| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.1 | 40 | 1 | 1174 | וַיְהִ֗י אַחַר֙ הַדְּבָרִ֣ים הָאֵ֔לֶּה חָ֥טְא֛וּ מַשְׁקֵ֥ה מֶֽלֶךְ־מִצְרַ֖יִם וְהָאֹפֶ֑ה לַאֲדֹנֵיהֶ֖ם לְמֶ֥לֶךְ מִצְרָֽיִם׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.2 | 40 | 2 | 1175 | וַיִּקְצֹ֣ף פַּרְעֹ֔ה עַ֖ל שְׁנֵ֣י סָרִיסָ֑יו עַ֚ל שַׂ֣ר הַמַּשְׁקִ֔ים וְעַ֖ל שַׂ֥ר הָאוֹפִֽים׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.3 | 40 | 3 | 1176 | וַיִּתֵּ֨ן אֹתָ֜ם בְּמִשְׁמַ֗ר בֵּ֛ית שַׂ֥ר הַטַבָּחִ֖ים אֶל־בֵּ֣ית הַסֹּ֑הַר מְק֕וֹם אֲשֶׁ֥ר יוֹסֵ֖ף אָס֥וּר שָֽׁם׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.4 | 40 | 4 | 1177 | וַ֠יִּפְקֹד שַׂ֣ר הַטַּבָּחִ֧ים אֶת־יוֹסֵ֛ף אִתָּ֖ם וַיְשָׁ֣רֶת אֹתָ֑ם וַיִּהְי֥וּ יָמִ֖ים בְּמִשְׁמָֽר׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.5 | 40 | 5 | 1178 | וַיַּֽחַלְמוּ֩ חֲל֨וֹם שְׁנֵיהֶ֜ם אִ֤ישׁ חֲלֹמוֹ֙ בְּלַ֣יְלָה אֶחָ֔ד אִ֖ישׁ כְּפִתְר֣וֹן חֲלֹמ֑וֹ הַמַּשְׁקֶ֣ה וְהָאֹפֶ֗ה אֲשֶׁר֙ לְמֶ֣לֶךְ מִצְרַ֔יִם אֲשֶׁ֥ר אֲסוּרִ֖ים בְּבֵ֥ית הַסֹּֽהַר׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.6 | 40 | 6 | 1179 | וַיָּבֹ֧א אֲלֵיהֶ֛ם יוֹסֵ֖ף בַּבֹּ֑קֶר וַיַּ֣רְא אֹתָ֔ם וְהִנָּ֖ם זֹעֲפִֽים׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.7 | 40 | 7 | 1180 | וַיִּשְׁאַ֞ל אֶת־סְרִיסֵ֣י פַרְעֹ֗ה אֲשֶׁ֨ר אִתּ֧וֹ בְמִשְׁמַ֛ר בֵּ֥ית אֲדֹנָ֖יו לֵאמֹ֑ר מַדּ֛וּעַ פְּנֵיכֶ֥ם רָעִ֖ים הַיּֽוֹם׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.8 | 40 | 8 | 1181 | וַיֹּאמְר֣וּ אֵלָ֔יו חֲל֣וֹם חָלַ֔מְנוּ וּפֹתֵ֖ר אֵ֣ין אֹת֑וֹ וַיֹּ֨אמֶר אֲלֵהֶ֜ם יוֹסֵ֗ף הֲל֤וֹא לֽ͏ֵאלֹהִים֙ פִּתְרֹנִ֔ים סַפְּרוּ־נָ֖א לִֽי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.9 | 40 | 9 | 1182 | וַיְסַפֵּ֧ר שַֽׂר־הַמַּשְׁקִ֛ים אֶת־חֲלֹמ֖וֹ לְיוֹסֵ֑ף וַיֹּ֣אמֶר ל֔וֹ בַּחֲלוֹמִ֕י וְהִנֵּה־גֶ֖פֶן לְפָנָֽי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.10 | 40 | 10 | 1183 | וּבַגֶּ֖פֶן שְׁלֹשָׁ֣ה שָׂרִיגִ֑ם וְהִ֤יא כְפֹרַ֙חַת֙ עָלְתָ֣ה נִצָּ֔הּ הִבְשִׁ֥ילוּ אַשְׁכְּלֹתֶ֖יהָ עֲנָבִֽים׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.11 | 40 | 11 | 1184 | וְכ֥וֹס פַּרְעֹ֖ה בְּיָדִ֑י וָאֶקַּ֣ח אֶת־הָֽעֲנָבִ֗ים וָֽאֶשְׂחַ֤ט אֹתָם֙ אֶל־כּ֣וֹס פַּרְעֹ֔ה וָאֶתֵּ֥ן אֶת־הַכּ֖וֹס עַל־כַּ֥ף פַּרְעֹֽה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.12 | 40 | 12 | 1185 | וַיֹּ֤אמֶר לוֹ֙ יוֹסֵ֔ף זֶ֖ה פִּתְרֹנ֑וֹ שְׁלֹ֙שֶׁת֙ הַשָּׂ֣רִגִ֔ים