| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.1 | 5 | 1 | 14640 | וְאַתָּ֞ה בֵּֽית־לֶ֣חֶם אֶפְרָ֗תָה צָעִיר֙ לִֽהְיוֹת֙ בְּאַלְפֵ֣י יְהוּדָ֔ה מִמְּךָ֙ לִ֣י יֵצֵ֔א לִֽהְי֥וֹת מוֹשֵׁ֖ל בְּיִשְׂרָאֵ֑ל וּמוֹצָאֹתָ֥יו מִקֶּ֖דֶם מִימֵ֥י עוֹלָֽם׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.2 | 5 | 2 | 14641 | לָכֵ֣ן יִתְּנֵ֔ם עַד־עֵ֥ת יוֹלֵדָ֖ה יָלָ֑דָה וְיֶ֣תֶר אֶחָ֔יו יְשׁוּב֖וּן עַל־בְּנֵ֥י יִשְׂרָאֵֽל׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.3 | 5 | 3 | 14642 | וְעָמַ֗ד וְרָעָה֙ בְּעֹ֣ז יְהוָ֔ה בִּגְא֕וֹן שֵׁ֖ם יְהוָ֣ה אֱלֹהָ֑יו וְיָשָׁ֕בוּ כִּֽי־עַתָּ֥ה יִגְדַּ֖ל עַד־אַפְסֵי־אָֽרֶץ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.4 | 5 | 4 | 14643 | וְהָיָ֥ה זֶ֖ה שָׁל֑וֹם אַשּׁ֣וּר ׀ כִּֽי־יָב֣וֹא בְאַרְצֵ֗נוּ וְכִ֤י יִדְרֹךְ֙ בְּאַרְמְנֹתֵ֔ינוּ וַהֲקֵמֹ֤נוּ עָלָיו֙ שִׁבְעָ֣ה רֹעִ֔ים וּשְׁמֹנָ֖ה נְסִיכֵ֥י אָדָֽם׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.5 | 5 | 5 | 14644 | וְרָע֞וּ אֶת־אֶ֤רֶץ אַשּׁוּר֙ בַּחֶ֔רֶב וְאֶת־אֶ֥רֶץ נִמְרֹ֖ד בִּפְתָחֶ֑יהָ וְהִצִּיל֙ מֵֽאַשּׁ֔וּר כִּֽי־יָב֣וֹא בְאַרְצֵ֔נוּ וְכִ֥י יִדְרֹ֖ךְ בִּגְבוּלֵֽנוּ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.6 | 5 | 6 | 14645 | וְהָיָ֣ה ׀ שְׁאֵרִ֣ית יַעֲקֹ֗ב בְּקֶ֙רֶב֙ עַמִּ֣ים רַבִּ֔ים כְּטַל֙ מֵאֵ֣ת יְהוָ֔ה כִּרְבִיבִ֖ים עֲלֵי־עֵ֑שֶׂב אֲשֶׁ֤ר לֹֽא־יְקַוֶּה֙ לְאִ֔ישׁ וְלֹ֥א יְיַחֵ֖ל לִבְנֵ֥י אָדָֽם׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.7 | 5 | 7 | 14646 | וְהָיָה֩ שְׁאֵרִ֨ית יַעֲקֹ֜ב בַּגּוֹיִ֗ם בְּקֶ֙רֶב֙ עַמִּ֣ים רַבִּ֔ים כְּאַרְיֵה֙ בְּבַהֲמ֣וֹת יַ֔עַר כִּכְפִ֖יר בְּעֶדְרֵי צֹ֑אן אֲשֶׁ֧ר אִם עָבַ֛ר וְרָמַ֥ס וְטָרַ֖ף וְאֵ֥ין מַצִּֽיל׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.8 | 5 | 8 | 14647 | תָּרֹ֥ם יָדְךָ֖ עַל־צָרֶ֑יךָ וְכָל־אֹיְבֶ֖יךָ יִכָּרֵֽתוּ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.9 | 5 | 9 | 14648 | וְהָיָ֤ה בַיּוֹם־הַהוּא֙ נְאֻם־יְהוָ֔ה וְהִכְרַתִּ֥י סוּסֶ֖יךָ מִקִּרְבֶּ֑ךָ וְהַאֲבַדְתִּ֖י מַרְכְּבֹתֶֽיךָ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.10 | 5 | 10 | 14649 | וְהִכְרַתִּ֖י עָרֵ֣י אַרְצֶ֑ךָ וְהָרַסְתִּ֖י כָּל־מִבְצָרֶֽיךָ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.11 | 5 | 11 | 14650 | וְהִכְרַתִּ֥י כְשָׁפִ֖ים מִיָּדֶ֑ךָ וּֽמְעוֹנְנִ֖ים לֹ֥א יִֽהְיוּ־לָֽךְ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.12 | 5 | 12 | 14651 | וְהִכְרַתִּ֧י פְסִילֶ֛יךָ וּמַצֵּבוֹתֶ֖יךָ מִקִּרְבֶּ֑ךָ וְלֹֽא־תִשְׁתַּחֲוֶ֥ה ע֖וֹד לְמַעֲשֵׂ֥ה יָדֶֽיךָ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.13 | 5 | 13 | 14652 | וְנָתַשְׁתִּ֥י אֲשֵׁירֶ֖יךָ מִקִּרְבֶּ֑ךָ וְהִשְׁמַדְתִּ֖י עָרֶֽיךָ׃ | |
| Hebrew Bible (Tanakh) | Nevi’im (Prophets) | Nevi’im – Micah | Nevi’im – Micah 5 | Ch.5:V.14 | 5 | 14 | 14653 | וְעָשִׂ֜יתִי בְּאַ֧ף וּבְחֵמָ֛ה נָקָ֖ם אֶת־הַגּוֹיִ֑ם אֲשֶׁ֖ר לֹ֥א שָׁמֵֽעוּ׃ | |