Nevi’im – 1 Samuel 14

Hebrew Bible (Tanakh)
	Nevi’im (Prophets)
		Nevi’im – 1 Samuel
Nevi’im – 1 Samuel 1	Nevi’im – 1 Samuel 7	Nevi’im – 1 Samuel 12	Nevi’im – 1 Samuel 17	Nevi’im – 1 Samuel 22	Nevi’im – 1 Samuel 27
Nevi’im – 1 Samuel 2	Nevi’im – 1 Samuel 8	Nevi’im – 1 Samuel 13	Nevi’im – 1 Samuel 18	Nevi’im – 1 Samuel 23	Nevi’im – 1 Samuel 28
Nevi’im – 1 Samuel 3	Nevi’im – 1 Samuel 9	Nevi’im – 1 Samuel 14	Nevi’im – 1 Samuel 19	Nevi’im – 1 Samuel 24	Nevi’im – 1 Samuel 29
Nevi’im – 1 Samuel 4	Nevi’im – 1 Samuel 10	Nevi’im – 1 Samuel 15	Nevi’im – 1 Samuel 20	Nevi’im – 1 Samuel 25	Nevi’im – 1 Samuel 30
Nevi’im – 1 Samuel 5	Nevi’im – 1 Samuel 11	Nevi’im – 1 Samuel 16	Nevi’im – 1 Samuel 21	Nevi’im – 1 Samuel 26	Nevi’im – 1 Samuel 31
Nevi’im – 1 Samuel 6

Scripture	Section	Book	Chapter Link	Chapter and Verse	ch	v	Rank	Hebrew	English Translation
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.1	14	1	7426	וַיְהִ֣י הַיּ֗וֹם וַיֹּ֨אמֶר יוֹנָתָ֤ן בֶּן־שָׁאוּל֙ אֶל־הַנַּ֙עַר֙ נֹשֵׂ֣א כֵלָ֔יו לְכָ֗ה וְנַעְבְּרָה֙ אֶל־מַצַּ֣ב פְּלִשְׁתִּ֔ים אֲשֶׁ֖ר מֵעֵ֣בֶר הַלָּ֑ז וּלְאָבִ֖יו לֹ֥א הִגִּֽיד׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.2	14	2	7427	וְשָׁא֗וּל יוֹשֵׁב֙ בִּקְצֵ֣ה הַגִּבְעָ֔ה תַּ֥חַת הָרִמּ֖וֹן אֲשֶׁ֣ר בְּמִגְר֑וֹן וְהָעָם֙ אֲשֶׁ֣ר עִמּ֔וֹ כְּשֵׁ֥שׁ מֵא֖וֹת אִֽישׁ׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.3	14	3	7428	וַאֲחִיָּ֣ה בֶן־אֲחִט֡וּב אֲחִ֡י אִיכָב֣וֹד ׀ בֶּן־פִּינְחָ֨ס בֶּן־עֵלִ֜י כֹּהֵ֧ן ׀ יְהוָ֛ה בְּשִׁל֖וֹ נֹשֵׂ֣א אֵפ֑וֹד וְהָעָם֙ לֹ֣א יָדַ֔ע כִּ֥י הָלַ֖ךְ יוֹנָתָֽן׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.4	14	4	7429	וּבֵ֣ין הַֽמַּעְבְּר֗וֹת אֲשֶׁ֨ר בִּקֵּ֤שׁ יֽוֹנָתָן֙ לַֽעֲבֹר֙ עַל־מַצַּ֣ב פְּלִשְׁתִּ֔ים שֵׁן־הַסֶּ֤לַע מֵהָעֵ֙בֶר֙ מִזֶּ֔ה