| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.1 | 39 | 1 | 1151 | וְיוֹסֵ֖ף הוּרַ֣ד מִצְרָ֑יְמָה וַיִּקְנֵ֡הוּ פּוֹטִיפַר֩ סְרִ֨יס פַּרְעֹ֜ה שַׂ֤ר הַטַּבָּחִים֙ אִ֣ישׁ מִצְרִ֔י מִיַּד֙ הַיִּשְׁמְעֵאלִ֔ים אֲשֶׁ֥ר הוֹרִדֻ֖הוּ שָֽׁמָּה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.2 | 39 | 2 | 1152 | וַיְהִ֤י יְהוָה֙ אֶת־יוֹסֵ֔ף וַיְהִ֖י אִ֣ישׁ מַצְלִ֑יחַ וַיְהִ֕י בְּבֵ֖ית אֲדֹנָ֥יו הַמִּצְרִֽי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.3 | 39 | 3 | 1153 | וַיַּ֣רְא אֲדֹנָ֔יו כִּ֥י יְהוָ֖ה אִתּ֑וֹ וְכֹל֙ אֲשֶׁר־ה֣וּא עֹשֶׂ֔ה יְהוָ֖ה מַצְלִ֥יחַ בְּיָדֽוֹ׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.4 | 39 | 4 | 1154 | וַיִּמְצָ֨א יוֹסֵ֥ף חֵ֛ן בְּעֵינָ֖יו וַיְשָׁ֣רֶת אֹת֑וֹ וַיַּפְקִדֵ֙הוּ֙ עַל־בֵּית֔וֹ וְכָל־יֶשׁ־ל֖וֹ נָתַ֥ן בְּיָדֽוֹ׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.5 | 39 | 5 | 1155 | וַיְהִ֡י מֵאָז֩ הִפְקִ֨יד אֹת֜וֹ בְּבֵית֗וֹ וְעַל֙ כָּל־אֲשֶׁ֣ר יֶשׁ־ל֔וֹ וַיְבָ֧רֶךְ יְהוָ֛ה אֶת־בֵּ֥ית הַמִּצְרִ֖י בִּגְלַ֣ל יוֹסֵ֑ף וַיְהִ֞י בִּרְכַּ֤ת יְהוָה֙ בְּכָל־אֲשֶׁ֣ר יֶשׁ־ל֔וֹ בַּבַּ֖יִת וּבַשָּׂדֶֽה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.6 | 39 | 6 | 1156 | וַיַּעֲזֹ֣ב כָּל־אֲשֶׁר־לוֹ֮ בְּיַד־יוֹסֵף֒ וְלֹא־יָדַ֤ע אִתּוֹ֙ מְא֔וּמָה כִּ֥י אִם־הַלֶּ֖חֶם אֲשֶׁר־ה֣וּא אוֹכֵ֑ל וַיְהִ֣י יוֹסֵ֔ף יְפֵה־תֹ֖אַר וִיפֵ֥ה מַרְאֶֽה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.7 | 39 | 7 | 1157 | וַיְהִ֗י אַחַר֙ הַדְּבָרִ֣ים הָאֵ֔לֶּה וַתִּשָּׂ֧א אֵֽשֶׁת־אֲדֹנָ֛יו אֶת־עֵינֶ֖יהָ אֶל־יוֹסֵ֑ף וַתֹּ֖אמֶר שִׁכְבָ֥ה עִמִּֽי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.8 | 39 | 8 | 1158 | וַיְמָאֵ֓ן ׀ וַיֹּ֙אמֶר֙ אֶל־אֵ֣שֶׁת אֲדֹנָ֔יו הֵ֣ן אֲדֹנִ֔י לֹא־יָדַ֥ע אִתִּ֖י מַה־בַּבָּ֑יִת וְכֹ֥ל אֲשֶׁר־יֶשׁ־ל֖וֹ נָתַ֥ן בְּיָדִֽי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.9 | 39 | 9 | 1159 | אֵינֶ֨נּוּ גָד֜וֹל בַּבַּ֣יִת הַזֶּה֮ מִמֶּנִּי֒ וְלֹֽא־חָשַׂ֤ךְ מִמֶּ֙נִּי֙ מְא֔וּמָה כִּ֥י אִם־אוֹתָ֖ךְ בַּאֲשֶׁ֣ר אַתְּ־אִשְׁתּ֑וֹ וְאֵ֨יךְ אֶֽעֱשֶׂ֜ה הָרָעָ֤ה הַגְּדֹלָה֙ הַזֹּ֔את וְחָטָ֖אתִי לֵֽאלֹהִֽים׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.10 | 39 | 10 | 1160 | וַיְהִ֕י כְּדַבְּרָ֥הּ אֶל־יוֹסֵ֖ף י֣וֹם ׀ י֑וֹם וְלֹא־שָׁמַ֥ע אֵלֶ֛יהָ לִשְׁכַּ֥ב אֶצְלָ֖הּ לִהְי֥וֹת עִמָּֽהּ׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.11 | 39 | 11 | 1161 | וַיְהִי֙ כְּהַיּ֣וֹם הַזֶּ֔ה וַיָּבֹ֥א הַבַּ֖יְתָה לַעֲשׂ֣וֹת מְלַאכְתּ֑וֹ וְאֵ֨ין אִ֜ישׁ מֵאַנְשֵׁ֥י הַבַּ֛יִת שָׁ֖ם