| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.1 | 4 | 1 | 14928 | וַיָּ֕שָׁב הַמַּלְאָ֖ךְ הַדֹּבֵ֣ר בִּ֑י וַיְעִירֵ֕נִי כְּאִ֖ישׁ אֲשֶׁר־יֵע֥וֹר מִשְּׁנָתֽוֹ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.2 | 4 | 2 | 14929 | וַיֹּ֣אמֶר אֵלַ֔י מָ֥ה אַתָּ֖ה רֹאֶ֑ה וָאֹמַ֡ר רָאִ֣יתִי ׀ וְהִנֵּ֣ה מְנוֹרַת֩ זָהָ֨ב כֻּלָּ֜הּ וְגֻלָּ֣הּ עַל־רֹאשָׁ֗הּ וְשִׁבְעָ֤ה נֵרֹתֶ֙יהָ֙ עָלֶ֔יהָ שִׁבְעָ֤ה וְשִׁבְעָה֙ מֽוּצָק֔וֹת לַנֵּר֖וֹת אֲשֶׁ֥ר עַל־רֹאשָֽׁהּ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.3 | 4 | 3 | 14930 | וּשְׁנַ֥יִם זֵיתִ֖ים עָלֶ֑יהָ אֶחָד֙ מִימִ֣ין הַגֻּלָּ֔ה וְאֶחָ֖ד עַל־שְׂמֹאלָֽהּ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.4 | 4 | 4 | 14931 | וָאַ֙עַן֙ וָֽאֹמַ֔ר אֶל־הַמַּלְאָ֛ךְ הַדֹּבֵ֥ר בִּ֖י לֵאמֹ֑ר מָה־אֵ֖לֶּה אֲדֹנִֽי׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.5 | 4 | 5 | 14932 | וַ֠יַּעַן הַמַּלְאָ֞ךְ הַדֹּבֵ֥ר בִּי֙ וַיֹּ֣אמֶר אֵלַ֔י הֲל֥וֹא יָדַ֖עְתָּ מָה־הֵ֣מָּה אֵ֑לֶּה וָאֹמַ֖ר לֹ֥א אֲדֹנִֽי׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.6 | 4 | 6 | 14933 | וַיַּ֜עַן וַיֹּ֤אמֶר אֵלַי֙ לֵאמֹ֔ר זֶ֚ה דְּבַר־יְהוָ֔ה אֶל־זְרֻבָּבֶ֖ל לֵאמֹ֑ר לֹ֤א בְחַ֙יִל֙ וְלֹ֣א בְכֹ֔חַ כִּ֣י אִם־בְּרוּחִ֔י אָמַ֖ר יְהוָ֥ה צְבָאֽוֹת׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.7 | 4 | 7 | 14934 | מִֽי־אַתָּ֧ה הַֽר־הַגָּד֛וֹל לִפְנֵ֥י זְרֻבָּבֶ֖ל לְמִישֹׁ֑ר וְהוֹצִיא֙ אֶת־הָאֶ֣בֶן הָרֹאשָׁ֔ה תְּשֻׁא֕וֹת חֵ֥ן חֵ֖ן לָֽהּ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.8 | 4 | 8 | 14935 | וַיְהִ֥י דְבַר־יְהוָ֖ה אֵלַ֥י לֵאמֹֽר׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.9 | 4 | 9 | 14936 | יְדֵ֣י זְרֻבָּבֶ֗ל יִסְּד֛וּ הַבַּ֥יִת הַזֶּ֖ה וְיָדָ֣יו תְּבַצַּ֑עְנָה וְיָ֣דַעְתָּ֔ כִּֽי־יְהוָ֥ה צְבָא֖וֹת שְׁלָחַ֥נִי אֲלֵיכֶֽם׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.10 | 4 | 10 | 14937 | כִּ֣י מִ֣י בַז֮ לְי֣וֹם קְטַנּוֹת֒ וְשָׂמְח֗וּ וְרָא֞וּ אֶת־הָאֶ֧בֶן הַבְּדִ֛יל בְּיַ֥ד זְרֻבָּבֶ֖ל שִׁבְעָה־אֵ֑לֶּה עֵינֵ֣י יְהוָ֔ה הֵ֥מָּה מְשׁוֹטְטִ֖ים בְּכָל־הָאָֽרֶץ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.11 | 4 | 11 | 14938 | וָאַ֖עַן וָאֹמַ֣ר אֵלָ֑יו מַה־שְּׁנֵ֤י הַזֵּיתִים֙ הָאֵ֔לֶה עַל־יְמִ֥ין הַמְּנוֹרָ֖ה וְעַל־שְׂמֹאולָֽהּ׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.12 | 4 | 12 | 14939 | וָאַ֣עַן שֵׁנִ֔ית וָאֹמַ֖ר אֵלָ֑יו מַה־שְׁתֵּ֞י שִׁבֲּלֵ֣י הַזֵּיתִ֗ים אֲשֶׁר֙ בְּיַ֗ד שְׁנֵי֙ צַנְתְּר֣וֹת הַזָּהָ֔ב הַֽמְרִיקִ֥ים מֵעֲלֵיהֶ֖ם הַזָּהָֽב׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.13 | 4 | 13 | 14940 | וַיֹּ֤אמֶר אֵלַי֙ לֵאמֹ֔ר הֲל֥וֹא יָדַ֖עְתָּ מָה־אֵ֑לֶּה וָאֹמַ֖ר לֹ֥א אֲדֹנִֽי׃ | |
| Hebrew Bible (Tanakh) | Nevi’im (Prophets) | Nevi’im – Zechariah | Nevi’im – Zechariah 4 | Ch.4:V.14 | 4 | 14 | 14941 | וַיֹּ֕אמֶר אֵ֖לֶּה שְׁנֵ֣י בְנֵֽי־הַיִּצְהָ֑ר הָעֹמְדִ֖ים עַל־אֲד֥וֹן כָּל־הָאָֽרֶץ׃ | |