| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.1 | 23 | 1 | 4418 | וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.2 | 23 | 2 | 4419 | וַיַּ֣עַשׂ בָּלָ֔ק כַּאֲשֶׁ֖ר דִּבֶּ֣ר בִּלְעָ֑ם וַיַּ֨עַל בָּלָ֧ק וּבִלְעָ֛ם פָּ֥ר וָאַ֖יִל בַּמִּזְבֵּֽחַ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.3 | 23 | 3 | 4420 | וַיֹּ֨אמֶר בִּלְעָ֜ם לְבָלָ֗ק הִתְיַצֵּב֮ עַל־עֹלָתֶךָ֒ וְאֵֽלְכָ֗ה אוּלַ֞י יִקָּרֵ֤ה יְהוָה֙ לִקְרָאתִ֔י וּדְבַ֥ר מַה־יַּרְאֵ֖נִי וְהִגַּ֣דְתִּי לָ֑ךְ וַיֵּ֖לֶךְ שֶֽׁפִי׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.4 | 23 | 4 | 4421 | וַיִּקָּ֥ר אֱלֹהִ֖ים אֶל־בִּלְעָ֑ם וַיֹּ֣אמֶר אֵלָ֗יו אֶת־שִׁבְעַ֤ת הַֽמִּזְבְּחֹת֙ עָרַ֔כְתִּי וָאַ֛עַל פָּ֥ר וָאַ֖יִל בַּמִּזְבֵּֽחַ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.5 | 23 | 5 | 4422 | וַיָּ֧שֶׂם יְהוָ֛ה דָּבָ֖ר בְּפִ֣י בִלְעָ֑ם וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.6 | 23 | 6 | 4423 | וַיָּ֣שָׁב אֵלָ֔יו וְהִנֵּ֥ה נִצָּ֖ב עַל־עֹלָת֑וֹ ה֖וּא וְכָל־שָׂרֵ֥י מוֹאָֽב׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.7 | 23 | 7 | 4424 | וַיִּשָּׂ֥א מְשָׁל֖וֹ וַיֹּאמַ֑ר מִן־אֲ֠רָם יַנְחֵ֨נִי בָלָ֤ק מֶֽלֶךְ־מוֹאָב֙ מֵֽהַרְרֵי־קֶ֔דֶם לְכָה֙ אָֽרָה־לִּ֣י יַעֲקֹ֔ב וּלְכָ֖ה זֹעֲמָ֥ה יִשְׂרָאֵֽל׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.8 | 23 | 8 | 4425 | מָ֣ה אֶקֹּ֔ב לֹ֥א קַבֹּ֖ה אֵ֑ל וּמָ֣ה אֶזְעֹ֔ם לֹ֥א זָעַ֖ם יְהוָֽה׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.9 | 23 | 9 | 4426 | כִּֽי־מֵרֹ֤אשׁ צֻרִים֙ אֶרְאֶ֔נּוּ וּמִגְּבָע֖וֹת אֲשׁוּרֶ֑נּוּ הֶן־עָם֙ לְבָדָ֣ד יִשְׁכֹּ֔ן וּבַגּוֹיִ֖ם לֹ֥א יִתְחַשָּֽׁב׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.10 | 23 | 10 | 4427 | מִ֤י מָנָה֙ עֲפַ֣ר יַעֲקֹ֔ב וּמִסְפָּ֖ר אֶת־רֹ֣בַע יִשְׂרָאֵ֑ל תָּמֹ֤ת נַפְשִׁי֙ מ֣וֹת יְשָׁרִ֔ים וּתְהִ֥י אַחֲרִיתִ֖י כָּמֹֽהוּ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.11 | 23 | 11 | 4428 | וַיֹּ֤אמֶר בָּלָק֙ אֶל־בִּלְעָ֔ם מֶ֥ה עָשִׂ֖יתָ לִ֑י לָקֹ֤ב אֹיְבַי֙ לְקַחְתִּ֔יךָ וְהִנֵּ֖ה בֵּרַ֥כְתָּ בָרֵֽךְ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.12 | 23 | 12 | 4429 | וַיַּ֖עַן וַיֹּאמַ֑ר הֲלֹ֗א אֵת֩ אֲשֶׁ֨ר יָשִׂ֤ים יְהוָה֙ בְּפִ֔י אֹת֥וֹ אֶשְׁמֹ֖ר לְדַבֵּֽר׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.13 | 23 | 13 | 4430 | וַיֹּ֨אמֶר אֵלָ֜יו בָּלָ֗ק לְכָה־נָּ֨א אִתִּ֜י אֶל־מָק֤וֹם אַחֵר֙ אֲשֶׁ֣ר תִּרְאֶ֣נּוּ מִשָּׁ֔ם אֶ֚פֶס קָצֵ֣הוּ תִרְאֶ֔ה וְכֻלּ֖וֹ לֹ֣א תִרְאֶ֑ה וְקָבְנוֹ־לִ֖י מִשָּֽׁם׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.14 | 23 | 14 | 4431 | וַיִּקָּחֵ֙הוּ֙ שְׂדֵ֣ה צֹפִ֔ים אֶל־רֹ֖אשׁ הַפִּסְגָּ֑ה וַיִּ֙בֶן֙ שִׁבְעָ֣ה מִזְבְּחֹ֔ת וַיַּ֛עַל פָּ֥ר וָאַ֖יִל בַּמִּזְבֵּֽחַ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.15 | 23 | 15 | 4432 | וַיֹּ֙אמֶר֙ אֶל־בָּלָ֔ק הִתְיַצֵּ֥ב כֹּ֖ה