| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.1 | 6 | 1 | 14953 | וָאָשֻׁ֗ב וָאֶשָּׂ֤א עֵינַי֙ וָֽאֶרְאֶ֔ה וְהִנֵּ֨ה אַרְבַּ֤ע מַרְכָּבוֹת֙ יֹֽצְא֔וֹת מִבֵּ֖ין שְׁנֵ֣י הֶֽהָרִ֑ים וְהֶהָרִ֖ים הָרֵ֥י נְחֹֽשֶׁת׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.2 | 6 | 2 | 14954 | בַּמֶּרְכָּבָ֥ה הָרִֽאשֹׁנָ֖ה סוּסִ֣ים אֲדֻמִּ֑ים וּבַמֶּרְכָּבָ֥ה הַשֵּׁנִ֖ית סוּסִ֥ים שְׁחֹרִֽים׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.3 | 6 | 3 | 14955 | וּבַמֶּרְכָּבָ֥ה הַשְּׁלִשִׁ֖ית סוּסִ֣ים לְבָנִ֑ים וּבַמֶּרְכָּבָה֙ הָרְבִעִ֔ית סוּסִ֥ים בְּרֻדִּ֖ים אֲמֻצִּֽים׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.4 | 6 | 4 | 14956 | וָאַ֙עַן֙ וָֽאֹמַ֔ר אֶל־הַמַּלְאָ֖ךְ הַדֹּבֵ֣ר בִּ֑י מָה־אֵ֖לֶּה אֲדֹנִֽי׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.5 | 6 | 5 | 14957 | וַיַּ֥עַן הַמַּלְאָ֖ךְ וַיֹּ֣אמֶר אֵלָ֑י אֵ֗לֶּה אַרְבַּע֙ רֻח֣וֹת הַשָּׁמַ֔יִם יוֹצְא֕וֹת מֵֽהִתְיַצֵּ֖ב עַל־אֲד֥וֹן כָּל־הָאָֽרֶץ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.6 | 6 | 6 | 14958 | אֲשֶׁר־בָּ֞הּ הַסּוּסִ֣ים הַשְּׁחֹרִ֗ים יֹֽצְאִים֙ אֶל־אֶ֣רֶץ צָפ֔וֹן וְהַלְּבָנִ֔ים יָצְא֖וּ אֶל־אֽ͏ַחֲרֵיהֶ֑ם וְהַ֨בְּרֻדִּ֔ים יָצְא֖וּ אֶל־אֶ֥רֶץ הַתֵּימָֽן׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.7 | 6 | 7 | 14959 | וְהָאֲמֻצִּ֣ים יָצְא֗וּ וַיְבַקְשׁוּ֙ לָלֶ֙כֶת֙ לְהִתְהַלֵּ֣ך בָּאָ֔רֶץ וַיֹּ֕אמֶר לְכ֖וּ הִתְהַלְּכ֣וּ בָאָ֑רֶץ וַתִּתְהַלַּ֖כְנָה בָּאָֽרֶץ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.8 | 6 | 8 | 14960 | וַיַּזְעֵ֣ק אֹתִ֔י וַיְדַבֵּ֥ר אֵלַ֖י לֵאמֹ֑ר רְאֵ֗ה הַיּֽוֹצְאִים֙ אֶל־אֶ֣רֶץ צָפ֔וֹן הֵנִ֥יחוּ אֶת־רוּחִ֖י בְּאֶ֥רֶץ צָפֽוֹן׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.9 | 6 | 9 | 14961 | וַיְהִ֥י דְבַר־יְהוָ֖ה אֵלַ֥י לֵאמֹֽר׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.10 | 6 | 10 | 14962 | לָק֙וֹחַ֙ מֵאֵ֣ת הַגּוֹלָ֔ה מֵחֶלְדַּ֕י וּמֵאֵ֥ת טוֹבִיָּ֖ה וּמֵאֵ֣ת יְדַֽעְיָ֑ה וּבָאתָ֤ אַתָּה֙ בַּיּ֣וֹם הַה֔וּא וּבָ֗אתָ בֵּ֚ית יֹאשִׁיָּ֣ה בֶן־צְפַנְיָ֔ה אֲשֶׁר־בָּ֖אוּ מִבָּבֶֽל׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.11 | 6 | 11 | 14963 | וְלָקַחְתָּ֥ כֶֽסֶף־וְזָהָ֖ב וְעָשִׂ֣יתָ עֲטָר֑וֹת וְשַׂמְתָּ֗ בְּרֹ֛אשׁ יְהוֹשֻׁ֥עַ בֶּן־יְהוֹצָדָ֖ק הַכֹּהֵ֥ן הַגָּדֽוֹל׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.12 | 6 | 12 | 14964 | וְאָמַרְתָּ֤ אֵלָיו֙ לֵאמֹ֔ר כֹּ֥ה אָמַ֛ר יְהוָ֥ה צְבָא֖וֹת לֵאמֹ֑ר הִנֵּה־אִ֞ישׁ צֶ֤מַח שְׁמוֹ֙ וּמִתַּחְתָּ֣יו יִצְמָ֔ח וּבָנָ֖ה אֶת־הֵיכַ֥ל יְהוָֽהּ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.13 | 6 | 13 | 14965 | וְ֠הוּא יִבְנֶ֞ה אֶת־הֵיכַ֤ל יְהוָה֙ וְהֽוּא־יִשָּׂ֣א ה֔וֹד וְיָשַׁ֥ב וּמָשַׁ֖ל עַל־כִּסְא֑וֹ וְהָיָ֤ה כֹהֵן֙ עַל־כִּסְא֔וֹ וַעֲצַ֣ת שָׁל֔וֹם תִּהְיֶ֖ה בֵּ֥ין שְׁנֵיהֶֽם׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.14 | 6 | 14 | 14966 | וְהָעֲטָרֹ֗ת תִּֽהְיֶה֙ לְחֵ֙לֶם֙ וּלְטוֹבִיָּ֣ה וְלִידַֽעְיָ֔ה וּלְחֵ֖ן בֶּן־צְפַנְיָ֑ה לְזִכָּר֖וֹן בְּהֵיכַ֥ל יְהוָֽה׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 6 | Ch.6:V.15 | 6 | 15 | 14967 | וּרְחוֹקִ֣ים ׀ יָבֹ֗אוּ וּבָנוּ֙ בְּהֵיכַ֣ל יְהוָ֔ה וִידַעְתֶּ֕ם כִּֽי־יְהוָ֥ה צְבָא֖וֹת שְׁלָחַ֣נִי אֲלֵיכֶ֑ם וְהָיָה֙ אִם־שָׁמ֣וֹעַ תִּשְׁמְע֔וּן בְּק֖וֹל יְהוָ֥ה אֱלֹהֵיכֶֽם׃ | |