵעָיו֙ עִם־חָלְי֔וֹ וַיָּ֖מָת בְּתַחֲלֻאִ֣ים רָעִ֑ים וְלֹא־עָ֨שׂוּ ל֥וֹ עַמּ֛וֹ שְׂרֵפָ֖ה כִּשְׂרֵפַ֥ת אֲבֹתָֽיו׃ | |
| Hebrew Bible (Tanakh) | Ketuvim (Writings) | Ketuvim – 2 Chronicles | Ketuvim – 2 Chronicles 21 | Ch.21:V.20 | 21 | 20 | 22841 | בֶּן־שְׁלֹשִׁ֤ים וּשְׁתַּ֙יִם֙ הָיָ֣ה בְמָלְכ֔וֹ וּשְׁמוֹנֶ֣ה שָׁנִ֔ים מָלַ֖ךְ בִּירוּשָׁלָ֑͏ִם וַיֵּ֙לֶךְ֙ בְּלֹ֣א חֶמְדָּ֔ה וַֽיִּקְבְּרֻ֙הוּ֙ בְּעִ֣יר דָּוִ֔יד וְלֹ֖א בְּקִבְר֥וֹת הַמְּלָכִֽים׃ | |