| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.1 | 12 | 1 | 21371 | וְאֵ֙לֶּה֙ הַכֹּהֲנִ֣ים וְהַלְוִיִּ֔ם אֲשֶׁ֥ר עָל֛וּ עִם־זְרֻבָּבֶ֥ל בֶּן־שְׁאַלְתִּיאֵ֖ל וְיֵשׁ֑וּעַ שְׂרָיָ֥ה יִרְמְיָ֖ה עֶזְרָֽא׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.2 | 12 | 2 | 21372 | אֲמַרְיָ֥ה מַלּ֖וּךְ חַטּֽוּשׁ׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.3 | 12 | 3 | 21373 | שְׁכַנְיָ֥ה רְחֻ֖ם מְרֵמֹֽת׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.4 | 12 | 4 | 21374 | עִדּ֥וֹא גִנְּת֖וֹי אֲבִיָּֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.5 | 12 | 5 | 21375 | מִיָּמִ֥ין מַֽעַדְיָ֖ה בִּלְגָּֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.6 | 12 | 6 | 21376 | שְׁמַֽעְיָ֥ה וְיוֹיָרִ֖יב יְדַֽעְיָֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.7 | 12 | 7 | 21377 | סַלּ֣וּ עָמ֔וֹק חִלְקִיָּ֖ה יְדַֽעְיָ֑ה אֵ֣לֶּה רָאשֵׁ֧י הַכֹּהֲנִ֛ים וַאֲחֵיהֶ֖ם בִּימֵ֥י יֵשֽׁוּעַ׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.8 | 12 | 8 | 21378 | וְהַלְוִיִּ֗ם יֵשׁ֧וּעַ בִּנּ֛וּי קַדְמִיאֵ֥ל שֵׁרֵבְיָ֖ה יְהוּדָ֣ה מַתַּנְיָ֑ה עַֽל־הֻיְּד֖וֹת ה֥וּא וְאֶחָֽיו׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.9 | 12 | 9 | 21379 | וּבַקְבֻּֽקְיָ֨ה וְעֻנִּ֧י אֲחֵיהֶ֛ם לְנֶגְדָּ֖ם לְמִשְׁמָרֽוֹת׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.10 | 12 | 10 | 21380 | וְיֵשׁ֖וּעַ הוֹלִ֣יד אֶת־יֽוֹיָקִ֑ים וְיֽוֹיָקִים֙ הוֹלִ֣יד אֶת־אֶלְיָשִׁ֔יב וְאֶלְיָשִׁ֖יב אֶת־יוֹיָדָֽע׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.11 | 12 | 11 | 21381 | וְיוֹיָדָע֙ הוֹלִ֣יד אֶת־יוֹנָתָ֔ן וְיוֹנָתָ֖ן הוֹלִ֥יד אֶת־יַדּֽוּעַ׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.12 | 12 | 12 | 21382 | וּבִימֵי֙ יֽוֹיָקִ֔ים הָי֥וּ כֹהֲנִ֖ים רָאשֵׁ֣י הָאָב֑וֹת לִשְׂרָיָ֣ה מְרָיָ֔ה לְיִרְמְיָ֖ה חֲנַנְיָֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.13 | 12 | 13 | 21383 | לְעֶזְרָ֣א מְשֻׁלָּ֔ם לַאֲמַרְיָ֖ה יְהוֹחָנָֽן׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.14 | 12 | 14 | 21384 | לִמְלִ֙יכוּ֙ יֽוֹנָתָ֔ן לִשְׁבַנְיָ֖ה יוֹסֵֽף׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.15 | 12 | 15 | 21385 | לְחָרִ֣ם עַדְנָ֔א לִמְרָי֖וֹת חֶלְקָֽי׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.16 | 12 | 16 | 21386 | לְעִדּ֥וֹא זְכַרְיָ֖ה לְגִנְּת֥וֹן מְשֻׁלָּֽם׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.17 | 12 | 17 | 21387 | לַאֲבִיָּ֖ה זִכְרִ֑י לְמִ֨נְיָמִ֔ין לְמוֹעַדְיָ֖ה פִּלְטָֽי׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.18 | 12 | 18 | 21388 | לְבִלְגָּ֣ה שַׁמּ֔וּעַ לִֽשְׁמַעְיָ֖ה יְהוֹנָתָֽן׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.19 | 12 | 19 | 21389 | וּלְיוֹיָרִ֣יב מַתְּנַ֔י לִֽידַֽעְיָ֖ה עֻזִּֽי׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.20 | 12 | 20 | 21390 | לְסַלַּ֥י קַלָּ֖י לְעָמ֥וֹק עֵֽבֶר׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.21 | 12 | 21 | 21391 | לְחִלְקִיָּ֣ה חֲשַׁבְיָ֔ה לִֽידַֽעְיָ֖ה נְתַנְאֵֽל׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.22 | 12 | 22 | 21392 | הַלְוִיִּם֩ בִּימֵ֨י אֶלְיָשִׁ֜יב יוֹיָדָ֤ע וְיוֹחָנָן֙ וְיַדּ֔וּעַ כְּתוּבִ֖ים רָאשֵׁ֣י אָב֑וֹת וְהַכֹּ֣הֲנִ֔ים עַל־מַלְכ֖וּת דָּרְיָ֥וֶשׁ הַפָּֽרְסִֽי׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.23 | 12 | 23 | 21393 | בְּנֵ֤י לֵוִי֙ רָאשֵׁ֣י הָֽאָב֔וֹת כְּתוּבִ֕ים עַל־סֵ֖פֶר דִּבְרֵ֣י הַיָּמִ֑ים וְעַד־יְמֵ֖י יֽוֹחָנָ֥ן בֶּן־אֶלְיָשִֽׁיב׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.24 | 12 | 24 | 21394 | וְרָאשֵׁ֣י הַ֠לְוִיִּם חֲשַׁבְיָ֨ה שֵֽׁרֵבְיָ֜ה וְיֵשׁ֤וּעַ בֶּן־קַדְמִיאֵל֙ וַאֲחֵיהֶ֣ם לְנֶגְדָּ֔ם לְהַלֵּ֣ל לְהוֹד֔וֹת בְּמִצְוַ֖ת דָּוִ֣יד אִישׁ־הָאֱלֹהִ֑ים מִשְׁמָ֖ר לְעֻמַּ֥ת מִשְׁמָֽר׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.25 | 12 | 25 | 21395 | מַתַּנְיָ֧ה וּבַקְבֻּֽקְיָ֛ה עֹבַדְיָ֥ה מְשֻׁלָּ֖ם טַלְמ֣וֹן עַקּ֑וּב שֹׁמְרִ֤ים שֽׁוֹעֲרִים֙ מִשְׁמָ֔ר בַּאֲסֻפֵּ֖י הַשְּׁעָרִֽים׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.26 | 12 | 26 | 21396 | אֵ֕לֶּה בִּימֵ֛י יוֹיָקִ֥ים בֶּן־יֵשׁ֖וּעַ בֶּן־יוֹצָדָ֑ק וּבִימֵי֙ נְחֶמְיָ֣ה הַפֶּחָ֔ה וְעֶזְרָ֥א הַכֹּהֵ֖ן הַסּוֹפֵֽר׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.27 | 12 | 27 | 21397 | וּבַחֲנֻכַּ֞ת חוֹמַ֣ת יְרוּשָׁלִַ֗ם בִּקְשׁ֤וּ אֶת־הַלְוִיִּם֙ מִכָּל־מְק֣וֹמֹתָ֔ם לַהֲבִיאָ֖ם לִֽירוּשָׁלָ֑͏ִם לַעֲשֹׂ֨ת חֲנֻכָּ֤ה וְשִׂמְחָה֙ וּבְתוֹד֣וֹת וּבְשִׁ֔יר מְצִלְתַּ֖יִם נְבָלִ֥ים וּבְכִנֹּרֽוֹת׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.28 | 12 | 28 | 21398 | וַיֵּאָ֣סְפ֔וּ בְּנֵ֖י הַמְשֹׁרְרִ֑ים וּמִן־הַכִּכָּר֙ סְבִיב֣וֹת יְרוּשָׁלִַ֔ם וּמִן־חַצְרֵ֖י נְטֹפָתִֽי׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.29 | 12 | 29 | 21399 | וּמִבֵּית֙ הַגִּלְגָּ֔ל וּמִשְּׂד֥וֹת גֶּ֖בַע וְעַזְמָ֑וֶת כִּ֣י חֲצֵרִ֗ים בָּנ֤וּ לָהֶם֙ הַמְשֹׁ֣רֲרִ֔ים סְבִיב֖וֹת יְרוּשָׁלָֽ͏ִם׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.30 | 12 | 30 | 21400 | וַיִּֽטַּהֲר֔וּ הַכֹּהֲנִ֖ים וְהַלְוִיִּ֑ם וַֽיְטַהֲרוּ֙ אֶת־הָעָ֔ם וְאֶת־הַשְּׁעָרִ֖ים וְאֶֽת־הַחוֹמָֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.31 | 12 | 31 | 21401 | וָאַעֲלֶה֙ אֶת־שָׂרֵ֣י יְהוּדָ֔ה מֵעַ֖ל לַחוֹמָ֑ה וָאַעֲמִ֡ידָה שְׁתֵּ֣י תוֹדֹת֩ גְּדוֹלֹ֨ת וְתַהֲלֻכֹ֤ת לַיָּמִין֙ מֵעַ֣ל לַחוֹמָ֔ה לְשַׁ֖עַר הָאַשְׁפֹּֽת׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.32 | 12 | 32 | 21402 | וַיֵּ֤לֶךְ אַחֲרֵיהֶם֙ הוֹשַׁ֣עְיָ֔ה וַחֲצִ֖י שָׂרֵ֥י יְהוּדָֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.33 | 12 | 33 | 21403 | וַעֲזַרְיָ֥ה עֶזְרָ֖א וּמְשֻׁלָּֽם׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.34 | 12 | 34 | 21404 | יְהוּדָה֙ וּבִנְיָמִ֔ן וּֽשְׁמַֽעְיָ֖ה וְיִרְמְיָֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.35 | 12 | 35 | 21405 | וּמִבְּנֵ֥י הַכֹּהֲנִ֖ים בַּחֲצֹצְר֑וֹת זְכַרְיָ֨ה בֶן־יֽוֹנָתָ֜ן בֶּן־שְׁמַֽעְיָ֗ה בֶּן־מַתַּנְיָה֙ בֶּן־מִ֣יכָיָ֔ה בֶּן־זַכּ֖וּר בֶּן־אָסָֽף׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.36 | 12 | 36 | 21406 | וְֽאֶחָ֡יו שְֽׁמַעְיָ֡ה וַעֲזַרְאֵ֡ל מִֽלֲלַ֡י גִּֽלֲלַ֡י מָעַ֞י נְתַנְאֵ֤ל וִֽיהוּדָה֙ חֲנָ֔נִי בִּכְלֵי־שִׁ֥יר דָּוִ֖יד אִ֣ישׁ הָאֱלֹהִ֑ים וְעֶזְרָ֥א הַסּוֹפֵ֖ר לִפְנֵיהֶֽם׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.37 | 12 | 37 | 21407 | וְעַל֩ שַׁ֨עַר הָעַ֜יִן וְנֶגְדָּ֗ם עָלוּ֙ עַֽל־מַעֲלוֹת֙ עִ֣יר דָּוִ֔יד בַּֽמַּעֲלֶ֖ה לַחוֹמָ֑ה מֵעַל֙ לְבֵ֣ית דָּוִ֔יד וְעַ֛ד שַׁ֥עַר הַמַּ֖יִם מִזְרָֽח׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.38 | 12 | 38 | 21408 | וְהַתּוֹדָ֧ה הַשֵּׁנִ֛ית הַהוֹלֶ֥כֶת לְמ֖וֹאל וַאֲנִ֣י אַחֲרֶ֑יהָ וַחֲצִ֨י הָעָ֜ם מֵעַ֣ל לְהַחוֹמָ֗ה מֵעַל֙ לְמִגְדַּ֣ל הַתַּנּוּרִ֔ים וְעַ֖ד הַחוֹמָ֥ה הָרְחָבָֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.39 | 12 | 39 | 21409 | וּמֵעַ֣ל