| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.1 | 3 | 1 | 12865 | וַיֹּ֣אמֶר אֵלַ֔י בֶּן־אָדָ֕ם אֵ֥ת אֲשֶׁר־תִּמְצָ֖א אֱכ֑וֹל אֱכוֹל֙ אֶת־הַמְּגִלָּ֣ה הַזֹּ֔את וְלֵ֥ךְ דַּבֵּ֖ר אֶל־בֵּ֥ית יִשְׂרָאֵֽל׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.2 | 3 | 2 | 12866 | וָאֶפְתַּ֖ח אֶת־פִּ֑י וַיַּ֣אֲכִלֵ֔נִי אֵ֖ת הַמְּגִלָּ֥ה הַזֹּֽאת׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.3 | 3 | 3 | 12867 | וַיֹּ֣אמֶר אֵלַ֗י בֶּן־אָדָם֙ בִּטְנְךָ֤ תַֽאֲכֵל֙ וּמֵעֶ֣יךָ תְמַלֵּ֔א אֵ֚ת הַמְּגִלָּ֣ה הַזֹּ֔את אֲשֶׁ֥ר אֲנִ֖י נֹתֵ֣ן אֵלֶ֑יךָ וָאֹ֣כְלָ֔ה וַתְּהִ֥י בְּפִ֖י כִּדְבַ֥שׁ לְמָתֽוֹק׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.4 | 3 | 4 | 12868 | וַיֹּ֖אמֶר אֵלָ֑י בֶּן־אָדָ֗ם לֶךְ־בֹּא֙ אֶל־בֵּ֣ית יִשְׂרָאֵ֔ל וְדִבַּרְתָּ֥ בִדְבָרַ֖י אֲלֵיהֶֽם׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.5 | 3 | 5 | 12869 | כִּ֡י לֹא֩ אֶל־עַ֨ם עִמְקֵ֥י שָׂפָ֛ה וְכִבְדֵ֥י לָשׁ֖וֹן אַתָּ֣ה שָׁל֑וּחַ אֶל־בֵּ֖ית יִשְׂרָאֵֽל׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.6 | 3 | 6 | 12870 | לֹ֣א ׀ אֶל־עַמִּ֣ים רַבִּ֗ים עִמְקֵ֤י שָׂפָה֙ וְכִבְדֵ֣י לָשׁ֔וֹן אֲשֶׁ֥ר לֹֽא־תִשְׁמַ֖ע דִּבְרֵיהֶ֑ם אִם־לֹ֤א אֲלֵיהֶם֙ שְׁלַחְתִּ֔יךָ הֵ֖מָּה יִשְׁמְע֥וּ אֵלֶֽיךָ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.7 | 3 | 7 | 12871 | וּבֵ֣ית יִשְׂרָאֵ֗ל לֹ֤א יֹאבוּ֙ לִשְׁמֹ֣עַ אֵלֶ֔יךָ כִּֽי־אֵינָ֥ם אֹבִ֖ים לִשְׁמֹ֣עַ אֵלָ֑י כִּ֚י כָּל־בֵּ֣ית יִשְׂרָאֵ֔ל חִזְקֵי־מֵ֥צַח וּקְשֵׁי־לֵ֖ב הֵֽמָּה׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.8 | 3 | 8 | 12872 | הִנֵּ֨ה נָתַ֧תִּי אֶת־פָּנֶ֛יךָ חֲזָקִ֖ים לְעֻמַּ֣ת פְּנֵיהֶ֑ם וְאֶֽת־מִצְחֲךָ֥ חָזָ֖ק לְעֻמַּ֥ת מִצְחָֽם׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.9 | 3 | 9 | 12873 | כְּשָׁמִ֛יר חָזָ֥ק מִצֹּ֖ר נָתַ֣תִּי מִצְחֶ֑ךָ לֹֽא־תִירָ֤א אוֹתָם֙ וְלֹא־תֵחַ֣ת מִפְּנֵיהֶ֔ם כִּ֛י בֵּֽית־מְרִ֖י הֵֽמָּה׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.10 | 3 | 10 | 12874 | וַיֹּ֖אמֶר אֵלָ֑י בֶּן־אָדָ֕ם