| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.1 | 7 | 1 | 2881 | וְזֹ֥את תּוֹרַ֖ת הָאָשָׁ֑ם קֹ֥דֶשׁ קֽ͏ָדָשִׁ֖ים הֽוּא׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.2 | 7 | 2 | 2882 | בִּמְק֗וֹם אֲשֶׁ֤ר יִשְׁחֲטוּ֙ אֶת־הָ֣עֹלָ֔ה יִשְׁחֲט֖וּ אֶת־הָאָשָׁ֑ם וְאֶת־דָּמ֛וֹ יִזְרֹ֥ק עַל־הַמִּזְבֵּ֖חַ סָבִֽיב׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.3 | 7 | 3 | 2883 | וְאֵ֥ת כָּל־חֶלְבּ֖וֹ יַקְרִ֣יב מִמֶּ֑נּוּ אֵ֚ת הָֽאַלְיָ֔ה וְאֶת־הַחֵ֖לֶב הַֽמְכַסֶּ֥ה אֶת־הַקֶּֽרֶב׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.4 | 7 | 4 | 2884 | וְאֵת֙ שְׁתֵּ֣י הַכְּלָיֹ֔ת וְאֶת־הַחֵ֙לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל־הַכְּסָלִ֑ים וְאֶת־הַיֹּתֶ֙רֶת֙ עַל־הַכָּבֵ֔ד עַל־הַכְּלָיֹ֖ת יְסִירֶֽנָּה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.5 | 7 | 5 | 2885 | וְהִקְטִ֨יר אֹתָ֤ם הַכֹּהֵן֙ הַמִּזְבֵּ֔חָה אִשֶּׁ֖ה לַיהוָ֑ה אָשָׁ֖ם הֽוּא׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.6 | 7 | 6 | 2886 | כָּל־זָכָ֥ר בַּכֹּהֲנִ֖ים יֹאכְלֶ֑נּוּ בְּמָק֤וֹם קָדוֹשׁ֙ יֵאָכֵ֔ל קֹ֥דֶשׁ קָֽדָשִׁ֖ים הֽוּא׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.7 | 7 | 7 | 2887 | כַּֽחַטָּאת֙ כָּֽאָשָׁ֔ם תּוֹרָ֥ה אַחַ֖ת לָהֶ֑ם הַכֹּהֵ֛ן אֲשֶׁ֥ר יְכַפֶּר־בּ֖וֹ ל֥וֹ יִהְיֶֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.8 | 7 | 8 | 2888 | וְהַ֨כֹּהֵ֔ן הַמַּקְרִ֖יב אֶת־עֹ֣לַת אִ֑ישׁ ע֤וֹר הָֽעֹלָה֙ אֲשֶׁ֣ר הִקְרִ֔יב לַכֹּהֵ֖ן ל֥וֹ יִהְיֶֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.9 | 7 | 9 | 2889 | וְכָל־מִנְחָ֗ה אֲשֶׁ֤ר תֵּֽאָפֶה֙ בַּתַּנּ֔וּר וְכָל־נַעֲשָׂ֥ה בַמַּרְחֶ֖שֶׁת וְעַֽל־מַחֲבַ֑ת לַכֹּהֵ֛ן הַמַּקְרִ֥יב אֹתָ֖הּ ל֥וֹ תִֽהְיֶֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.10 | 7 | 10 | 2890 | וְכָל־מִנְחָ֥ה בְלוּלָֽה־בַשֶּׁ֖מֶן וַחֲרֵבָ֑ה לְכָל־בְּנֵ֧י אַהֲרֹ֛ן תִּהְיֶ֖ה אִ֥ישׁ כְּאָחִֽיו׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.11 | 7 | 11 | 2891 | וְזֹ֥את תּוֹרַ֖ת זֶ֣בַח הַשְּׁלָמִ֑ים אֲשֶׁ֥ר יַקְרִ֖יב לַיהוָֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.12 | 7 | 12 | 2892 | אִ֣ם עַל־תּוֹדָה֮ יַקְרִיבֶנּוּ֒ וְהִקְרִ֣יב ׀ עַל־זֶ֣בַח הַתּוֹדָ֗ה חַלּ֤וֹת מַצּוֹת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצּ֖וֹת מְשֻׁחִ֣ים בַּשָּׁ֑מֶן וְסֹ֣לֶת מֻרְבֶּ֔כֶת חַלֹּ֖ת בְּלוּלֹ֥ת בַשָּֽׁמֶן׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.13 | 7 | 13 | 2893 | עַל־חַלֹּת֙ לֶ֣חֶם חָמֵ֔ץ יַקְרִ֖יב קָרְבָּנ֑וֹ עַל־זֶ֖בַח תּוֹדַ֥ת