לְשַֽׁעַר־אֶ֠פְרַיִם וְעַל־שַׁ֨עַר הַיְשָׁנָ֜ה וְעַל־שַׁ֣עַר הַדָּגִ֗ים וּמִגְדַּ֤ל חֲנַנְאֵל֙ וּמִגְדַּ֣ל הַמֵּאָ֔ה וְעַ֖ד שַׁ֣עַר הַצֹּ֑אן וְעָ֣מְד֔וּ בְּשַׁ֖עַר הַמַּטָּרָֽה׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.40 | 12 | 40 | 21410 | וַֽתַּעֲמֹ֛דְנָה שְׁתֵּ֥י הַתּוֹדֹ֖ת בְּבֵ֣ית הָאֱלֹהִ֑ים וַאֲנִ֕י וַחֲצִ֥י הַסְּגָנִ֖ים עִמִּֽי׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.41 | 12 | 41 | 21411 | וְהַכֹּהֲנִ֡ים אֶלְיָקִ֡ים מַעֲשֵׂיָ֡ה מִ֠נְיָמִין מִיכָיָ֧ה אֶלְיוֹעֵינַ֛י זְכַרְיָ֥ה חֲנַנְיָ֖ה בַּחֲצֹצְרֽוֹת׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.42 | 12 | 42 | 21412 | וּמַעֲשֵׂיָ֨ה וּֽשְׁמַֽעְיָ֜ה וְאֶלְעָזָ֧ר וְעֻזִּ֛י וִֽיהוֹחָנָ֥ן וּמַלְכִּיָּ֖ה וְעֵילָ֣ם וָעָ֑זֶר וַיַּשְׁמִ֙יעוּ֙ הַמְשֹׁ֣רְרִ֔ים וְיִֽזְרַחְיָ֖ה הַפָּקִֽיד׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.43 | 12 | 43 | 21413 | וַיִּזְבְּח֣וּ בַיּוֹם־הַ֠הוּא זְבָחִ֨ים גְּדוֹלִ֜ים וַיִּשְׂמָ֗חוּ כִּ֤י הָאֱלֹהִים֙ שִׂמְּחָם֙ שִׂמְחָ֣ה גְדוֹלָ֔ה וְגַ֧ם הַנָּשִׁ֛ים וְהַיְלָדִ֖ים שָׂמֵ֑חוּ וַתִּשָּׁמַ֛ע שִׂמְחַ֥ת יְרוּשָׁלַ֖͏ִם מֵרָחֽוֹק׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.44 | 12 | 44 | 21414 | וַיִּפָּקְד֣וּ בַיּוֹם֩ הַה֨וּא אֲנָשִׁ֜ים עַל־הַנְּשָׁכ֗וֹת לָא֨וֹצָר֥וֹת לַתְּרוּמוֹת֮ לָרֵאשִׁ֣ית וְלַמַּֽעַשְׂרוֹת֒ לִכְנ֨וֹס בָּהֶ֜ם לִשְׂדֵ֤י הֶעָרִים֙ מְנָא֣וֹת הַתּוֹרָ֔ה לַכֹּהֲנִ֖ים וְלַלְוִיִּ֑ם כִּ֚י שִׂמְחַ֣ת יְהוּדָ֔ה עַל־הַכֹּהֲנִ֥ים וְעַל־הַלְוִיִּ֖ם הָעֹמְדִֽים׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.45 | 12 | 45 | 21415 | וַֽיִּשְׁמְר֞וּ מִשְׁמֶ֤רֶת אֱלֹֽהֵיהֶם֙ וּמִשְׁמֶ֣רֶת הַֽטָּהֳרָ֔ה וְהַמְשֹׁרְרִ֖ים וְהַשֹּׁעֲרִ֑ים כְּמִצְוַ֥ת דָּוִ֖יד שְׁלֹמֹ֥ה בְנֽוֹ׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.46 | 12 | 46 | 21416 | כִּֽי־בִימֵ֥י דָוִ֛יד וְאָסָ֖ף מִקֶּ֑דֶם רָאשֵׁי֙ הַמְשֹׁ֣רְרִ֔ים וְשִׁיר־תְּהִלָּ֥ה וְהֹד֖וֹת לֵֽאלֹהִֽים׃ | |
| Hebrew Bible (Tanakh) | Ketuvim (Writings) | Ketuvim – Nehemiah | Ketuvim – Nehemiah 12 | Ch.12:V.47 | 12 | 47 | 21417 | וְכָל־יִשְׂרָאֵל֩ בִּימֵ֨י זְרֻבָּבֶ֜ל וּבִימֵ֣י נְחֶמְיָ֗ה נֹֽתְנִ֛ים מְנָי֛וֹת הַמְשֹׁרְרִ֥ים וְהַשֹּׁעֲרִ֖ים דְּבַר־י֣וֹם בְּיוֹמ֑וֹ וּמַקְדִּשִׁים֙ לַלְוִיִּ֔ם וְהַלְוִיִּ֔ם מַקְדִּשִׁ֖ים לִבְנֵ֥י אַהֲרֹֽן׃ | |