וְשֵׁן־הַסֶּ֥לַע מֵהָעֵ֖בֶר מִזֶּ֑ה וְשֵׁ֤ם הָֽאֶחָד֙ בּוֹצֵ֔ץ וְשֵׁ֥ם הָאֶחָ֖ד סֶֽנֶּה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.5	14	5	7430	הַשֵּׁ֧ן הָאֶחָ֛ד מָצ֥וּק מִצָּפ֖וֹן מ֣וּל מִכְמָ֑שׂ וְהָאֶחָ֥ד מִנֶּ֖גֶב מ֥וּל גָּֽבַע׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.6	14	6	7431	וַיֹּ֨אמֶר יְהוֹנָתָ֜ן אֶל־הַנַּ֣עַר ׀ נֹשֵׂ֣א כֵלָ֗יו לְכָה֙ וְנַעְבְּרָ֗ה אֶל־מַצַּב֙ הָעֲרֵלִ֣ים הָאֵ֔לֶּה אוּלַ֛י יַעֲשֶׂ֥ה יְהוָ֖ה לָ֑נוּ כִּ֣י אֵ֤ין לַֽיהוָה֙ מַעְצ֔וֹר לְהוֹשִׁ֥יעַ בְּרַ֖ב א֥וֹ בִמְעָֽט׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.7	14	7	7432	וַיֹּ֤אמֶר לוֹ֙ נֹשֵׂ֣א כֵלָ֔יו עֲשֵׂ֖ה כָּל־אֲשֶׁ֣ר בִּלְבָבֶ֑ךָ נְטֵ֣ה לָ֔ךְ הִנְנִ֥י עִמְּךָ֖ כִּלְבָבֶֽךָ׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.8	14	8	7433	וַיֹּ֙אמֶר֙ יְה֣וֹנָתָ֔ן הִנֵּ֛ה אֲנַ֥חְנוּ עֹבְרִ֖ים אֶל־הָאֲנָשִׁ֑ים וְנִגְלִ֖ינוּ אֲלֵיהֶֽם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.9	14	9	7434	אִם־כֹּ֤ה יֹֽאמְרוּ֙ אֵלֵ֔ינוּ דֹּ֕מּוּ עַד־הַגִּיעֵ֖נוּ אֲלֵיכֶ֑ם וְעָמַ֣דְנוּ תַחְתֵּ֔ינוּ וְלֹ֥א נַעֲלֶ֖ה אֲלֵיהֶֽם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.10	14	10	7435	וְאִם־כֹּ֨ה יֹאמְר֜וּ עֲל֤וּ עָלֵ֙ינוּ֙ וְעָלִ֔ינוּ כִּֽי־נְתָנָ֥ם יְהוָ֖ה בְּיָדֵ֑נוּ וְזֶה־לָּ֖נוּ הָאֽוֹת׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.11	14	11	7436	וַיִּגָּל֣וּ שְׁנֵיהֶ֔ם אֶל־מַצַּ֖ב פְּלִשְׁתִּ֑ים וַיֹּאמְר֣וּ פְלִשְׁתִּ֔ים הִנֵּ֤ה עִבְרִים֙ יֹֽצְאִ֔ים מִן־הַחֹרִ֖ים אֲשֶׁ֥ר הִתְחַבְּאוּ־שָֽׁם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.12	14	12	7437	וַיַּעֲנוּ֩ אַנְשֵׁ֨י הַמַּצָּבָ֜ה אֶת־יוֹנָתָ֣ן ׀ וְאֶת־נֹשֵׂ֣א כֵלָ֗יו וַיֹּֽאמְרוּ֙ עֲל֣וּ אֵלֵ֔ינוּ וְנוֹדִ֥יעָה אֶתְכֶ֖ם דָּבָ֑ר וַיֹּ֨אמֶר יוֹנָתָ֜ן אֶל־נֹשֵׂ֤א כֵלָיו֙ עֲלֵ֣ה אַחֲרַ֔י כִּֽי־נְתָנָ֥ם יְהוָ֖ה