בַּבָּֽיִת׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.12 | 39 | 12 | 1162 | וַתִּתְפְּשֵׂ֧הוּ בְּבִגְד֛וֹ לֵאמֹ֖ר שִׁכְבָ֣ה עִמִּ֑י וַיַּעֲזֹ֤ב בִּגְדוֹ֙ בְּיָדָ֔הּ וַיָּ֖נָס וַיֵּצֵ֥א הַחֽוּצָה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.13 | 39 | 13 | 1163 | וַיְהִי֙ כִּרְאוֹתָ֔הּ כִּֽי־עָזַ֥ב בִּגְד֖וֹ בְּיָדָ֑הּ וַיָּ֖נָס הַחֽוּצָה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.14 | 39 | 14 | 1164 | וַתִּקְרָ֞א לְאַנְשֵׁ֣י בֵיתָ֗הּ וַתֹּ֤אמֶר לָהֶם֙ לֵאמֹ֔ר רְא֗וּ הֵ֥בִיא לָ֛נוּ אִ֥ישׁ עִבְרִ֖י לְצַ֣חֶק בָּ֑נוּ בָּ֤א אֵלַי֙ לִשְׁכַּ֣ב עִמִּ֔י וָאֶקְרָ֖א בְּק֥וֹל גָּדֽוֹל׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.15 | 39 | 15 | 1165 | וַיְהִ֣י כְשָׁמְע֔וֹ כִּֽי־הֲרִימֹ֥תִי קוֹלִ֖י וָאֶקְרָ֑א וַיַּעֲזֹ֤ב בִּגְדוֹ֙ אֶצְלִ֔י וַיָּ֖נָס וַיֵּצֵ֥א הַחֽוּצָה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.16 | 39 | 16 | 1166 | וַתַּנַּ֥ח בִּגְד֖וֹ אֶצְלָ֑הּ עַד־בּ֥וֹא אֲדֹנָ֖יו אֶל־בֵּיתֽוֹ׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.17 | 39 | 17 | 1167 | וַתְּדַבֵּ֣ר אֵלָ֔יו כַּדְּבָרִ֥ים הָאֵ֖לֶּה לֵאמֹ֑ר בָּֽא־אֵלַ֞י הָעֶ֧בֶד הָֽעִבְרִ֛י אֲשֶׁר־הֵבֵ֥אתָ לָּ֖נוּ לְצַ֥חֶק בִּֽי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.18 | 39 | 18 | 1168 | וַיְהִ֕י כַּהֲרִימִ֥י קוֹלִ֖י וָאֶקְרָ֑א וַיַּעֲזֹ֥ב בִּגְד֛וֹ אֶצְלִ֖י וַיָּ֥נָס הַחֽוּצָה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.19 | 39 | 19 | 1169 | וַיְהִי֩ כִשְׁמֹ֨עַ אֲדֹנָ֜יו אֶת־דִּבְרֵ֣י אִשְׁתּ֗וֹ אֲשֶׁ֨ר דִּבְּרָ֤ה אֵלָיו֙ לֵאמֹ֔ר כַּדְּבָרִ֣ים הָאֵ֔לֶּה עָ֥שָׂה לִ֖י עַבְדֶּ֑ךָ וַיִּ֖חַר אַפּֽוֹ׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.20 | 39 | 20 | 1170 | וַיִּקַּח֩ אֲדֹנֵ֨י יוֹסֵ֜ף אֹת֗וֹ וַֽיִּתְּנֵ֙הוּ֙ אֶל־בֵּ֣ית הַסֹּ֔הַר מְק֕וֹם אֲשֶׁר־אֲסִירֵ֥י הַמֶּ֖לֶךְ אֲסוּרִ֑ים וֽ͏ַיְהִי־שָׁ֖ם בְּבֵ֥ית הַסֹּֽהַר׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.21 | 39 | 21 | 1171 | וַיְהִ֤י יְהוָה֙ אֶת־יוֹסֵ֔ף וַיֵּ֥ט אֵלָ֖יו חָ֑סֶד וַיִּתֵּ֣ן חִנּ֔וֹ בְּעֵינֵ֖י שַׂ֥ר בֵּית־הַסֹּֽהַר׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.22 | 39 | 22 | 1172 | וַיִּתֵּ֞ן שַׂ֤ר בֵּית־הַסֹּ֙הַר֙ בְּיַד־יוֹסֵ֔ף אֵ֚ת כָּל־הָ֣אֲסִירִ֔ם אֲשֶׁ֖ר בְּבֵ֣ית הַסֹּ֑הַר וְאֵ֨ת כָּל־אֲשֶׁ֤ר עֹשִׂים֙ שָׁ֔ם ה֖וּא הָיָ֥ה עֹשֶֽׂה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 39 | Ch.39:V.23 | 39 | 23 | 1173 | אֵ֣ין ׀ שַׂ֣ר בֵּית־הַסֹּהַ֗ר רֹאֶ֤ה אֶֽת־כָּל־מְא֙וּמָה֙ בְּיָד֔וֹ בַּאֲשֶׁ֥ר יְהוָ֖ה אִתּ֑וֹ וַֽאֲשֶׁר־ה֥וּא עֹשֶׂ֖ה יְהוָ֥ה מַצְלִֽיחַ׃ | |