| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.1 | 10 | 1 | 21856 | וּפְלִשְׁתִּ֖ים נִלְחֲמ֣וּ בְיִשְׂרָאֵ֑ל וַיָּ֤נָס אִֽישׁ־יִשְׂרָאֵל֙ מִפְּנֵ֣י פְלִשְׁתִּ֔ים וַיִּפְּל֥וּ חֲלָלִ֖ים בְּהַ֥ר גִּלְבֹּֽעַ׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.2 | 10 | 2 | 21857 | וַיַּדְבְּק֣וּ פְלִשְׁתִּ֔ים אַחֲרֵ֥י שָׁא֖וּל וְאַחֲרֵ֣י בָנָ֑יו וַיַּכּ֣וּ פְלִשְׁתִּ֗ים אֶת־יוֹנָתָ֧ן וְאֶת־אֲבִינָדָ֛ב וְאֶת־מַלְכִּי־שׁ֖וּעַ בְּנֵ֥י שָׁאֽוּל׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.3 | 10 | 3 | 21858 | וַתִּכְבַּ֤ד הַמִּלְחָמָה֙ עַל־שָׁא֔וּל וַיִּמְצָאֻ֖הוּ הַמּוֹרִ֣ים בַּקָּ֑שֶׁת וַיָּ֖חֶל מִן־הַיּוֹרִֽים׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.4 | 10 | 4 | 21859 | וַיֹּ֣אמֶר שָׁאוּל֩ אֶל־נֹשֵׂ֨א כֵלָ֜יו שְׁלֹ֥ף חַרְבְּךָ֣ ׀ וְדָקְרֵ֣נִי בָ֗הּ פֶּן־יָבֹ֜אוּ הָעֲרֵלִ֤ים הָאֵ֙לֶּה֙ וְהִתְעַלְּלוּ־בִ֔י וְלֹ֤א אָבָה֙ נֹשֵׂ֣א כֵלָ֔יו כִּ֥י יָרֵ֖א מְאֹ֑ד וַיִּקַּ֤ח שָׁאוּל֙ אֶת־הַחֶ֔רֶב וַיִּפֹּ֖ל עָלֶֽיהָ׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.5 | 10 | 5 | 21860 | וַיַּ֥רְא נֹשֵֽׂא־כֵלָ֖יו כִּ֣י מֵ֣ת שָׁא֑וּל וַיִּפֹּ֥ל גַּם־ה֛וּא עַל־הַחֶ֖רֶב וַיָּמֹֽת׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.6 | 10 | 6 | 21861 | וַיָּ֤מָת שָׁאוּל֙ וּשְׁלֹ֣שֶׁת בָּנָ֔יו וְכָל־בֵּית֖וֹ יַחְדָּ֥ו מֵֽתוּ׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.7 | 10 | 7 | 21862 | וַ֠יִּרְאוּ כָּל־אִ֨ישׁ יִשְׂרָאֵ֤ל אֲשֶׁר־בָּעֵ֙מֶק֙ כִּ֣י נָ֔סוּ וְכִי־מֵ֖תוּ שָׁא֣וּל וּבָנָ֑יו וַיַּעַזְב֤וּ עָרֵיהֶם֙ וַיָּנֻ֔סוּ וַיָּבֹ֣אוּ פְלִשְׁתִּ֔ים וַיֵּשְׁב֖וּ בָּהֶֽם׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.8 | 10 | 8 | 21863 | וַיְהִי֙ מִֽמָּחֳרָ֔ת וַיָּבֹ֣אוּ פְלִשְׁתִּ֔ים לְפַשֵּׁ֖ט אֶת־הֽ͏ַחֲלָלִ֑ים וַֽיִּמְצְא֤וּ אֶת־שָׁאוּל֙ וְאֶת־בָּנָ֔יו נֹפְלִ֖ים בְּהַ֥ר גִּלְבֹּֽעַ׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.9 | 10 | 9 | 21864 | וַיַּ֨פְשִׁיטֻ֔הוּ וַיִּשְׂא֥וּ אֶת־רֹאשׁ֖וֹ וְאֶת־כֵּלָ֑יו וַיְשַׁלְּח֨וּ בְאֶֽרֶץ־פְלִשְׁתִּ֜ים סָבִ֗יב לְבַשֵּׂ֛ר אֶת־עֲצַבֵּיהֶ֖ם וְאֶת־הָעָֽם׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.10 | 10 | 10 | 21865 | וַיָּשִׂ֙ימוּ֙ אֶת־כֵּלָ֔יו בֵּ֖ית אֱלֹהֵיהֶ֑ם וְאֶת־גֻּלְגָּלְתּ֥וֹ תָקְע֖וּ בֵּ֥ית דָּגֽוֹן׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.11 | 10 | 11 | 21866 | וַֽיִּשְׁמְע֔וּ כֹּ֖ל יָבֵ֣ישׁ גִּלְעָ֑ד אֵ֛ת כָּל־אֲשֶׁר־עָשׂ֥וּ פְלִשְׁתִּ֖ים לְשָׁאֽוּל׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.12 | 10 | 12 | 21867 | וַיָּקוּמוּ֮ כָּל־אִ֣ישׁ חַיִל֒ וַיִּשְׂא֞וּ אֶת־גּוּפַ֣ת שָׁא֗וּל וְאֵת֙ גּוּפֹ֣ת בָּנָ֔יו וַיְבִיא֖וּם יָבֵ֑ישָׁה וַיִּקְבְּר֨וּ אֶת־עַצְמוֹתֵיהֶ֜ם תַּ֤חַת הָאֵלָה֙ בְּיָבֵ֔שׁ וַיָּצ֖וּמוּ שִׁבְעַ֥ת יָמִֽים׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.13 | 10 | 13 | 21868 | וַיָּ֣מָת שָׁא֗וּל בְּמַֽעֲלוֹ֙ אֲשֶׁ֣ר מָעַ֣ל בַּֽיהוָ֔ה עַל־דְּבַ֥ר יְהוָ֖ה אֲשֶׁ֣ר לֹא־שָׁמָ֑ר וְגַם־לִשְׁא֥וֹל בָּא֖וֹב לִדְרֽוֹשׁ׃ | |
| Hebrew Bible (Tanakh) | Ketuvim (Writings) | Ketuvim – 1 Chronicles | Ketuvim – 1 Chronicles 10 | Ch.10:V.14 | 10 | 14 | 21869 | וְלֹֽא־דָרַ֥שׁ בַּֽיהוָ֖ה וַיְמִיתֵ֑הוּ וַיַּסֵּב֙ אֶת־הַמְּלוּכָ֔ה לְדָוִ֖יד בֶּן־יִשָֽׁי׃ | |