שְׁלֹ֥שֶׁת יָמִ֖ים הֵֽם׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.13 | 40 | 13 | 1186 | בְּע֣וֹד ׀ שְׁלֹ֣שֶׁת יָמִ֗ים יִשָּׂ֤א פַרְעֹה֙ אֶת־רֹאשֶׁ֔ךָ וַהֲשִֽׁיבְךָ֖ עַל־כַּנֶּ֑ךָ וְנָתַתָּ֤ כוֹס־פַּרְעֹה֙ בְּיָד֔וֹ כַּמִּשְׁפָּט֙ הָֽרִאשׁ֔וֹן אֲשֶׁ֥ר הָיִ֖יתָ מַשְׁקֵֽהוּ׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.14 | 40 | 14 | 1187 | כִּ֧י אִם־זְכַרְתַּ֣נִי אִתְּךָ֗ כַּאֲשֶׁר֙ יִ֣יטַב לָ֔ךְ וְעָשִֽׂיתָ־נָּ֥א עִמָּדִ֖י חָ֑סֶד וְהִזְכַּרְתַּ֙נִי֙ אֶל־פַּרְעֹ֔ה וְהוֹצֵאתַ֖נִי מִן־הַבַּ֥יִת הַזֶּֽה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.15 | 40 | 15 | 1188 | כִּֽי־גֻנֹּ֣ב גֻּנַּ֔בְתִּי מֵאֶ֖רֶץ הָעִבְרִ֑ים וְגַם־פֹּה֙ לֹא־עָשִׂ֣יתִֽי מְא֔וּמָה כִּֽי־שָׂמ֥וּ אֹתִ֖י בַּבּֽוֹר׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.16 | 40 | 16 | 1189 | וַיַּ֥רְא שַׂר־הָאֹפִ֖ים כִּ֣י ט֣וֹב פָּתָ֑ר וַיֹּ֙אמֶר֙ אֶל־יוֹסֵ֔ף אַף־אֲנִי֙ בַּחֲלוֹמִ֔י וְהִנֵּ֗ה שְׁלֹשָׁ֛ה סַלֵּ֥י חֹרִ֖י עַל־רֹאשִֽׁי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.17 | 40 | 17 | 1190 | וּבַסַּ֣ל הָֽעֶלְי֔וֹן מִכֹּ֛ל מַאֲכַ֥ל פַּרְעֹ֖ה מַעֲשֵׂ֣ה אֹפֶ֑ה וְהָע֗וֹף אֹכֵ֥ל אֹתָ֛ם מִן־הַסַּ֖ל מֵעַ֥ל רֹאשִֽׁי׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.18 | 40 | 18 | 1191 | וַיַּ֤עַן יוֹסֵף֙ וַיֹּ֔אמֶר זֶ֖ה פִּתְרֹנ֑וֹ שְׁלֹ֙שֶׁת֙ הַסַּלִּ֔ים שְׁלֹ֥שֶׁת יָמִ֖ים הֵֽם׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.19 | 40 | 19 | 1192 | בְּע֣וֹד ׀ שְׁלֹ֣שֶׁת יָמִ֗ים יִשָּׂ֨א פַרְעֹ֤ה אֶת־רֹֽאשְׁךָ֙ מֵֽעָלֶ֔יךָ וְתָלָ֥ה אוֹתְךָ֖ עַל־עֵ֑ץ וְאָכַ֥ל הָע֛וֹף אֶת־בְּשָׂרְךָ֖ מֵעָלֶֽיךָ׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.20 | 40 | 20 | 1193 | וַיְהִ֣י ׀ בַּיּ֣וֹם הַשְּׁלִישִׁ֗י י֚וֹם הֻלֶּ֣דֶת אֶת־פַּרְעֹ֔ה וַיַּ֥עַשׂ מִשְׁתֶּ֖ה לְכָל־עֲבָדָ֑יו וַיִּשָּׂ֞א אֶת־רֹ֣אשׁ ׀ שַׂ֣ר הַמַּשְׁקִ֗ים וְאֶת־רֹ֛אשׁ שַׂ֥ר הָאֹפִ֖ים בְּת֥וֹךְ עֲבָדָֽיו׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.21 | 40 | 21 | 1194 | וַיָּ֛שֶׁב אֶת־שַׂ֥ר הַמַּשְׁקִ֖ים עַל־מַשְׁקֵ֑הוּ וַיִּתֵּ֥ן הַכּ֖וֹס עַל־כַּ֥ף פַּרְעֹֽה׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.22 | 40 | 22 | 1195 | וְאֵ֛ת שַׂ֥ר הָאֹפִ֖ים תָּלָ֑ה כַּאֲשֶׁ֥ר פָּתַ֛ר לָהֶ֖ם יוֹסֵֽף׃ | |
| Hebrew Bible (Tanakh) | Torah (Pentateuch) | Torah Genesis | Torah Genesis 40 | Ch.40:V.23 | 40 | 23 | 1196 | וְלֹֽא־זָכַ֧ר שַֽׂר־הַמַּשְׁקִ֛ים אֶת־יוֹסֵ֖ף וַיִּשְׁכָּחֵֽהוּ׃ | |