בְּיַ֥ד יִשְׂרָאֵֽל׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.13	14	13	7438	וַיַּ֣עַל יוֹנָתָ֗ן עַל־יָדָיו֙ וְעַל־רַגְלָ֔יו וְנֹשֵׂ֥א כֵלָ֖יו אַחֲרָ֑יו וַֽיִּפְּלוּ֙ לִפְנֵ֣י יוֹנָתָ֔ן וְנֹשֵׂ֥א כֵלָ֖יו מְמוֹתֵ֥ת אַחֲרָֽיו׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.14	14	14	7439	וַתְּהִ֞י הַמַּכָּ֣ה הָרִאשֹׁנָ֗ה אֲשֶׁ֨ר הִכָּ֧ה יוֹנָתָ֛ן וְנֹשֵׂ֥א כֵלָ֖יו כְּעֶשְׂרִ֣ים אִ֑ישׁ כְּבַחֲצִ֥י מַעֲנָ֖ה צֶ֥מֶד שָׂדֶֽה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.15	14	15	7440	וַתְּהִי֩ חֲרָדָ֨ה בַמַּחֲנֶ֤ה בַשָּׂדֶה֙ וּבְכָל־הָעָ֔ם הַמַּצָּב֙ וְהַמַּשְׁחִ֔ית חָרְד֖וּ גַּם־הֵ֑מָּה וַתִּרְגַּ֣ז הָאָ֔רֶץ וַתְּהִ֖י לְחֶרְדַּ֥ת אֱלֹהִֽים׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.16	14	16	7441	וַיִּרְא֤וּ הַצֹּפִים֙ לְשָׁא֔וּל בְּגִבְעַ֖ת בִּנְיָמִ֑ן וְהִנֵּ֧ה הֶהָמ֛וֹן נָמ֖וֹג וַיֵּ֥לֶךְ וַהֲלֹֽם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.17	14	17	7442	וַיֹּ֣אמֶר שָׁא֗וּל לָעָם֙ אֲשֶׁ֣ר אִתּ֔וֹ פִּקְדוּ־נָ֣א וּרְא֔וּ מִ֖י הָלַ֣ךְ מֵעִמָּ֑נוּ וַֽיִּפְקְד֔וּ וְהִנֵּ֛ה אֵ֥ין יוֹנָתָ֖ן וְנֹשֵׂ֥א כֵלָֽיו׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.18	14	18	7443	וַיֹּ֤אמֶר שָׁאוּל֙ לַֽאֲחִיָּ֔ה הַגִּ֖ישָׁה אֲר֣וֹן הָאֱלֹהִ֑ים כִּֽי־הָיָ֞ה אֲר֧וֹן הָאֱלֹהִ֛ים בַּיּ֥וֹם הַה֖וּא וּבְנֵ֥י יִשְׂרָאֵֽל׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.19	14	19	7444	וַיְהִ֗י עַ֣ד דִּבֶּ֤ר שָׁאוּל֙ אֶל־הַכֹּהֵ֔ן וְהֶהָמ֗וֹן אֲשֶׁר֙ בְּמַחֲנֵ֣ה פְלִשְׁתִּ֔ים וַיֵּ֥לֶךְ הָל֖וֹךְ וָרָ֑ב וַיֹּ֧אמֶר שָׁא֛וּל אֶל־הַכֹּהֵ֖ן אֱסֹ֥ף יָדֶֽךָ׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.20	14	20	7445	וַיִּזָּעֵ֣ק שָׁא֗וּל וְכָל־הָעָם֙ אֲשֶׁ֣ר אִתּ֔וֹ וַיָּבֹ֖אוּ עַד־הַמִּלְחָמָ֑ה וְהִנֵּ֨ה הָיְתָ֜ה חֶ֤רֶב אִישׁ֙ בְּרֵעֵ֔הוּ מְהוּמָ֖ה גְּדוֹלָ֥ה