עַל־עֹלָתֶ֑ךָ וְאָנֹכִ֖י אִקָּ֥רֶה כֹּֽה׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.16 | 23 | 16 | 4433 | וַיִּקָּ֤ר יְהוָה֙ אֶל־בִּלְעָ֔ם וַיָּ֥שֶׂם דָּבָ֖ר בְּפִ֑יו וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.17 | 23 | 17 | 4434 | וַיָּבֹ֣א אֵלָ֗יו וְהִנּ֤וֹ נִצָּב֙ עַל־עֹ֣לָת֔וֹ וְשָׂרֵ֥י מוֹאָ֖ב אִתּ֑וֹ וַיֹּ֤אמֶר לוֹ֙ בָּלָ֔ק מַה־דִּבֶּ֖ר יְהוָֽה׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.18 | 23 | 18 | 4435 | וַיִּשָּׂ֥א מְשָׁל֖וֹ וַיֹּאמַ֑ר ק֤וּם בָּלָק֙ וּֽשֲׁמָ֔ע הַאֲזִ֥ינָה עָדַ֖י בְּנ֥וֹ צִפֹּֽר׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.19 | 23 | 19 | 4436 | לֹ֣א אִ֥ישׁ אֵל֙ וִֽיכַזֵּ֔ב וּבֶן־אָדָ֖ם וְיִתְנֶחָ֑ם הַה֤וּא אָמַר֙ וְלֹ֣א יַעֲשֶׂ֔ה וְדִבֶּ֖ר וְלֹ֥א יְקִימֶֽנָּה׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.20 | 23 | 20 | 4437 | הִנֵּ֥ה בָרֵ֖ךְ לָקָ֑חְתִּי וּבֵרֵ֖ךְ וְלֹ֥א אֲשִׁיבֶֽנָּה׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.21 | 23 | 21 | 4438 | לֹֽא־הִבִּ֥יט אָ֙וֶן֙ בְּיַעֲקֹ֔ב וְלֹא־רָאָ֥ה עָמָ֖ל בְּיִשְׂרָאֵ֑ל יְהוָ֤ה אֱלֹהָיו֙ עִמּ֔וֹ וּתְרוּעַ֥ת מֶ֖לֶךְ בּֽוֹ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.22 | 23 | 22 | 4439 | אֵ֖ל מוֹצִיאָ֣ם מִמִּצְרָ֑יִם כְּתוֹעֲפֹ֥ת רְאֵ֖ם לֽוֹ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.23 | 23 | 23 | 4440 | כִּ֤י לֹא־נַ֙חַשׁ֙ בְּיַעֲקֹ֔ב וְלֹא־קֶ֖סֶם בְּיִשְׂרָאֵ֑ל כָּעֵ֗ת יֵאָמֵ֤ר לְיַעֲקֹב֙ וּלְיִשְׂרָאֵ֔ל מַה־פָּ֖עַל אֵֽל׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.24 | 23 | 24 | 4441 | הֶן־עָם֙ כְּלָבִ֣יא יָק֔וּם וְכַאֲרִ֖י יִתְנַשָּׂ֑א לֹ֤א יִשְׁכַּב֙ עַד־יֹ֣אכַל טֶ֔רֶף וְדַם־חֲלָלִ֖ים יִשְׁתֶּֽה׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.25 | 23 | 25 | 4442 | וַיֹּ֤אמֶר בָּלָק֙ אֶל־בִּלְעָ֔ם גַּם־קֹ֖ב לֹ֣א תִקֳּבֶ֑נּוּ גַּם־בָּרֵ֖ךְ לֹ֥א תְבָרֲכֶֽנּוּ׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.26 | 23 | 26 | 4443 | וַיַּ֣עַן בִּלְעָ֔ם וַיֹּ֖אמֶר אֶל־בָּלָ֑ק הֲלֹ֗א דִּבַּ֤רְתִּי אֵלֶ֙יךָ֙ לֵאמֹ֔ר כֹּ֛ל אֲשֶׁר־יְדַבֵּ֥ר יְהוָ֖ה אֹת֥וֹ אֽ͏ֶעֱשֶֽׂה׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.27 | 23 | 27 | 4444 | וַיֹּ֤אמֶר בָּלָק֙ אֶל־בִּלְעָ֔ם לְכָה־נָּא֙ אֶקָּ֣חֲךָ֔ אֶל־מָק֖וֹם אַחֵ֑ר אוּלַ֤י יִישַׁר֙ בְּעֵינֵ֣י הָאֱלֹהִ֔ים וְקַבֹּ֥תוֹ לִ֖י מִשָּֽׁם׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.28 | 23 | 28 | 4445 | וַיִּקַּ֥ח בָּלָ֖ק אֶת־בִּלְעָ֑ם רֹ֣אשׁ הַפְּע֔וֹר הַנִּשְׁקָ֖ף עַל־פְּנֵ֥י הַיְשִׁימֹֽן׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.29 | 23 | 29 | 4446 | וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃ | |
| Hebrew Bible (Tanakh) | Torah (Pentateuch) | Torah Numbers | Torah Numbers 23 | Ch.23:V.30 | 23 | 30 | 4447 | וַיַּ֣עַשׂ בָּלָ֔ק כַּאֲשֶׁ֖ר אָמַ֣ר בִּלְעָ֑ם וַיַּ֛עַל פָּ֥ר וָאַ֖יִל בַּמִּזְבֵּֽחַ׃ | |