אֶת־כָּל־דְּבָרַי֙ אֲשֶׁ֣ר אֲדַבֵּ֣ר אֵלֶ֔יךָ קַ֥ח בִּֽלְבָבְךָ֖ וּבְאָזְנֶ֥יךָ שְׁמָֽע׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.11 | 3 | 11 | 12875 | וְלֵ֨ךְ בֹּ֤א אֶל־הַגּוֹלָה֙ אֶל־בְּנֵ֣י עַמֶּ֔ךָ וְדִבַּרְתָּ֤ אֲלֵיהֶם֙ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהֹוִ֑ה אִֽם־יִשְׁמְע֖וּ וְאִם־יֶחְדָּֽלוּ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.12 | 3 | 12 | 12876 | וַתִּשָּׂאֵ֣נִי ר֔וּחַ וָאֶשְׁמַ֣ע אַחֲרַ֔י ק֖וֹל רַ֣עַשׁ גָּד֑וֹל בָּר֥וּךְ כְּבוֹד־יְהוָ֖ה מִמְּקוֹמֽוֹ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.13 | 3 | 13 | 12877 | וְק֣וֹל ׀ כַּנְפֵ֣י הַחַיּ֗וֹת מַשִּׁיקוֹת֙ אִשָּׁ֣ה אֶל־אֲחוֹתָ֔הּ וְק֥וֹל הָאוֹפַנִּ֖ים לְעֻמָּתָ֑ם וְק֖וֹל רַ֥עַשׁ גָּדֽוֹל׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.14 | 3 | 14 | 12878 | וְר֥וּחַ נְשָׂאַ֖תְנִי וַתִּקָּחֵ֑נִי וָאֵלֵ֥ךְ מַר֙ בַּחֲמַ֣ת רוּחִ֔י וְיַד־יְהוָ֥ה עָלַ֖י חָזָֽקָה׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.15 | 3 | 15 | 12879 | וָאָב֨וֹא אֶל־הַגּוֹלָ֜ה תֵּ֣ל אָ֠בִיב הַיֹּשְׁבִ֤ים אֶֽל־נְהַר־כְּבָר֙ וָֽאֵשֵׁ֔ב הֵ֖מָּה יוֹשְׁבִ֣ים שָׁ֑ם וָאֵשֵׁ֥ב שָׁ֛ם שִׁבְעַ֥ת יָמִ֖ים מַשְׁמִ֥ים בְּתוֹכָֽם׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.16 | 3 | 16 | 12880 | וַיְהִ֕י מִקְצֵ֖ה שִׁבְעַ֣ת יָמִ֑ים וַיְהִ֥י דְבַר־יְהוָ֖ה אֵלַ֥י לֵאמֹֽר׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.17 | 3 | 17 | 12881 | בֶּן־אָדָ֕ם צֹפֶ֥ה נְתַתִּ֖יךָ לְבֵ֣ית יִשְׂרָאֵ֑ל וְשָׁמַעְתָּ֤ מִפִּי֙ דָּבָ֔ר וְהִזְהַרְתָּ֥ אוֹתָ֖ם מִמֶּֽנִּי׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.18 | 3 | 18 | 12882 | בְּאָמְרִ֤י לָֽרָשָׁע֙ מ֣וֹת תָּמ֔וּת וְלֹ֣א הִזְהַרְתּ֗וֹ וְלֹ֥א דִבַּ֛רְתָּ לְהַזְהִ֥יר רָשָׁ֛ע מִדַּרְכּ֥וֹ הָרְשָׁעָ֖ה לְחַיֹּת֑וֹ ה֤וּא רָשָׁע֙ בַּעֲוֺנ֣וֹ יָמ֔וּת וְדָמ֖וֹ מִיָּדְךָ֥ אֲבַקֵּֽשׁ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.19 | 3 | 19 | 12883 | וְאַתָּה֙ כִּֽי־הִזְהַ֣רְתָּ רָשָׁ֔ע וְלֹא־שָׁב֙ מֵֽרִשְׁע֔וֹ וּמִדַּרְכּ֖וֹ הָרְשָׁעָ֑ה ה֚וּא בַּעֲוֺנ֣וֹ יָמ֔וּת וְאַתָּ֖ה אֶֽת־נַפְשְׁךָ֥ הִצַּֽלְתָּ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.20 | 3 | 20 | 12884 | וּבְשׁ֨וּב צַדִּ֤יק מִצִּדְקוֹ֙ וְעָ֣שָׂה עָ֔וֶל וְנָתַתִּ֥י מִכְשׁ֛וֹל לְפָנָ֖יו ה֣וּא יָמ֑וּת כִּ֣י לֹ֤א הִזְהַרְתּוֹ֙ בְּחַטָּאת֣וֹ יָמ֔וּת וְלֹ֣א תִזָכַ֗רְןָ צִדְקֹתָו֙ אֲשֶׁ֣ר עָשָׂ֔ה וְדָמ֖וֹ מִיָּדְךָ֥ אֲבַקֵּֽשׁ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.21 | 3 | 21 | 12885 | וְאַתָּ֞ה כִּ֧י הִזְהַרְתּ֣וֹ צַדִּ֗יק לְבִלְתִּ֥י חֲטֹ֛א צַדִּ֖יק וְה֣וּא לֹא־חָטָ֑א חָי֤וֹ יִֽחְיֶה֙ כִּ֣י נִזְהָ֔ר וְאַתָּ֖ה אֶֽת־נַפְשְׁךָ֥ הִצַּֽלְתָּ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.22 | 3 | 22 | 12886 | וַתְּהִ֥י עָלַ֛י שָׁ֖ם יַד־יְהוָ֑ה וַיֹּ֣אמֶר אֵלַ֗י ק֥וּם צֵא֙ אֶל־הַבִּקְעָ֔ה וְשָׁ֖ם אֲדַבֵּ֥ר אוֹתָֽךְ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.23 | 3 | 23 | 12887 | וָאָקוּם֮ וָאֵצֵ֣א אֶל־הַבִּקְעָה֒ וְהִנֵּה־שָׁ֤ם כְּבוֹד־יְהוָה֙ עֹמֵ֔ד כַּכָּב֕וֹד אֲשֶׁ֥ר רָאִ֖יתִי עַל־נְהַר־כְּבָ֑ר וָאֶפֹּ֖ל עַל־פָּנָֽי׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.24 | 3 | 24 | 12888 | וַתָּבֹא־בִ֣י ר֔וּחַ וַתַּעֲמִדֵ֖נִי עַל־רַגְלָ֑י וַיְדַבֵּ֤ר אֹתִי֙ וַיֹּ֣אמֶר אֵלַ֔י בֹּ֥א הִסָּגֵ֖ר בְּת֥וֹךְ בֵּיתֶֽךָ׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.25 | 3 | 25 | 12889 | וְאַתָּ֣ה בֶן־אָדָ֗ם הִנֵּ֨ה נָתְנ֤וּ עָלֶ֙יךָ֙ עֲבוֹתִ֔ים וַאֲסָר֖וּךָ בָּהֶ֑ם וְלֹ֥א תֵצֵ֖א בְּתוֹכָֽם׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.26 | 3 | 26 | 12890 | וּלְשֽׁוֹנְךָ֙ אַדְבִּ֣יק אֶל־חִכֶּ֔ךָ וְנֶֽאֱלַ֔מְתָּ וְלֹא־תִֽהְיֶ֥ה לָהֶ֖ם לְאִ֣ישׁ מוֹכִ֑יחַ כִּ֛י בֵּ֥ית מְרִ֖י הֵֽמָּה׃ | |
| Hebrew Bible (Tanakh) | Nevi’im (Prophets) | Nevi’im – Ezekiel | Nevi’im – Ezekiel 3 | Ch.3:V.27 | 3 | 27 | 12891 | וּֽבְדַבְּרִ֤י אֽוֹתְךָ֙ אֶפְתַּ֣ח אֶת־פִּ֔יךָ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהֹוִ֑ה הַשֹּׁמֵ֤עַ ׀ יִשְׁמָע֙ וְהֶחָדֵ֣ל ׀ יֶחְדָּ֔ל כִּ֛י בֵּ֥ית מְרִ֖י הֵֽמָּה׃ | |