| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.1 | 4 | 1 | 20084 | וְשַׁ֣בְתִּֽי אֲנִ֗י וָאֶרְאֶה֙ אֶת־כָּל־הָ֣עֲשֻׁקִ֔ים אֲשֶׁ֥ר נַעֲשִׂ֖ים תַּ֣חַת הַשָּׁ֑מֶשׁ וְהִנֵּ֣ה ׀ דִּמְעַ֣ת הָעֲשֻׁקִ֗ים וְאֵ֤ין לָהֶם֙ מְנַחֵ֔ם וּמִיַּ֤ד עֹֽשְׁקֵיהֶם֙ כֹּ֔חַ וְאֵ֥ין לָהֶ֖ם מְנַחֵֽם׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.2 | 4 | 2 | 20085 | וְשַׁבֵּ֧חַ אֲנִ֛י אֶת־הַמֵּתִ֖ים שֶׁכְּבָ֣ר מֵ֑תוּ מִן־הַ֣חַיִּ֔ים אֲשֶׁ֛ר הֵ֥מָּה חַיִּ֖ים עֲדֶֽנָה׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.3 | 4 | 3 | 20086 | וְטוֹב֙ מִשְּׁנֵיהֶ֔ם אֵ֥ת אֲשֶׁר־עֲדֶ֖ן לֹ֣א הָיָ֑ה אֲשֶׁ֤ר לֹֽא־רָאָה֙ אֶת־הַמַּעֲשֶׂ֣ה הָרָ֔ע אֲשֶׁ֥ר נַעֲשָׂ֖ה תַּ֥חַת הַשָּֽׁמֶשׁ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.4 | 4 | 4 | 20087 | וְרָאִ֨יתִֽי אֲנִ֜י אֶת־כָּל־עָמָ֗ל וְאֵת֙ כָּל־כִּשְׁר֣וֹן הַֽמַּעֲשֶׂ֔ה כִּ֛י הִ֥יא קִנְאַת־אִ֖ישׁ מֵרֵעֵ֑הוּ גַּם־זֶ֥ה הֶ֖בֶל וּרְע֥וּת רֽוּחַ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.5 | 4 | 5 | 20088 | הַכְּסִיל֙ חֹבֵ֣ק אֶת־יָדָ֔יו וְאֹכֵ֖ל אֶת־בְּשָׂרֽוֹ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.6 | 4 | 6 | 20089 | ט֕וֹב מְלֹ֥א כַ֖ף נָ֑חַת מִמְּלֹ֥א חָפְנַ֛יִם עָמָ֖ל וּרְע֥וּת רֽוּחַ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.7 | 4 | 7 | 20090 | וְשַׁ֧בְתִּי אֲנִ֛י וָאֶרְאֶ֥ה הֶ֖בֶל תַּ֥חַת הַשָּֽׁמֶשׁ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.8 | 4 | 8 | 20091 | יֵ֣שׁ אֶחָד֩ וְאֵ֨ין שֵׁנִ֜י גַּ֣ם בֵּ֧ן וָאָ֣ח אֵֽין־ל֗וֹ וְאֵ֥ין קֵץ֙ לְכָל־עֲמָל֔וֹ גַּם־עֵינ֖וֹ לֹא־תִשְׂבַּ֣ע עֹ֑שֶׁר וּלְמִ֣י ׀ אֲנִ֣י עָמֵ֗ל וּמְחַסֵּ֤ר אֶת־נַפְשִׁי֙ מִטּוֹבָ֔ה גַּם־זֶ֥ה הֶ֛בֶל וְעִנְיַ֥ן רָ֖ע הֽוּא׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.9 | 4 | 9 | 20092 | טוֹבִ֥ים הַשְּׁנַ֖יִם מִן־הָאֶחָ֑ד אֲשֶׁ֧ר יֵשׁ־לָהֶ֛ם שָׂכָ֥ר ט֖וֹב בַּעֲמָלָֽם׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.10 | 4 | 10 | 20093 | כִּ֣י אִם־יִפֹּ֔לוּ הָאֶחָ֖ד יָקִ֣ים אֶת־חֲבֵר֑וֹ וְאִ֣יל֗וֹ הָֽאֶחָד֙ שֶׁיִפּ֔וֹל וְאֵ֥ין שֵׁנִ֖י לַהֲקִימֽוֹ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.11 | 4 | 11 | 20094 | גַּ֛ם אִם־יִשְׁכְּב֥וּ שְׁנַ֖יִם וְחַ֣ם לָהֶ֑ם וּלְאֶחָ֖ד אֵ֥יךְ יֵחָֽם׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.12 | 4 | 12 | 20095 | וְאִֽם־יִתְקְפוֹ֙ הָאֶחָ֔ד הַשְּׁנַ֖יִם יַעַמְד֣וּ נֶגְדּ֑וֹ וְהַחוּט֙ הַֽמְשֻׁלָּ֔שׁ לֹ֥א בִמְהֵרָ֖ה יִנָּתֵֽק׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.13 | 4 | 13 | 20096 | ט֛וֹב יֶ֥לֶד מִסְכֵּ֖ן וְחָכָ֑ם מִמֶּ֤לֶךְ זָקֵן֙ וּכְסִ֔יל אֲשֶׁ֛ר לֹא־יָדַ֥ע לְהִזָּהֵ֖ר עֽוֹד׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.14 | 4 | 14 | 20097 | כִּֽי־מִבֵּ֥ית הָסוּרִ֖ים יָצָ֣א לִמְלֹ֑ךְ כִּ֛י גַּ֥ם בְּמַלְכוּת֖וֹ נוֹלַ֥ד רָֽשׁ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.15 | 4 | 15 | 20098 | רָאִ֙יתִי֙ אֶת־כָּל־הַ֣חַיִּ֔ים הַֽמְהַלְּכִ֖ים תַּ֣חַת הַשָּׁ֑מֶשׁ עִ֚ם הַיֶּ֣לֶד הַשֵּׁנִ֔י אֲשֶׁ֥ר יַעֲמֹ֖ד תַּחְתָּֽיו׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.16 | 4 | 16 | 20099 | אֵֽין־קֵ֣ץ לְכָל־הָעָ֗ם לְכֹ֤ל אֲשֶׁר־הָיָה֙ לִפְנֵיהֶ֔ם גַּ֥ם הָאַחֲרוֹנִ֖ים לֹ֣א יִשְׂמְחוּ־ב֑וֹ כִּֽי־גַם־זֶ֥ה הֶ֖בֶל וְרַעְי֥וֹן רֽוּחַ׃ | |
| Hebrew Bible (Tanakh) | Ketuvim (Writings) | Ketuvim – Ecclesiastes | Ketuvim – Ecclesiastes 4 | Ch.4:V.17 | 4 | 17 | 20100 | שְׁמֹ֣ר רַגְלְךָ֗ כַּאֲשֶׁ֤ר תֵּלֵךְ֙ אֶל־בֵּ֣ית הָאֱלֹהִ֔ים וְקָר֣וֹב לִשְׁמֹ֔עַ מִתֵּ֥ת הַכְּסִילִ֖ים זָ֑בַח כִּֽי־אֵינָ֥ם יוֹדְעִ֖ים לַעֲשׂ֥וֹת רָֽע׃ | |