מְאֹֽד׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.21	14	21	7446	וְהָעִבְרִ֗ים הָי֤וּ לַפְּלִשְׁתִּים֙ כְּאֶתְמ֣וֹל שִׁלְשׁ֔וֹם אֲשֶׁ֨ר עָל֥וּ עִמָּ֛ם בַּֽמַּחֲנֶ֖ה סָבִ֑יב וְגַם־הֵ֗מָּה לִֽהְיוֹת֙ עִם־יִשְׂרָאֵ֔ל אֲשֶׁ֥ר עִם־שָׁא֖וּל וְיוֹנָתָֽן׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.22	14	22	7447	וְכֹל֩ אִ֨ישׁ יִשְׂרָאֵ֜ל הַמִּֽתְחַבְּאִ֤ים בְּהַר־אֶפְרַ֙יִם֙ שָֽׁמְע֔וּ כִּֽי־נָ֖סוּ פְּלִשְׁתִּ֑ים וַֽיַּדְבְּק֥וּ גַם־הֵ֛מָּה אַחֲרֵיהֶ֖ם בַּמִּלְחָמָֽה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.23	14	23	7448	וַיּ֧וֹשַׁע יְהוָ֛ה בַּיּ֥וֹם הַה֖וּא אֶת־יִשְׂרָאֵ֑ל וְהַ֨מִּלְחָמָ֔ה עָבְרָ֖ה אֶת־בֵּ֥ית אָֽוֶן׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.24	14	24	7449	וְאִֽישׁ־יִשְׂרָאֵ֥ל נִגַּ֖שׂ בַּיּ֣וֹם הַה֑וּא וַיֹּאֶל֩ שָׁא֨וּל אֶת־הָעָ֜ם לֵאמֹ֗ר אָר֣וּר הָ֠אִישׁ אֲשֶׁר־יֹ֨אכַל לֶ֜חֶם עַד־הָעֶ֗רֶב וְנִקַּמְתִּי֙ מֵאֹ֣יְבַ֔י וְלֹֽא טָעַ֥ם כָּל־הָעָ֖ם לָֽחֶם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.25	14	25	7450	וְכָל־הָאָ֖רֶץ בָּ֣אוּ בַיָּ֑עַר וַיְהִ֥י דְבַ֖שׁ עַל־פְּנֵ֥י הַשָּׂדֶֽה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.26	14	26	7451	וַיָּבֹ֤א הָעָם֙ אֶל־הַיַּ֔עַר וְהִנֵּ֖ה הֵ֣לֶךְ דְּבָ֑שׁ וְאֵין־מַשִּׂ֤יג יָדוֹ֙ אֶל־פִּ֔יו כִּֽי־יָרֵ֥א הָעָ֖ם אֶת־הַשְּׁבֻעָֽה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.27	14	27	7452	וְיוֹנָתָ֣ן לֹֽא־שָׁמַ֗ע בְּהַשְׁבִּ֣יעַ אָבִיו֮ אֶת־הָעָם֒ וַיִּשְׁלַ֗ח אֶת־קְצֵ֤ה הַמַּטֶּה֙ אֲשֶׁ֣ר בְּיָד֔וֹ וַיִּטְבֹּ֥ל אוֹתָ֖הּ בְּיַעְרַ֣ת הַדְּבָ֑שׁ וַיָּ֤שֶׁב יָדוֹ֙ אֶל־פִּ֔יו וַתָּאֹ֖רְנָה עֵינָֽיו׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.28	14	28	7453	וַיַּעַן֩ אִ֨ישׁ מֵֽהָעָ֜ם וַיֹּ֗אמֶר הַשְׁבֵּעַ֩ הִשְׁבִּ֨יעַ אָבִ֤יךָ אֶת־הָעָם֙ לֵאמֹ֔ר אָר֥וּר הָאִ֛ישׁ אֲשֶׁר־יֹ֥אכַל לֶ֖חֶם