שְׁלָמָֽיו׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.14 | 7 | 14 | 2894 | וְהִקְרִ֨יב מִמֶּ֤נּוּ אֶחָד֙ מִכָּל־קָרְבָּ֔ן תְּרוּמָ֖ה לַיהוָ֑ה לַכֹּהֵ֗ן הַזֹּרֵ֛ק אֶת־דַּ֥ם הַשְּׁלָמִ֖ים ל֥וֹ יִהְיֶֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.15 | 7 | 15 | 2895 | וּבְשַׂ֗ר זֶ֚בַח תּוֹדַ֣ת שְׁלָמָ֔יו בְּי֥וֹם קָרְבָּנ֖וֹ יֵאָכֵ֑ל לֹֽא־יַנִּ֥יחַ מִמֶּ֖נּוּ עַד־בֹּֽקֶר׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.16 | 7 | 16 | 2896 | וְאִם־נֶ֣דֶר ׀ א֣וֹ נְדָבָ֗ה זֶ֚בַח קָרְבָּנ֔וֹ בְּי֛וֹם הַקְרִיב֥וֹ אֶת־זִבְח֖וֹ יֵאָכֵ֑ל וּמִֽמָּחֳרָ֔ת וְהַנּוֹתָ֥ר מִמֶּ֖נּוּ יֵאָכֵֽל׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.17 | 7 | 17 | 2897 | וְהַנּוֹתָ֖ר מִבְּשַׂ֣ר הַזָּ֑בַח בַּיּוֹם֙ הַשְּׁלִישִׁ֔י בָּאֵ֖שׁ יִשָּׂרֵֽף׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.18 | 7 | 18 | 2898 | וְאִ֣ם הֵאָכֹ֣ל יֵ֠אָכֵל מִבְּשַׂר־זֶ֨בַח שְׁלָמָ֜יו בַּיּ֣וֹם הַשְּׁלִישִׁי֮ לֹ֣א יֵרָצֶה֒ הַמַּקְרִ֣יב אֹת֗וֹ לֹ֧א יֵחָשֵׁ֛ב ל֖וֹ פִּגּ֣וּל יִהְיֶ֑ה וְהַנֶּ֛פֶשׁ הָאֹכֶ֥לֶת מִמֶּ֖נּוּ עֲוֺנָ֥הּ תִּשָּֽׂא׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.19 | 7 | 19 | 2899 | וְהַבָּשָׂ֞ר אֲשֶׁר־יִגַּ֤ע בְּכָל־טָמֵא֙ לֹ֣א יֵֽאָכֵ֔ל בָּאֵ֖שׁ יִשָּׂרֵ֑ף וְהַ֨בָּשָׂ֔ר כָּל־טָה֖וֹר יֹאכַ֥ל בָּשָֽׂר׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.20 | 7 | 20 | 2900 | וְהַנֶּ֜פֶשׁ אֲשֶׁר־תֹּאכַ֣ל בָּשָׂ֗ר מִזֶּ֤בַח הַשְּׁלָמִים֙ אֲשֶׁ֣ר לַיהוָ֔ה וְטֻמְאָת֖וֹ עָלָ֑יו וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.21 | 7 | 21 | 2901 | וְנֶ֜פֶשׁ כִּֽי־תִגַּ֣ע בְּכָל־טָמֵ֗א בְּטֻמְאַ֤ת אָדָם֙ א֣וֹ ׀ בִּבְהֵמָ֣ה טְמֵאָ֗ה א֚וֹ בְּכָל־שֶׁ֣קֶץ טָמֵ֔א וְאָכַ֛ל מִבְּשַׂר־זֶ֥בַח הַשְּׁלָמִ֖ים אֲשֶׁ֣ר לַיהוָ֑ה וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.22 | 7 | 22 | 2902 | וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.23 | 7 | 23 | 2903 | דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר כָּל־חֵ֜לֶב שׁ֥וֹר וְכֶ֛שֶׂב וָעֵ֖ז לֹ֥א תֹאכֵֽלוּ׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.24 | 7 | 24 | 2904 | וְחֵ֤לֶב נְבֵלָה֙ וְחֵ֣לֶב טְרֵפָ֔ה יֵעָשֶׂ֖ה לְכָל־מְלָאכָ֑ה וְאָכֹ֖ל לֹ֥א תֹאכְלֻֽהוּ׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.25 | 7 | 25 | 2905 | כִּ֚י כָּל־אֹכֵ֣ל חֵ֔לֶב מִן־הַ֨בְּהֵמָ֔ה אֲשֶׁ֨ר יַקְרִ֥יב מִמֶּ֛נָּה אִשֶּׁ֖ה לַיהוָ֑ה וְנִכְרְתָ֛ה הַנֶּ֥פֶשׁ הָאֹכֶ֖לֶת מֵֽעַמֶּֽיהָ׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.26 | 7 | 26 | 2906 | וְכָל־דָּם֙ לֹ֣א תֹאכְל֔וּ בְּכֹ֖ל מוֹשְׁבֹתֵיכֶ֑ם לָע֖וֹף וְלַבְּהֵמָֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.27 | 7 | 27 | 2907 | כָּל־נֶ֖פֶשׁ אֲשֶׁר־תֹּאכַ֣ל כָּל־דָּ֑ם וְנִכְרְתָ֛ה הַנֶּ֥פֶשׁ הַהִ֖וא מֵֽעַמֶּֽיהָ׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.28 | 7 | 28 | 2908 | וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.29 | 7 | 29 | 2909 | דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר הַמַּקְרִ֞יב אֶת־זֶ֤בַח שְׁלָמָיו֙ לַיהוָ֔ה יָבִ֧יא אֶת־קָרְבָּנ֛וֹ לַיהוָ֖ה מִזֶּ֥בַח שְׁלָמָֽיו׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.30 | 7 | 30 | 2910 | יָדָ֣יו תְּבִיאֶ֔ינָה אֵ֖ת אִשֵּׁ֣י יְהוָ֑ה אֶת־הַחֵ֤לֶב עַל־הֶֽחָזֶה֙ יְבִיאֶ֔נּוּ אֵ֣ת הֶחָזֶ֗ה לְהָנִ֥יף אֹת֛וֹ תְּנוּפָ֖ה לִפְנֵ֥י יְהוָֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.31 | 7 | 31 | 2911 | וְהִקְטִ֧יר הַכֹּהֵ֛ן אֶת־הַחֵ֖לֶב הַמִּזְבֵּ֑חָה וְהָיָה֙ הֶֽחָזֶ֔ה לְאַהֲרֹ֖ן וּלְבָנָֽיו׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.32 | 7 | 32 | 2912 | וְאֵת֙ שׁ֣וֹק הַיָּמִ֔ין תִּתְּנ֥וּ תְרוּמָ֖ה לַכֹּהֵ֑ן מִזִּבְחֵ֖י שַׁלְמֵיכֶֽם׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.33 | 7 | 33 | 2913 | הַמַּקְרִ֞יב אֶת־דַּ֧ם הַשְּׁלָמִ֛ים וְאֶת־הַחֵ֖לֶב מִבְּנֵ֣י אַהֲרֹ֑ן ל֧וֹ תִהְיֶ֛ה שׁ֥וֹק הַיָּמִ֖ין לְמָנָֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.34 | 7 | 34 | 2914 | כִּי֩ אֶת־חֲזֵ֨ה הַתְּנוּפָ֜ה וְאֵ֣ת ׀ שׁ֣וֹק הַתְּרוּמָ֗ה לָקַ֙חְתִּי֙ מֵאֵ֣ת בְּנֵֽי־יִשְׂרָאֵ֔ל מִזִּבְחֵ֖י שַׁלְמֵיהֶ֑ם וָאֶתֵּ֣ן אֹ֠תָם לְאַהֲרֹ֨ן הַכֹּהֵ֤ן וּלְבָנָיו֙ לְחָק־עוֹלָ֔ם מֵאֵ֖ת בְּנֵ֥י יִשְׂרָאֵֽל׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.35 | 7 | 35 | 2915 | זֹ֣את מִשְׁחַ֤ת אַהֲרֹן֙ וּמִשְׁחַ֣ת בָּנָ֔יו מֵאִשֵּׁ֖י יְהוָ֑ה בְּיוֹם֙ הִקְרִ֣יב אֹתָ֔ם לְכַהֵ֖ן לַיהוָֽה׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.36 | 7 | 36 | 2916 | אֲשֶׁר֩ צִוָּ֨ה יְהוָ֜ה לָתֵ֣ת לָהֶ֗ם בְּיוֹם֙ מָשְׁח֣וֹ אֹתָ֔ם מֵאֵ֖ת בְּנֵ֣י יִשְׂרָאֵ֑ל חֻקַּ֥ת עוֹלָ֖ם לְדֹרֹתָֽם׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.37 | 7 | 37 | 2917 | זֹ֣את הַתּוֹרָ֗ה לָֽעֹלָה֙ לַמִּנְחָ֔ה וְלַֽחַטָּ֖את וְלָאָשָׁ֑ם וְלַ֨מִּלּוּאִ֔ים וּלְזֶ֖בַח הַשְּׁלָמִֽים׃ | |
| Hebrew Bible (Tanakh) | Torah (Pentateuch) | Torah Leviticus | Torah Leviticus 7 | Ch.7:V.38 | 7 | 38 | 2918 | אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה בְּהַ֣ר סִינָ֑י בְּי֨וֹם צַוֺּת֜וֹ אֶת־בְּנֵ֣י יִשְׂרָאֵ֗ל לְהַקְרִ֧יב אֶת־קָרְבְּנֵיהֶ֛ם לַיהוָ֖ה בְּמִדְבַּ֥ר סִינָֽי׃ | |