הַיּ֑וֹם וַיָּ֖עַף הָעָֽם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.29	14	29	7454	וַיֹּ֙אמֶר֙ יֽוֹנָתָ֔ן עָכַ֥ר אָבִ֖י אֶת־הָאָ֑רֶץ רְאוּ־נָא֙ כִּֽי־אֹ֣רוּ עֵינַ֔י כִּ֣י טָעַ֔מְתִּי מְעַ֖ט דְּבַ֥שׁ הַזֶּֽה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.30	14	30	7455	אַ֗ף כִּ֡י לוּא֩ אָכֹ֨ל אָכַ֤ל הַיּוֹם֙ הָעָ֔ם מִשְּׁלַ֥ל אֹיְבָ֖יו אֲשֶׁ֣ר מָצָ֑א כִּ֥י עַתָּ֛ה לֹֽא־רָבְתָ֥ה מַכָּ֖ה בַּפְּלִשְׁתִּֽים׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.31	14	31	7456	וַיַּכּ֞וּ בַּיּ֤וֹם הַהוּא֙ בַּפְּלִשְׁתִּ֔ים מִמִּכְמָ֖שׂ אַיָּלֹ֑נָה וַיָּ֥עַף הָעָ֖ם מְאֹֽד׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.32	14	32	7457	וַיַּ֤עַט הָעָם֙ אֶל־הַשָּׁלָ֔ל וַיִּקְח֨וּ צֹ֧אן וּבָקָ֛ר וּבְנֵ֥י בָקָ֖ר וַיִּשְׁחֲטוּ־אָ֑רְצָה וַיֹּ֥אכַל הָעָ֖ם עַל־הַדָּֽם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.33	14	33	7458	וַיַּגִּ֤ידוּ לְשָׁאוּל֙ לֵאמֹ֔ר הִנֵּ֥ה הָעָ֛ם חֹטִ֥אים לַֽיהוָ֖ה לֶאֱכֹ֣ל עַל־הַדָּ֑ם וַיֹּ֣אמֶר בְּגַדְתֶּ֔ם גֹּֽלּוּ־אֵלַ֥י הַיּ֖וֹם אֶ֥בֶן גְּדוֹלָֽה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.34	14	34	7459	וַיֹּ֣אמֶר שָׁא֣וּל פֻּ֣צוּ בָעָ֡ם וַאֲמַרְתֶּ֣ם לָהֶ֡ם הַגִּ֣ישׁוּ אֵלַי֩ אִ֨ישׁ שׁוֹר֜וֹ וְאִ֣ישׁ שְׂיֵ֗הוּ וּשְׁחַטְתֶּ֤ם בָּזֶה֙ וַאֲכַלְתֶּ֔ם וְלֹֽא־תֶחֶטְא֥וּ לַֽיהוָ֖ה לֶאֱכֹ֣ל אֶל־הַדָּ֑ם וַיַּגִּ֨שׁוּ כָל־הָעָ֜ם אִ֣ישׁ שׁוֹר֧וֹ בְיָד֛וֹ הַלַּ֖יְלָה וַיִּשְׁחֲטוּ־שָֽׁם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.35	14	35	7460	וַיִּ֧בֶן שָׁא֛וּל מִזְבֵּ֖חַ לַֽיהוָ֑ה אֹת֣וֹ הֵחֵ֔ל לִבְנ֥וֹת מִזְבֵּ֖חַ לַֽיהוָֽה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.36	14	36	7461	וַיֹּ֣אמֶר שָׁא֡וּל נֵרְדָ֣ה אַחֲרֵי֩ פְלִשְׁתִּ֨ים ׀ לַ֜יְלָה וְֽנָבֹ֥זָה בָהֶ֣ם ׀ עַד־א֣וֹר הַבֹּ֗קֶר וְלֹֽא־נַשְׁאֵ֤ר בָּהֶם֙ אִ֔ישׁ וַיֹּ֣אמְר֔וּ כָּל־הַטּ֥וֹב בְּעֵינֶ֖יךָ עֲשֵׂ֑ה וַיֹּ֙אמֶר֙ הַכֹּהֵ֔ן נִקְרְבָ֥ה הֲלֹ֖ם אֶל־הָאֱלֹהִֽים׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.37	14	37	7462	וַיִּשְׁאַ֤ל שָׁאוּל֙ בֵּֽאלֹהִ֔ים הַֽאֵרֵד֙ אַחֲרֵ֣י פְלִשְׁתִּ֔ים הֲתִתְּנֵ֖ם בְּיַ֣ד יִשְׂרָאֵ֑ל וְלֹ֥א עָנָ֖הוּ בַּיּ֥וֹם הַהֽוּא׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.38	14	38	7463	וַיֹּ֣אמֶר שָׁא֔וּל גֹּ֣שֽׁוּ הֲלֹ֔ם כֹּ֖ל פִּנּ֣וֹת הָעָ֑ם וּדְע֣וּ וּרְא֔וּ בַּמָּ֗ה הָֽיְתָ֛ה הַחַטָּ֥את הַזֹּ֖את הַיּֽוֹם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.39	14	39	7464	כִּ֣י חַי־יְהוָ֗ה הַמּוֹשִׁ֙יעַ֙ אֶת־יִשְׂרָאֵ֔ל כִּ֧י אִם־יֶשְׁנ֛וֹ בְּיוֹנָתָ֥ן בְּנִ֖י כִּ֣י מ֣וֹת יָמ֑וּת וְאֵ֥ין עֹנֵ֖הוּ מִכָּל־הָעָֽם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.40	14	40	7465	וַיֹּ֣אמֶר אֶל־כָּל־יִשְׂרָאֵ֗ל אַתֶּם֙ תִּֽהְיוּ֙ לְעֵ֣בֶר אֶחָ֔ד וַֽאֲנִי֙ וְיוֹנָתָ֣ן בְּנִ֔י נִהְיֶ֖ה לְעֵ֣בֶר אֶחָ֑ד וַיֹּאמְר֤וּ הָעָם֙ אֶל־שָׁא֔וּל הַטּ֥וֹב בְּעֵינֶ֖יךָ עֲשֵֽׂה׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.41	14	41	7466	וַיֹּ֣אמֶר שָׁא֗וּל אֶל־יְהוָ֛ה אֱלֹהֵ֥י יִשְׂרָאֵ֖ל הָ֣בָה תָמִ֑ים וַיִּלָּכֵ֧ד יוֹנָתָ֛ן וְשָׁא֖וּל וְהָעָ֥ם יָצָֽאוּ׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.42	14	42	7467	וַיֹּ֣אמֶר שָׁא֔וּל הַפִּ֕ילוּ בֵּינִ֕י וּבֵ֖ין יוֹנָתָ֣ן בְּנִ֑י וַיִּלָּכֵ֖ד יוֹנָתָֽן׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.43	14	43	7468	וַיֹּ֤אמֶר שָׁאוּל֙ אֶל־י֣וֹנָתָ֔ן הַגִּ֥ידָה לִּ֖י מֶ֣ה עָשִׂ֑יתָה וַיַּגֶּד־ל֣וֹ יוֹנָתָ֗ן וַיֹּאמֶר֩ טָעֹ֨ם טָעַ֜מְתִּי בִּקְצֵ֨ה הַמַּטֶּ֧ה אֲשֶׁר־בְּיָדִ֛י מְעַ֥ט דְּבַ֖שׁ הִנְנִ֥י אָמֽוּת׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.44	14	44	7469	וַיֹּ֣אמֶר שָׁא֔וּל כֹּֽה־יַעֲשֶׂ֥ה אֱלֹהִ֖ים וְכֹ֣ה יוֹסִ֑ף כִּֽי־מ֥וֹת תָּמ֖וּת יוֹנָתָֽן׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.45	14	45	7470	וַיֹּ֨אמֶר הָעָ֜ם אֶל־שָׁא֗וּל הֲ‍ֽיוֹנָתָ֤ן ׀ יָמוּת֙ אֲשֶׁ֣ר עָ֠שָׂה הַיְשׁוּעָ֨ה הַגְּדוֹלָ֣ה הַזֹּאת֮ בְּיִשְׂרָאֵל֒ חָלִ֗ילָה חַי־יְהוָה֙ אִם־יִפֹּ֞ל מִשַּׂעֲרַ֤ת רֹאשׁוֹ֙ אַ֔רְצָה כִּֽי־עִם־אֱלֹהִ֥ים עָשָׂ֖ה הַיּ֣וֹם הַזֶּ֑ה וַיִּפְדּ֥וּ הָעָ֛ם אֶת־יוֹנָתָ֖ן וְלֹא־מֵֽת׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.46	14	46	7471	וַיַּ֣עַל שָׁא֔וּל מֵאַחֲרֵ֖י פְּלִשְׁתִּ֑ים וּפְלִשְׁתִּ֖ים הָלְכ֥וּ לִמְקוֹמָֽם׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.47	14	47	7472	וְשָׁא֛וּל לָכַ֥ד הַמְּלוּכָ֖ה עַל־יִשְׂרָאֵ֑ל וַיִלָ֣חֶם סָבִ֣יב ׀ בְּֽכָל־אֹיְבָ֡יו בְּמוֹאָ֣ב ׀ וּבִבְנֵי־עַמּ֨וֹן וּבֶאֱד֜וֹם וּבְמַלְכֵ֤י צוֹבָה֙ וּבַפְּלִשְׁתִּ֔ים וּבְכֹ֥ל אֲשֶׁר־יִפְנֶ֖ה יַרְשִֽׁיעַ׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.48	14	48	7473	וַיַּ֣עַשׂ חַ֔יִל וַיַּ֖ךְ אֶת־עֲמָלֵ֑ק וַיַּצֵּ֥ל אֶת־יִשְׂרָאֵ֖ל מִיַּ֥ד שֹׁסֵֽהוּ׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.49	14	49	7474	וַיִּֽהְיוּ֙ בְּנֵ֣י שָׁא֔וּל יוֹנָתָ֥ן וְיִשְׁוִ֖י וּמַלְכִּי־שׁ֑וּעַ וְשֵׁם֙ שְׁתֵּ֣י בְנֹתָ֔יו שֵׁ֤ם הַבְּכִירָה֙ מֵרַ֔ב וְשֵׁ֥ם הַקְּטַנָּ֖ה מִיכַֽל׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.50	14	50	7475	וְשֵׁם֙ אֵ֣שֶׁת שָׁא֔וּל אֲחִינֹ֖עַם בַּת־אֲחִימָ֑עַץ וְשֵׁ֤ם שַׂר־צְבָאוֹ֙ אֲבִינֵ֔ר בֶּן־נֵ֖ר דּ֥וֹד שָׁאֽוּל׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.51	14	51	7476	וְקִ֧ישׁ אֲבִֽי־שָׁא֛וּל וְנֵ֥ר אֲבִֽי־אַבְנֵ֖ר בֶּן־אֲבִיאֵֽל׃
Hebrew Bible (Tanakh)	Nevi’im (Prophets)	Nevi’im – 1 Samuel	Nevi’im – 1 Samuel 14	Ch.14:V.52	14	52	7477	וַתְּהִ֤י הַמִּלְחָמָה֙ חֲזָקָ֣ה עַל־פְּלִשְׁתִּ֔ים כֹּ֖ל יְמֵ֣י שָׁא֑וּל וְרָאָ֨ה שָׁא֜וּל כָּל־אִ֤ישׁ גִּבּוֹר֙ וְכָל־בֶּן־חַ֔יִל וַיַּאַסְפֵ֖הוּ אֵלָֽיו׃